Խաչիկ Մոմջյան

Մոմջյան Խաչիկ Նշանի (ծն․ 25․2․1909, Տրապիզոն), հայ սովետական փիլիսոփա։ Փիլիսոփայության գիտության դոկտոր (1951), պրոֆեսոր (1956), ՌԱՖԱՀ գիտական վաստակավոր գործիչ (1969)։ ՍՄԿԿ անդամ 1944-ից։ Ավարտել է փիլիսոփայության, գրականության և պատմության Մոսկվայի ինստիտուտի փիլ.յան ֆակուլտետը (1934)։ 1937—40-ին եղել է Մոսկվայի կրոնի և աթեիզմի պատմության թանգարանի արեմտաեվրոպական բաժնի վարիչ, ՀՍՍՀ ԴԱ առաջին գիտության քարտուղար (1943—47), միաժամանակ 1944—47-ին կատարել է դիվանագիտական աշխատանք, 1947—49-ին՝ ՀՍՍՀ ԴԱ փիլիսոփայության սեկտորի վարիչ, 1951—53-ին «Լրաբեր հասարակական գիտություններ» խմբագիր, 1955—58-ին՝ Մոսկվայի պետական համալսարանի դիալեկտիկական և պատմական մատերիալիզմի ամբիոնի վարիչ, 1958—62-ին՝ ՍՄԿԿ ԿԿ օրգան «Կոմունիստ» («Коммунист») ամսագրի խմբագրական կոլեգիայի անդամ և փիլիսոփայության բաժնի խմբագիր։ 1967-ից ՍՄԿԿ ԿԿ առընթեր հասարակական գիտությունների ակադեմիայի մարքս-լենինյան փիլիսոփայության ամբիոնի վարիչ, 1977-ից՝ ՍՍՀՄ սոցիոլոգիական ասոցիացիայի վարչության նախագահ։ Միջազգային սոցիոլոգիական ասոցիացիայի գործադիր կոմիտեի (1978-ից) և այդ կազմակերպության օրգան «Քարընթ սոսիոլըջի» («Carrent sociology») պարբերականի խմբագրական կոլեգիայի անդամ (1977-ից)։ Մոմջյանի գիտական ուսումնասիրությունները հիմնականում վերաբերում են աթեիզմի և մատերիալիզմի պատմությանը Ֆրանսիայում («Հելվեցիուսի փիլիսոփայությունը», 1955 (ռուս․), կազմել, խմբագրել և գիտական առաջաբանով հրատարակել է (ռուս․) Դ․ Դիդրոյի, Պ․ Մարեշալի, Կ․ Ֆ․ Վոլնեյի, Պ․ Հոլբախի, Կ․ Հելվեցիուսի ստեղծագործությունները, պատմական զարգացման օրինաչափություններին («Սոցիալիստական հասարակությունը և ժողովրդական զանգվածների ստեղծագործական ակտիվությունը», 1954 (ռուս.), «Սոցիալական զարգացման մարքսիստական-լենինյան տեսությունը», 1978 (ռուս․, համահեղինակ) և այլն), արդի բուրժուական փիլիսոփայության քննադատությանը [«Մարքսիզմը և ռենեգատ Դարոդին», 1973 (ռուս․) են]։ Աշխատությունները թարգմանվել են բազմաթիվ լեզուներով։ Պարգևատրվել է ժողովուրդների բարեկամության և «Պատվո նշան» շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։