Բացել գլխավոր ցանկը

Սպառողական վարկ, վարկ, որ տրամադրվում է բնակչությանը սպառման ապրանքներ գնելու կամ կենցաղային ծառայությունների դիմաց վճարելու համար։ Կապիտալիստական երկրներում արտահայտվում է առևտրական ձեռնարկությունների (գնված ապրանքների դիմաց վճարման հետաձգում), բանկերի և վարկաֆինանս այլ հիմնարկների վարկերի ձևով։ Որպես կարգ, տրամադրում է մինչև 3 տարի ժամկետով։ Բանկը տրամադրում է տարեկան 14-16 և ավելի տոկոսադրույքով։ Տրամադրված վարկի դիմաց չվճարելիս, վարկավորվող իրի սեփականության իրավունքն անցնում է բանկին և վաճառվում աճուրդով։ Տնտեսական ճգնաժամերի և գործազրկության աճի շրջանում վարկային պարտքի հետևանքով ցածր եկամուտներ ունեցող աշխատավորները սնանկանում են։ ԽՍՀՄ-ում և սոցիալիստական մյուս երկրներում սպառողական վարկերը պետական և կոոպերատիվ առևտրական կազմակերպությունների կողմից տրամադրվում է անձնական սպառման ապրանքներ (սառնարան, հեռուստացույց, ռադիոընդունիչ և այլն) գնելու համար։ Նպատակն է առավել լրիվ բավարարել աշխատավորների պահանջմունքները։ Վարկով վաճառվող ապրանքների դիմաց գնորդը վճարում է ապրանքի գնի 20-25%–ը, մնացած գումարը՝ 6-24 ամսվա ընթացքում (կախված ապրանքի տեսակից)։ Վարկի տարեկան տոկոսադրույքը 1-2% է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 56 CC-BY-SA-icon-80x15.png