Սուրբ Ալեքսանդր Նևսկու եկեղեցի (Բլագոդարնի)
Սուրբ Ալեքսանդր Նևսկու եկեղեցի, Մոսկվայի պատրիարքության Ռուս ուղղափառ եկեղեցու Ստավրոպոլի և Նևիննոմիսկի թեմի ծխական եկեղեցին Ռուսաստանի Ստավրոպոլի երկրամասի Բլագոդարնի քաղաքում։
| Սուրբ Ալեքսանդր Նևսկու եկեղեցի | |
|---|---|
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Բլագոդարնի |
| Դավանանք | ուղղափառություն |
| Թեմ | Stavropolk Eparchy? և Georgievsk Eparchy? |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ և ՌԴ մշակութային ժառանգության օբյեկտ |
| Ճարտարապետական ոճ | էկլեկտիկ ճարտարապետություն |
 | |
 | |
Սրբատոնի օրերը՝ սեպտեմբերի 12-ին և հոկտեմբերի 14-ին։
Պատմություն խմբագրել
Սուրբ բարեպաշտ իշխան Ալեքսանդր Նևսկու անունը կրող եկեղեցին Բլագոդարնի քաղաքում կառուցվել է 1894 թվականին՝ ի հիշատակ կայսր Ալեքսանդր II-ի թագավորության 25-ամյակի։ Տաճարի շինարարությունը հասարակության համար արժեցել է 57 000 ռուբլի։
Եկեղեցին առանձնացել է հարուստ ներքին ձևավորմամբ, ունեցել հինգ շարքով իկոնոստաս ավելի քան 60 սրբապատկերներով, սրբապատկերների բազմաթիվ փորագրված ու ոսկեզօծված պահարաններ, որտեղ պահվել են Ստավրոպոլի և Մոսկվայի սրբանկարիչների ստեղծած սրբապատկերներ։ Տաճարի զանգակատունն ունեցել է մի քանի զանգ։
Եկեղեցին ունեցել է քահանա, սարկավագ և սաղմոսող։ Քահանան ապրել է եկեղեցական տանը։ Եկեղեցին ունեցել է շուրջ 3 000 ծխական։ Եկեղեցու ծխական դպրոցը գտնվել է եկեղեցու պահակատնակում։
Կոլեկտիվացման շրջանում տաճարը բոլշևիկների կողմից օգտագործվել է որպես հացահատիկի պահեստ։ Վերաբացվել է Հայրենական մեծ պատերազմի տարիներին։
Տաճարն ունի երկու սրբատոն։ Սեպտեմբերի 12-ը Սուրբ իշխան Ալեքսանդր Նևսկու՝ տաճարի երկնային հովանավորի մասունքների տեղափոխման օրն է, իսկ հոկտեմբերի 14–ը՝ Մարիամ Աստվածածնի հիշատակի օրը։
Տաճարին կից բացվել և գործում է անօթևանների օգնության կենտրոն[1]։