Սուրբ Հռիփսիմե եկեղեցի (Խնածախ)

Անվան այլ կիրառումների համար տե՛ս՝ Սուրբ Հռիփսիմե եկեղեցի (այլ կիրառումներ)

Սուրբ Հռիփսիմե եկեղեցի (Խնածախ), Հայ առաքելական եկեղեցի, որը գտնվում է Սյունիքի մարզի Խնածախ գյուղում։ Կառուցվել է 17-րդ դարում։

Սուրբ Հռիփսիմե եկեղեցի (Խնածախ)
Հիմնական տվյալներ
Տեսակ	Եկեղեցի
Երկիր	Հայաստան
Տեղագրություն	Խնածախ
Դավանանք	Հայ Առաքելական եկեղեցի
Հիմնական ամսաթվերը	1625
Կազմված է	Գավիթ
Ժառանգության կարգավիճակ	մշակութային հուշարձան Հայաստանում
Անվանված	Հռիփսիմե
Ճարտարապետական ոճ	Հայ Եկեղեցի
Հիմնադրված	1625
Saint Hripsime Church, Khnatsakh Վիքիպահեստում

Եկեղեցին եռանավ բազիլիկ կառույց է՝ թաղածածկ և խորանի երկու կողմերում ավանդատներով։ Ունի 2 մուտք՝ հարավից և արևմուտքից։ 1701 թվականին եկեղեցուն կից, արևմտյան կողմից կառուցվել է բաց գավիթ, որը սրբատաշ բազալտով է և թաղածածկ։ 1905 թվականին նաև կառուցվել է տանիքի վրայի զանգ-աշտարակը, որը նույնպես սրբատաշ բազալտից է։

Եկեղեցին ճեղքված քարերով է շարված, իսկ մույթերը, պատուհանների և մուտքերի բացվածքները շարված են սրբատաշ բազալտով։

Բազալտի սալինկերով են շարված եկեղեցու և գավիթի տանիքները։ Խորհրդային անաստվածության տարիներին եկեղեցին պղծվել է և օգտագործվել որպես պահեստ։ Տեղանքի մեծ թեքության հետևանքով հյուսիսային կողմում քիվերը խրվել են հողաշերտի մեջ։

Տես նաև

Սյունիքի մարզի եկեղեցիների ցանկ