Սիրո թունել (բնության հուշարձան)

Սիրո թունել (ուկրաիներեն՝ Туне́ль коха́ння), տեղային նշանակության բնության հուշարձան։ Գտնվում է Ուկրաինայում՝ Կլևան ավանի հարևանությամբ, Ռովնոյի շրջանի Ռովնոյի մարզում, Կլևանից Օրժև տանող երկաթուղու մի հատվածում։

Այն իրենից ներկայացնում է բուսաբանական ֆենոմեն՝ մոտ 4կմ երկարությամբ կանաչ թունել, անտառային զանգվածում, ստեղծված ծառերի մացառուտներով և թփերով, որոնք հյուսվել են իրար մեջ առաջացնելով ճիշտ կամարաձև խիտ թունել^[1]^[2]։ Արդյունաբերական գնացքը այս ճանապարհով անցնում է օրը երեք անգամ^[3]։

Թունելը ուխտագնացության վայր է սիրահար զույգերի և զբոսաշրջիկների համար։ Գոյություն ունի զբոսաշրջային առասպել, ըստ որի, եթե սիրահարված զույգերը անցնեն թունելով և երազանք պահեն, ապա այդ երազանքը կկատարվի^[3]։ Որոշ նորապսակներ այստղ ծաղիկներ են տնկում, որպես իրենց զգացմունքների խորհրդանիշ։

2013 թվականի նոյեմբերի սկզբին զանգվածային լրատվության միջոցներում հաղորդագրություն հայտնվեց թունելում շախմատային հաջորդականությամբ 700 մետր երկայնքով, ծառերի պրոֆիլակտիկ հատումումների մասին^[4], Դատախազությունը և Գոսէկոտեսչությունը գնահատել են հասցված վնասի չափը։ Կարծիք կար, որ հատումների արդյունքում «Սիրո թունելը» ոչնչացվել է։ Սակայն ըատ 2014 թվականի մայիսի տվյալների սրանք միայն ասեկոսեներ էին և իրականում թունելը դեռևս իր տեղում է։

Ճապոնացի ռեժիսոր Ակիյոշի Իմազակին 2014 թվականին նկարել է «Կլևան՝ Սիրո թունել» ռոմանտիկ դրաման։ Ֆլմի առաջին ցուցադրությունը եղել է 2014 թվականի նոյմբերի 23-ին Խանկայսկի միջազգային կինոփառատոնին, սակայն ֆիլմի պրեմիերան պլանավորված էր 2015 թվականին։ Ֆիլմի սյուժեն անմիջականորեն կապված էր ուկրաինական բնության հրաշքի հետ։