Սուրբ Սարգիս եկեղեցի (Նարդևան)

Սուրբ Սարգիս եկեղեցի, հայ առաքելական եկեղեցի Վրաստանի Քվեմո Քարթլիի մարզի Ծալկայի շրջանի հայաբնակ Նարդևան գյուղում, կառուցվել է 19-րդ դարում։

Սուրբ Սարգիս եկեղեցի
Հիմնական տվյալներ
Տեսակ	եկեղեցի
Երկիր	Վրաստան
Տեղագրություն	Նարդևան
Դավանանք	Հայ Առաքելական Եկեղեցի
Հիմնական ամսաթվերը	19-րդ դար
Հիմնադրված	19-րդ դար
9,54 մետր
Երկարություն	12,01 մետր
Լայնություն	9,54 մետր

Անվան այլ կիրառումների համար տե՛ս՝ Սուրբ Սարգիս եկեղեցի (այլ կիրառումներ)

Նարդևանի Սուրբ Սարգիս եկեղեցու մասին տեղեկություններ են պահպանվել թե Հայ Առաքելական Սուրբ Եկեղեցու Վրաստանի և Իմերեթի թեմի արխիվներում, թե Վրաստանի ազգային արխիվում։ Որոնցից ամենա հին տեեկությունները թվագրվում են 1839-1840-ական թվականների։ 1840-ականներին եկեղեցին ունեցել է 334 ծխական, և քահանաներ։ Իսկ 1860-ական թվականների տեղեկություններով եկեղեցին հիշատակվում է որպես քարաշեն մի կառույց։

«Արձագանք» թերթի, «Ճանապարհորդական հիշատակարան»-ի հաղորդածում հիշատակվում է այն մասին որ Ծալկայի շրջանի հայկական եկեղեցիներում եղած անոթեղենները և ավետարանները հայ գաղթականները իրենց հետ են բերել, գաղթի ժամանակ։ Նարդևանի Սուրբ Սարգիս եկեղեցում պահվում էր գրչագիր թղթյա Ավետարան, որը գրվել էր Երզնկա քաղաքում հայոց ՌԽԱ թվին («ի' Հայրապետութեան Տեառն Դաւթի և յարքեպիսկոպոսութեան Երզնկայի Տեառն Ռոտակեսի»)։

Եկեղեցին կառուցված է կարմիր տուֆից, թաղակապ բազիլիկ կառույց է, որի չափսերն են (12.01 x 9.54) մետր։

Ունի մեկ մուտք՝ արևմտյան կողմից, մուտքի վերևում կա երկու արձանագրություն․

2005. ՆՈՐՈՔԵՑ ՊԱՐՈՆ - ԳՐԻԳՈՐ ՄԵԼԹՈՆՅԱՆ. Ֆ.

ՅԻՇԱՏԱԿԵՆ ՍՈՒՐԲ ՍԱՐԳԻՍ ԵԿԵՂԵՑԻՍ - Ի ԳՈՒՂՆ ՆԱՐՏԻՎԱՆՆՈՒ ՀԱՍԱՐԱԿՈՒԹՅԱՆ [Ե] ՄԻ - ԿԳԴԵԼՈՆԵՐՆ Ի ԿԱՐՆԱ ՆՈՐՈՔԵՑԻՆ 1865 ԱՄԻ.

Եկեղեցու հոգևոր կազմը եղել է՝ Հակոբ քհն. Մարտիրոսյանը, Թորոս քհն. Սնղճյանց, որոնք քահանայագործել են 1860-1880-ական թվականներին։

Խորհրդային անաստվածության տարիներին եկեղեցին փակվել է և վերածվել է պահեստի, իսկ արդեն հետխորհրդային տարիներին եկեղեցին վերանորոգվել է գյուղացիների ջանքերով։ Ներկայումս եկեղեցին գործում է։