Սկարամանգովկա
Սկարամանգովկա (ռուս.՝ Скараманговка), պատմական շրջան Ռուսաստանի Դաշնության Ռոստովի մարզի Տագանրոգ քաղաքում։
 ռուս.՝ Скараманговка | |
|---|---|
| Երկիր |  Ռուսաստան |
| Կարգավիճակ | պատմական թաղամաս |
| Մտնում է | Տագանրոգ |
Պատմություն խմբագրել
Շրջանի անվանումն առաջացել է հունական ծագումով տագանրոգցի գործարար, Մալայա Չերեպախայի գետաբերանի մոտ մեծ կալվածքի սեփականատեր[1] Իվան Ամրոսիևիչ Սկարամանգիի (1820-1902)[2] ազգանունից։ Այս հողերը նրան են պատկանել 1850 թվականից[3]։
Ավելի ուշ այս հողերը գնեց բարոն Օտտո Ռոմանովիչ Պֆեյլիցեր Ֆրանկը, որն այստեղ կառուցեց իր ամառանոցը և տնկեց այն ժամանակների համար հսկայական պտղատու այգի[3]։
Պատմական Սկարամանգովկան գտնվել է ժամանակակից Տագանրոգի մետալուրգիական գործարանի տարածքում[3]։
Սկարամանգովկա և Կասպերովկա շրջաններում բնակվող խուլիգաններին Տագանրոգում անվանում էին «փարավոններ» («фараоны»), ի տարբերություն այլ քաղաքների, որտեղ այդպես էին անվանում ոստիկաններին[4]։
Սկարամանգովյան (Հովհաննես Մկրտիչ) տաճար խմբագրել
Քանի որ Սկարամանգովկա, Կասպերովկա և Նովոսյոլովկա շրջանների բնակչությունը արագ աճում էր, և քաղաքի այդ հսկայական հատվածում չկար ոչ մի եկեղեցի, 1901 թվականին Եկատերինոսլավյան հոգևոր կոնսիստորիան արծարծեց այդ վայրում թեմական եկեղեցի կառուցելու հարցը[5]։
Այդ գաղափարը հավանության արժանացավ նաև մոտակա գործարանների տերերի շրջանում։ Կայացած ընդհանուր ժողովում որոշվեց, որ տաճարը նվիրված է լինելու Հովհաննես Մկրտչին և գտնվելու է Սկարամանգովկա շրջանի կենտրոնում[5]։ Եկեղեցին հիմնադրվել է 1903 թվականի մայիսի 14-ին։ Նախագծի հեղինակը տեղացի ճարտարապետ Ս. Ի. Գուշչինն էր։ Կառուցվել է մեկ տարի անց[5]։
1929 թվականի սեպտեմբերի 25-ին կաշվի գործարանի բանվորների ժողովում որոշվեց դիմել իշխանություններին՝ խնդրելով «ազատվել խավարամտության օջախից»։ Հավատացյալները փորձեցին պաշտպանել իրենց տաճարը, պահպանելու խնդրանքով հավաքվեց մոտ 700 ստորագրություն, սակայն ապարդյուն։ 1931 թվականի նոյեմբերի 11-ին իշխանությունների որոշմամբ եկեղեցին վերջնականապես փակվեց[5]։ Հետագայում տաճարը քանդվեց։
Ծանոթագրություններ խմբագրել
- ↑ Назаренко И. В. Скараманга Иван Амвросиевич // Таганрог. Энциклопедия. — Таганрог: Антон, 2008. — С. 639. — ISBN 978-5-88040-064-5.
- ↑ Кукушин В. С., Николаенко А. И. Таганрогский некрополь XIX—XX вв. Արխիվացված 2013-05-10 Wayback Machine — Таганрог: Лукоморье, 2006. — С. 46. — ISBN 5-902450-12-8.
- ↑ 3,0 3,1 3,2 «О тебе, любимый город: микрорайон Скараманговка». Վերցված է 2017 Մարտ 24-ին.
- ↑ Гаврюшкин О. П. Гуляет старый Таганрог: Исторический очерк. — Таганрог: АИ МИКМ, 1997. — 395 с. — ISBN 5-86746-019-3.
- ↑ 5,0 5,1 5,2 5,3 Киричек М. С. Святые купола Таганрога. — Таганрог: ИП Стадников, 2008. — С. 39-43. — ISBN 978-5-9901455-1-1.