Սուրբ Հարություն եկեղեցի (Սպիտակ)
Անվան այլ կիրառումների համար տե՛ս՝ Սուրբ Հարություն եկեղեցի (այլ կիրառումներ)
Սուրբ Հարություն եկեղեցի, Հայ առաքելական եկեղեցի Հայաստանի Հանրապետության Լոռու մարզի Սպիտակ քաղաքում։
| Սուրբ Հարություն եկեղեցի | |
|---|---|
.JPG) Սպիտակի Սուրբ Հարություն եկեղեցին | |
| Հիմնական տվյալներ | |
| Տեսակ | եկեղեցի |
| Երկիր |  Հայաստան |
| Դավանանք | Հայ Առաքելական Եկեղեցի |
| Թեմ | Գուգարաց թեմ |
| Ներկա վիճակ | գործող |
| Ճարտարապետ | Բաղդասար Արզումանյան |
| Ճարտարապետական ոճ | Հայկական |
 Holy Resurrection Church of Spitak Վիքիպահեստում | |
Պատմություն խմբագրել
Սուրբ Հարություն եկեղեցու կառուցումը նախատեսել է Ամենայն Հայոց կաթողիկոս Վազգեն Առաջինը։ 1997 թվականին եկեղեցու կառուցման ծրագիրը իրականացրել է Ամենայն Հայոց կաթողիկոս Գարեգին Ա-ն, ով կատարել է եկեղեցու հիմնարկեքի արարողությունը։ Սուրբ Հարությունը Սպիտակի միակ եկեղեցին է։ Եկեղեցու օծման արարողությունը կատարել է Ամենայն Հակոց կաթողիկոս Գարեգին Երկրորդը։ Եկեղեցին կառուցվել է 1997-2000 թվականներին՝ «Եկեղեցիների համաշխարհային խորհրդի» միջոցներով։
Եկեղեցու բարերարներից է Սուրեն Ավետիսյանը, ճարտարապետը` Բաղդասար Արզումանյանը, շինարարը՝ «Մ. Լամբարյան» ՍՊԸ[1]։
Ճարտարապետություն խմբագրել
Սուրբ Հարություն եկեղեցին գմբեթավոր կառույց է՝ բազալտե սրբատաշ քարերով կառուցված։ Եկեղեցու արևմտյան կողմում եռահարկ զանգակատունն է՝ ութ սյուների վրա բարձրացող ռոտոնդայով։ Զանգակատան արևմտյան ճակատը հարդարված է հյուսկեն շրջանակի մեջ ներփակված թևատարած, քանդակազարդ խաչով։ Գլխավոր՝ արևմտյան մուտքի երկու կողմերում նախկին սրբավայրից մնացած մասունքներ են՝ խաչքարեր և այլ դետալներ։
Եկեղեցու բակում են գտնվում նաև Մեծ Եղեռնին և Արցախյան ազատամարտին նվիրված հաշարձանը՝ «Արծիվը թրով և խաչով», մեկ նորակերտ խաչքար հետնամասում՝ «Սուգ և արև» մակագրությամբ և մանուկների վերածննդին նվիրված հուշարձանը (1988-2004 թվականներին Բերգամո-Սպիտակ Զորակցության միություն)[2]։
Պատկերասրահ խմբագրել
-
-
-
-
Հուշարձան «Արծիվը թրով և խաչով» -
Մանուկների վերածննդին նվիրված հուշարձան (1988-2004 Բերգամո-Սպիտակ Զորակցության միություն)
.JPG)
Ծանոթագրություններ խմբագրել
- ↑ Սպիտակի Սուրբ Հարություն եկեղեցու օծում
- ↑ «Սուրբ Հարություն եկեղեցի «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ». Արխիվացված է օրիգինալից 2015 թ․ հոկտեմբերի 22-ին. Վերցված է 2014 թ․ դեկտեմբերի 18-ին.