Սյուզաննա Բլոխի դիմանկարը
Սյուզաննա Բլոխի դիմանկարը (ֆր.՝ Portrait de Suzanne Bloch), իսպանացի և ֆրանսացի նկարիչ Պաբլո Պիկասոյի նկարը, որը նկարվել է 1904 թվականին, կտավով յուղաներկի վրա, կապույտ շրջանի ավարտին։ Պահվում է Սան Պաուլոյի արվեստի թանգարանում։ Չափերն են` 65 х 54 սմ[4]։
 | |
|---|---|
| տեսակ | գեղանկար |
| նկարիչ | Պաբլո Պիկասո[1] |
| տարի | 1904[2][3] |
| բարձրություն | 65 սանտիմետր[3] |
| լայնություն | 54 սանտիմետր[3] |
| ժանր | դիմապատկեր |
| նյութ | յուղաներկ[3] և կտավ[3] |
| գտնվում է | Սան Պաուլոյի արվեստի թանգարան[1][3] |
| հավաքածու | Սան Պաուլոյի արվեստի թանգարան[3] |
| հիմնական թեմա | Suzanne Bloch? |
պատկերված են
| |
| կայք | |
Ծանոթագրություններ | |
Պատմություն և նկարագրություն
խմբագրել
Նկարում պատկերված է օպերայի երգչուհի, Ռիխարդ Վագների ստեղծագործությունները կատարող Սյուզաննա Բլոխը։ Նկարը պատկերվել է Պիկասոյի արվեստանոցում, որը գտնվում էր Մոնմարտրի Ռավինյան փողոցի համար տասներեք տանը։ Դիմանկարը պատկերվել է «կապույտ շրջանին հատուկ» սառը երանգներով։ Սյուզաննայի հագին կապույտ զգեստ է։ Նրա խոշոր մուգ խոպոպները հարդարված են։ Նկարի զուսպ գունային ներկապնակը և վրձնի թեթև շարժումներն դեմքին արտահայտչականություն են տալիս և ուշադրությունը կենտրոնացնում են սև աչքերի վրա։ Լուսաստվերի խաղը դեմքը խոշոր է դարձնում։
Արվեստի հայտնի բրազիլացի պատմաբան Լուիս Մարկեսը Սյուզաննա Բլոխի դիմանկարը անվանել է կապույտ շրջանի վերջին նկարը։ Չնայած բանավիճային որոշ հակադրություններին` ընդհանուր դիրքորոշումն այն է, որ շատ առումներով դիմանկարը բնորոշում է Պիկասոյի կապույտ շրջանի փակումը[5]։
Ի սկզբանե դիմանկարը պատկանել է հենց Սյուզաննա Բլոխին, նրա մահից հետո այն ձեռք է բերվել Մյունխենի Տաննխաուզեր ժամանակակից արվեստի պատկերասրահի կողմից։ Այնուհետև նկարը գտնվել է արքայադուստր Մեհթիլդա Լիխովսկու մասնավոր հավաքածուում, Լոնդոնում, այնուհետև Բիբերների ընտանիքում, Լուգանոյում, Շվեյցարիայում։
Երկրորդ համաշխարհային պատերազմի ժամանակ նկարը պահվել է Վաշինգտոնի Արվեստի ազգային պատկերասրահում։ 1947 թվականին այն ձեռք է բերվել բրազիլացի բանկիր Վոլտեր Մորեյրա Սալեսի կողմից և նվիրվել է Սան Պաուլոյի գեղարվեստի թանգարանին։ 2007 թվականի դեկտեմբերին «Սյուզաննա Բլոխի դիմանկարը» Կանդիդու Պորտինարի «Սուրճ հավաքողը» նկարի հետ գողացվել է թանգարանից։ Մի քանի շաբաթ անց նկարները գտնվել են և վերադարձվել թանգարան։ Երեք տղամարդիկ, մեղադրվելով գողության համար, ձերբակալվել են։ Բարեբախտաբար, նկարները չեն վնասվել և լավ են պահպանվել[6]։
Ծանոթագրություններ
խմբագրել- ↑ 1,0 1,1 https://www.theguardian.com/world/2008/jan/10/artsfunding.artnews
- ↑ https://www.theguardian.com/world/2008/feb/08/artnews.arttheft
- ↑ 3,0 3,1 3,2 3,3 3,4 3,5 3,6 https://masp.org.br/acervo/obra/retrato-de-suzanne-bloch
- ↑ «Pablo Picasso. Retrato de Suzanne Bloch, 1904». MUSEU DE ARTE DE SÃO PAULO. Վերցված է 2019 թ․ դեկտեմբերի 5-ին.
- ↑ «Portrait of Suzanne Bloch». Pablopicasso.net. Վերցված է 2019 թ․ դեկտեմբերի 5-ին.
- ↑ «Stolen Picasso recovered undamaged in Brazil». The Guardian.com. Վերցված է 2019 թ․ դեկտեմբերի 5-ին.