Սոնյա Վարուժյան
Սոնյա Հակոբի Վարուժյան (անգլ.՝ Sonya Varoujian, 1973), բրիտանահայ երգչուհի։
| Սոնյա Վարուժյան | |
|---|---|
| Ծնվել է | 1973 |
| Մասնագիտություն | երգչուհի |
Կենսագրություն խմբագրել
Սոնյա Վարուժյանը ծնվել է 1973 թվականին Մեծ Բրիտանիայի Էպսոմ քաղաքում։ Երգել է վաղ տարիքից, նվագել կիթառ, դաշնամուր, գրել երգեր, 15 տարեկանում մասնակցել է երգի մրցույթների։
Հիմնադրել է «Raindance» երաժշտախումբը, համագործակցել պորտուգալացի և թաիլանդցի երաժիշտների հետ։ Ելույթներ է ունեցել Նյու Յորքի հայտնի համերգասրահներում, մասնակցել ամերիկյան «Long Island» և հայկական երաժշտության փառատոներին։
1991 թվականին թողարկել է «All in All» ձայնասկավառակը (Լոնդոն), ինչպես նաև կիթառի և ստեղնաշարային գործիքների նվագակցությամբ ինքնատիպ հեղինակային երգերի, «Seven» (1998, Նյու Յորք), «Confession» (2000) ալբոմները[1]։
Սոնյա Վարուժյանի երգերը հնչել են ռադիոկայաններով (92,7 WORE և WHRU 88,7): Նա նկարահանվել է Նյու Յորքի PBS հեռուստաընկերության «The Armenian Americans» («Ամերիկայի հայերը») փաստագրական ֆիլմում (ընդգրկված են նաև նշանավոր այլ հայեր)։
Համերգներով հանդես է եկել Մեծ Բրիտանիայում, Ավստրալիայում, Կանադայում, ԱՄՆ-ում, բարեգործական համերգներով՝ Հայաստանում (2005)։ Առաջին անգամ հայերեն երգեր է գրել 2006 թվականին, թողարկել է «Ճանապարհ» ձայնասկավառակը (12 երգ)։
Ծանոթագրություններ խմբագրել
Արտաքին հղումներ խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|