Սերը բառեր չի հասկանում
Սերը բառեր չի հասկանում (թուրքերեն՝ Aşk Laftan Anlamaz), թուրքական ռոմանտիկ հեռուստասերիալ, որը ցուցադրվել է Show TV-ով յուրաքանչյուր չորեքշաբթի երեկոյան[1]։ Պրեմիերան տեղի է ունեցել 2016 թվականի հունիսի 15-ին։ Գլխավոր դերերում հանդես են գալիս Բուրակ Դենիզը և Հանդե Էրչելը։ Հեռուստասերիալի ռեժիսորը Բուրակ Սաղյաշարն է, իսկ սցենարիստը` Նուրայ Ուսլուն։ Յուրաքանչյուր սերիայի տևողությունը մեկ ու կես ժամից երկու ժամ է։
Սերը բառեր չի հասկանում թուրքերեն՝ Aşk Laftan Anlamaz | |
|---|---|
 | |
| Ժանր | մելոդրամա, կոմեդիա |
| Երկիր |  Թուրքիա |
| Լեզու | թուրքերեն |
| Ռեժիսոր | Բուրակ Սաղյաշար |
| Գլխավոր դերերում | Բուրակ Դենիզ, Հանդե Էրչել, Օզջան Թեքդեմիր, Օղուզան Քարբի, Մերվե Չաղըրան |
| Պրոդյուսեր | Burak Sağyaşar? |
| Սցենարիստ | Նուրայ Ուսլու |
| Պատմվածքի վայր | Ստամբուլ |
| Եթերաշրջանների քանակ | 1 |
| Սերիաների քանակ | 31 |
| Էկրաններին է | հունիսի 15, 2016-ից փետրվարի 19, 2017-ը |
| Հեռուստաալիք | Show TV |
| Ընկերություն | Bi Yapım |
| Պատկերի ձևաչափ | 1080i (16:9 HDTV) |
| Պաշտոնական կայքէջ | |
Սցենար խմբագրել
Հայաթը (Հանդե Էրչել) երիտասարդ աղջիկ է, ով Կերասունից եկել է Ստամբուլ` սովորելու և աշխատելու։ Սակայն գործ գտնելը Ստամբուլի պես քաղաքում այդքան էլ հեշտ չէ երիտասարդ աղջկա համար։ Պատահաբար նա փողոցում ծանոթանում է երիտասարդ բիզնեսմեն Մուրատի հետ (Բուրակ Դենիզ)։ Նրանց առաջին հանդիպումը այդքան էլ խոստումնալից չէր։ Մուրատի պատճառով Հայաթը ուշանում է աշխատանքի ընդունման համար նախատեսվա հարցազրույցից։ Գալով հարցազրույցի նա պատահաբար ծանոթանում է Սունա Պեկթաշ անունով աղջկա հետ, ում հայրը խնդրել էր իր ընկերոջը թափուր աշխատատեղի համար հենց իր աղջկան գործի ընդունել։ Սակայն Սունան չէր ուզում այդտեղ աշխատել։ Հայաթը սկսում է հանդես գալ Սունա Պեկթաշ անունով` նախօրոք պայմանավորվելով Սունայի հետ։ Նա չէր էլ կարող պատկերացնել, որ իր նոր տնօրենը կլինի Մուրատը։
Դերասանական կազմը խմբագրել
| Դերասան | Դեր | Ծանոթագրություն |
|---|---|---|
| Հանդե Էրչել | Հայաթ Ուզուն | Մուրատի օգնականի օգնականը |
| Բուրակ Դենիզ | Մուրատ Սարըսըլմազ | «Սարտե»-ի գլխավոր տնօրենը |
| Մերվե Չաղըրան | Իփեք | Հայաթի ընկերուհին |
| Օզջան Թեքդեմիր | Ասլը | Հայաթի ընկերուհին |
| Օղուզան Քարբի | Դորուկ Սարըսըլմազ | Մուրատի եղբայրը |
| Դեմեթ Գյուլ | Թուվալ | «Սարտե»-ի գլխավոր դիզայները |
| Տուգչե Քարաբադջաք | Դիդեմ | Մուրատի նախկին ընկերուհին, մոդել «Սարտեում» |
| Գյոզդե Քոջաօղլու | Չաալա | Մուրատի օգնականը |
| Սուլթան Քյորոուլու Քըլըչ | Էմինե Ուզուն | Հայաթի մայրը |
| Էվրեն Դույալ | Ֆադիք | Հայաթի մորաքույրը |
| Ջեմ Եմյուլեր | Նեդջաթ Սարըսըլմազ | Մուրատի և Դորուկի հայրը, «Սարտե»ի սեփականատերը |
| Բեթյուլ Չոբանօղլու | Դերիա | Նեդջաթի կինը, Դորուկի մայրը, Մուրատի մայրացուն |
| Էլիֆ Դողան | Սունա Պեկթաշ | Քեմալի դուստրը |
| Սուլեյման Ֆելեք | Քերեմ | Մուրատի ընկերը և վարորդը |
| Նազան Դիփեր | Ազիմե Սարըսըլմազ | Մուրատի և Դորուկի տատը |
| Օղուզ Օքյուլ | Քեմալ Պեկթաշ | Նեդջաթի մոտ ընկերը |
Ծանոթագրություններ խմբագրել
- ↑ «Aşk Laftan Anlamaz | Show Tv». www.showtv.com.tr (անգլերեն). Վերցված է 2017 թ․ նոյեմբերի 28-ին.