Սիրանուշ Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Սիրանուշ Ստեփանի Սահակյան (սեպտեմբերի 22, 1983, Երևան, Հայկական ԽՍՀ, ԽՍՀՄ), հայ իրավաբան, Բարձրաստիճան պաշտոնատար անձանց էթիկայի հանձնաժողովի նախկին նախագահ[1]։
| Սիրանուշ Սահակյան | |
| Կրթություն՝ | ԵՊՀ իրավաբանական ֆակուլտետ |
|---|---|
| Մասնագիտություն՝ | իրավաբան |
| Ծննդյան օր | սեպտեմբերի 22, 1983 (40 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան
|
| Պարգևներ |
 |
Կենսագրություն խմբագրել
Սիրանուշ Սահակյանը ծնվել է 1983 թվականին Երևանում։ 2000-2004 թվականներին սովորել է Երևանի պետական համալսարանի իրավաբանական ֆակուլտետի իրավագիտության բակալավրիատում, 2004-2006 թվականներին՝ ԵՊՀ իրավաբանական ֆակուլտետի մագիստրատուրայում՝ «Միջազգային հանրային իրավունք» մասնագիտացմամբ, 2006-2007 թվականներին՝ Էսսեքսի համալսարանի (Միացյալ Թագավորություն) իրավաբանական ֆակուլտետի մագիստրոս՝ «Մարդու իրավունքների միջազգային իրավունք» մասնագիտացմամբ։ 2009 թվականից մինչև օրս ԵՊՀ իրավաբանական ֆակուլտետի հայցորդ է` միջազգային իրավունք մասնագիտացմամբ[2][3]։
Աշխատանքային գործունեություն խմբագրել
2003-2005 թվականներին եղել է «Ժողովրդավարություն» հասարակական կազմակերպության իրավախորհրդատու-հետազոտող, 2005-2008 թվականներին՝ ՀՀ արդարադատության նախարարության աշխատակազմի մարդու իրավունքների եվրոպական դատարանի հետ կապերի վարչության կրտսեր, այնուհետև առաջատար մասնագետ, 2007 թվականին՝ Անցումային արդարադատության միջազգային կենտրոնի հետազոտող, 2008 թվականին՝ «Զոհրաբյան և գործընկերներ» իրավաբանական ընկերության միջազգային բաժնի ղեկավար, 2008-2009 թվականներին՝ ԵԱՀԿ/ԺՀՄԻԳ-ի Դատավարությունների մոնիթորինգային ծրագրի ղեկավար, 2009 թվականին՝ Եվրոպական ուսումնասիրությունների կենտրոնի փորձագետ, 2010 թվականին՝ Միավորված ազգերի կազմակերպության մանկական հիմնադրամի իրավախորհրդատու, 2011 թվականին՝ ԵԱՀԿ/ԺՀՄԻԳ-ի վարչական իրավունքի փորձագետ, 2010-2012 թվականներին՝ «Քաղաքացիական հասարակության ինստիտուտ» հասարակական կազմակերպության իրավախորհրդատու, 2010-2012 թվականներին՝ «Լեգելատա» իրավաբանական ընկերության գործընկեր-փաստաբան, 2009-2013 թվականներին՝ «Իրավունքների պաշտպանություն առանց սահմանների» հասարակական կազմակերպության հիմնադիր նախագահ։ 2013 թվականի ապրիլի 4-ից մինչև 2013 թվականի դեկտեմբերի 30-ը եղել է ՀՀ Նախագահի ռեֆերենտ, 2014 թվականի հունվարի 9-ին նշանակվել է Բարձրաստիճան պաշտոնատար անձանց էթիկայի հանձնաժողովի նախագահ[1]։
Գիտա-կրթական գործունեություն խմբագրել
2009-2013 թվականներին դասավանդել է Եվրոպական ուսումնասիրությունների կենտրոնում, 2012-2013 թվականներին՝ ՀՀ փաստաբանների դպրոցում, 2007 թվականից դասավանդում է ԵՊՀ իրավաբանական ֆակուլտետի Եվրոպական և միջազգային իրավունքի ամբիոնում։
Հեղինակ և համահեղինակ է բազմաթիվ աշխատությունների և գիտական հոդվածների, ինչպես նաև «Aggravates state responsibility and Obligations erga omnes» մենագրության։
Պարգևներ խմբագրել
Ծանոթագրություններ խմբագրել
- ↑ 1,0 1,1 Բարձրաստիճան պաշտոնատար անձանց էթիկայի հանձնաժողով, անդամներ
- ↑ «Ինչպիսի՞ կենսագրություն ունի Բարձրաստիճան պաշտոնատար անձանց էթիկայի հանձնաժողովի նախագահ Սիրանուշ Սահակյանը».
- ↑ «Սիրանուշ Ստեփանի Սահակյան». www.ysu.am. Վերցված է 2018 թ․ հունվարի 5-ին.
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ հունվարի 5-ին.