Սյուզաննա Մելիքյան
Սյուզաննա Մելիքյան (Իսպաներեն արտասանություն՝ [sjuˈsana meliˈkjan], օգոստոսի 14, 1986, Դոնեցկ, Ուկրաինական ԽՍՀ, ԽՍՀՄ), հայկական ծագմամբ ուկրաինա-մեքսիկական դերասանուհի[1]։
Սյուզաննա Մելիքյան | |
---|---|
Ծնվել է | օգոստոսի 14, 1986 (37 տարեկան) |
Ծննդավայր | Դոնեցկ, Ուկրաինական ԽՍՀ, ԽՍՀՄ |
Քաղաքացիություն | ԽՍՀՄ և Մեքսիկայի Միացյալ Նահանգներ |
Մասնագիտություն | հեռուստատեսային դերասանուհի և կինոդերասանուհի |
Կենսագրություն խմբագրել
Մելիքյանը ծնվել է 1986 թվականի օգոստոսի 14-ին Ուկրաինական Խորհրդային Սոցիալիստական Հանրապետության Դոնեցկ քաղաքում, կրկեսի աշխատակիցների ընտանիքում[2]։ Մինչ ընտանիքի հետ Մեքսիկա տեղափոխվելը, իր կյանքի առաջին տարիներն անց է կացրել Մոսկվայում, որտեղ ուսանել է մարմնամարզություն և բալետ։
Մեքսիկայում ապրելու տարիներին Սյուզաննան սովորել է դերասանական գործ և հայտնվել մի քանի շարք հեռուստագովազդներում։ Ֆիլմերում առաջին անգամ հայտնվել է 2005 թվականին՝ նկարահանվելով «Տրանզիտ» ֆիլմում։ Վերջինս նկարահանվել էր MTV Europe-ի կողմից։ 2009 թվականին նկարահանվել է «Ուսանողը» երիտասարդական ֆիլմում[3]։
Նկարահանվել է մեքսիկական մի շարք ֆիլմերում և հեռուստասերիալներում, այդ թվում նաև «Կապաոդվկիա» հեռուստասերիալում։ Մարմնավորել է նաև ուսուցիչներից մեկի դերը 2009 թվականին նկարահանված «Վստահիր երազանքիդ» հեռուստասերիալում[4]։
Ֆիլմագրություն խմբագրել
Ֆիլմեր խմբագրել
- Մորգանա (2012)
- Ուսանողը (2009)
- Ինչպե՞ս չսիրեմ քեզ (2008)
- Մեքսիկական դիմադրություն (2008)
- Մորելի հայտնագործությունը (2006)
- Տրանզիտ (2005)
- Դեպի վատը (2015)
Հեռուստասերիալներ խմբագրել
- Նոր կյանք (2013)
- Տրամադրություն (2011)
- Մահվան և ազատության ճիչեր (2010)
- Մահացիր երեքշաբթի օրը (2010)
- Վստահիր երազանքիդ (2009)
- Կապադովկիա (2008)
- Ավարտի ժամանակը (2008)
Ծանոթագրություններ խմբագրել
- ↑ «Siouzana Melikian quiere ser mexicana». NOTIMEX. 2009 թ․ ապրիլի 4. Արխիվացված է օրիգինալից 2019 թ․ նոյեմբերի 17-ին. Վերցված է 2019 թ․ նոյեմբերի 17-ին.
- ↑ «Así nace una estrella». El Siglo de Torreón. 2009 թ․ մայիսի 13.
- ↑ «Siouzana Melikian enamora a Lavat». El Universal. 2008 թ․ մարտի 30. Արխիվացված է օրիգինալից 2009 թ․ օգոստոսի 2-ին. Վերցված է 2019 թ․ նոյեմբերի 17-ին.
- ↑ «Siouzana Melikian, una actriz en serio». El Informador. 2011 թ․ ապրիլի 6. Արխիվացված է օրիգինալից 2016 թ․ օգոստոսի 12-ին. Վերցված է 2019 թ․ նոյեմբերի 17-ին.
Վիքիպահեստն ունի նյութեր, որոնք վերաբերում են «Սյուզաննա Մելիքյան» հոդվածին։ |