Սուրբ Անդրեասի տաճար (Վիկտորիա)
Սուրբ Անդրեասի տաճար (անգլ.՝ St. Andrew's Cathedral), ռոմանական կաթոլիկ եկեղեցի Բրիտանական Կոլումբիայում, Կանադայում։ Կառուցվել է բարձր վիկտորիական գոթական ոճով։ Սուրբ Անդրեասը Վիկտորիայի երրորդ Մայր տաճարն էր։ Առաջինը (1858-1884) Հումբոլդտ փողոցի ներկայիս Սան Աննայի ակադեմիայի մատուռն է, երկրորդը (1884-1892) գտնվում էր Սուրբ Անդրեասի հրապարակի ներկայիս գրասենյակի շենքի ետևում։
| Սուրբ Անդրեասի տաճար | |
|---|---|
 | |
| Հիմնական տվյալներ | |
| Տեսակ | տաճար |
| Երկիր |  Կանադա |
| Տեղագրություն | Վիկտորիա |
| Դավանանք | կաթոլիկություն |
| Թեմ | Roman Catholic Diocese of Victoria? |
| Հիմնական ամսաթվերը | 1892 |
| Ժառանգության կարգավիճակ | Կանադայի ազգային պատմական վայր[1] և heritage designation?[2] |
| Անվանված | Անդրեաս առաքյալ |
| Ճարտարապետական ոճ | Նեոգոթիկա |
| Հիմնադրված | 1892 |
 | |
 | |
 St. Andrew's Cathedral (Victoria, British Columbia) Վիքիպահեստում | |
| standrewscathedral.com | |
Նոր տաճարի շինարարությունը սկսվել է 1890 թվականին։ 1892 թվականի հոկտեմբերի 30-ին՝ ժամը 8։ 00-ին, Ժան-Նիկոլաս Լեմմենս եպիսկոպոսը օրհնեց շենքը։ 1990 թվականից տաճարը եղել է Կանադայի ազգային պատմական շենքը։
Ճարտարապետություն խմբագրել
Սուրբ Անդրեասի տաճարի ճարտարապետն է Մորիս Փերոլտը և Ալբերտ Մեսնարդը։ Շինարարության համար ծախսվել է 81,052.00 կանադական դոլար։ Ճարտարապետները տաճարի կառուցման հատակագիծը վերցրել են եվրոպական միջնադարյան կառույցներից։ Այն հիմնված է Քվեբեկի Վոդրեուիլ-Դորյոնում կառուցված եկեղեցու հատակագծի վրա։ Երկու ոչ համաչափ աշտարակները հատկանշական են Քվեբեկի եկեղեցիներին, և դրանք հատուկ են Վիկտորիական գոթական ոճին։ Տաճարի նավը ունի 78 ոտնաչափ երկարություն, վարդակ պատուհանով։ Հիմնական աշտարակի բարձրությունը կազմում է 53 մետր։ Այն նախատեսված է ժամացույցների և զանգերի համար։
-
Նավը -
Նավի կամարը -
Հյուսիսային խորանը և գունավոր ապակիներով պատուհանը -
Հարավային հատվածը -
Տեսքը հարավ-արևելքից
Խորան խմբագրել
Խորանը օգտագործվել է Ռեմի Ջոզեֆ Դե Ռուի եպիսկոպոսական կարգի քսանհինգերորդ տարեդարձի առթիվ։ Քանդակել է Չարլզ Էլիոտը՝ առաջին բնիկ ամերիկացին, ով ավարտել էր Սենթ Լուիս քոլեջը։ Խորանը կազմված է երկու փայտե տուփերից։ Դրանք կարող են պտտվել, որպեսզի երևան չորս ձևավորված կողմերը՝ տարբեր պատարագային արարողությունների ժամանակ։ Խորանի գագաթը փորագրված է դեղին մայրուց և կշռում է մոտ 400 ֆունտ։
Ամբիոն խմբագրել
Այս տաճարում դրված է մի փորագրված ամբիոն, որի հեղինակն է Ռոյ Հենրի Վիքերսը։ Այն պատկերում է Քրիստոսի սև և կարմիր պատկերը՝ ներկայացնելով խաչված և հարություն առած Քրիստոսին։
Կրիպտե խմբագրել
Տաճարը ունի նաև կրիպտե, որտեղ ամփոփված են երեք եպիսկոսների աճյունները։ Նրանք են՝
- Մոդեսթե Դեմերսը, ով Վիկտորիայի առաջին եպիսկոպոսն էր։
- Չարլզ Ջոհն Սեգերսը՝ երկրորդ և չորրորդ եպիսկոպոսը, սպանվել է Ալյասկայում։
- Ջոհն Ջ․ Ջոհնկաուն՝ Վիկտորիա թեմից, մահացել է նախքան օծվելը։
Ծանոթագրություններ խմբագրել
Արտաքին հղումներ խմբագրել
- Պաշտոնական կայք
- Mystery Worshipper Report Արխիվացված 2015-08-27 Wayback Machine at the Ship of Fools website
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Անդրեասի տաճար (Վիկտորիա) կատեգորիայում։ |