Սունդոյի կամուրջ

Սունդոյի կամուրջ (նորվ.՝ Sundøybrua ), ավտոճանապարհային կամուրջ, որը միացնում է Լեիրֆորդ, Ալստեն կղզիները մայրցամաքային Նորվեգիային։ Ունի 298 մ երկարությամբ թռիչք և հանդիսանում է ամենամեծ երկաթբետոնյա կոնստրուկցիաներից մեկն աշխարհում։ Այն փոխարինել է ոչ մեծ լաստանավային փոխադրումներ իրականացնող հանգույցին։

Սունդոյի կամուրջ Sundøybrua
Երկիր	Նորվեգիա
Տեղանք	Լեիրֆորդ, Նուրլան,
Նշանակություն	ավտոճանապարհային, հետիոտնային
Տեսակ	երկաթբետոնյա
Նյութ	երկաթբետոն
Թռիչքների քանակ	3
Կառուցվել է	2003թ.-ի օգոստոսի 9
Երկարություն	538 մ
Լայնություն	10,3 մ
Բացման տարեթիվ	օգոստոսի 9, 2003

Տեղադրություն

Կամուրջը գտնվում է Հյուսիսային բևեռային շրջանից 100 կմ հարավ դեպի Նորվեգիայի հյուսիսային մասը։ Կամրջից 35 կմ արևմուտք գտնվում է Մոսյոն քաղաքը։

Շինարարություն

Կամրջի շինարարության պատվիրատուն Նուրլանի Ճանապարհային ղեկավար մարմինն է։ Նախագիծը մշակվել է Օսլոյում տեղակայված Aas-Jakobsen AS և Բուդյոյում տեղակայված BOARCH ընկերությունների կողմից։ Կապալառուն է եղել AS ANLEGG ընկերությունը։ Շինարարական աշխատանքները սկսվել են 2001 թ.-ին և ավարտվել 2003թ.-ին։ Կամրջի ամբողջական արժեքը կազմել է 186 միլիոն նորվեգական կռոն։ Բացումը տեղի է ունեցել 2003թ.-ի օգոստոսի 19-ին Նորվեգիայի Տրանսպորտի նախարարի կողմից։

Կառուցվածք

Տեսարան դեպի կամուրջը մայրցամաքից

Կամուրջը երկաթբետոնյա է, շրջանակաամրակներով։ Ընդհանուր երկարությունը 538 մ է։ Կամրջի հատակագիծն է՝ 120+298+120 մ։ Հիմնական հենասյուները բաղկացած են 2 մոնոլիտային սյունաշարերից:Հաստությունը անփոփոխ է, իսկ լայնությունը փոփոխական՝ կախված տվյալ տեղանքից։ Ամրանների ներսը լիցքով է։ Կառուցման ժամանակ օգտագործվել են LC60 և C65 մարկայի բետոն։ Երթևեկելի գոտու լայնությունը 7,5 մ է, իսկ ընդհանուր լայնությունը՝ 10.3 մ, այդ թվում՝ նաև մայթը։

Արտաքին հղումներ

• Статья о мосте на сайте Bridge Design & Engineering Արխիվացված 2009-06-29 Wayback Machine (անգլ.)
• Информация о мосте и фотографии на сайте Structurae (անգլ.)
• Информация о мосте на сайте фирмы Aas-Jakobsen Արխիվացված 2016-03-04 Wayback Machine (անգլ.)