Բացել գլխավոր ցանկը

Սարգոն Հին, Սարգոն Աքքադացի (աքքադերեն Շարրում-քեն, Շարրուքին), Աքքադ պետության հիմնադիր մ․ թ․ ա․ 24–րդ դար։ Սեմական ծագումով, Քիշ քաղաքից, ըստ ավանդության սերել է ժողովրդական ցածր խավերից։ Շումերի թագավոր Լուգալզագգիսիի կողմից Քիշի ավերումից հետո, Աքքադը դարձրել է թագավորության կենտրոն։ Հաղթել է Լուգալզագգիսիին և նվաճել Միջագետքի բոլոր քաղաք-պետությունները, հասել մինչև Էլամ, Ասորիք և Փոքր Ասիա։ Նրա օրոք տաճարային տնտեսությունները ձուլվել են արքայականի հետ։ Սարգոնի պետությունը կենտրոնացված բռնապետություն ստեղծելու առաջին փորձն էր, որտեղ ոչ տոհմիկ արքայական բյուրոկրատիան կառավարման մարմիններից դուրս է մղել տոհմիկ ազնվականությանը, իսկ քաղաք-պետությունների ինքնավարական մարմինները (խորհուրդ, ժողովրդական ժողով) դարձել են վարչական ստորին օղակներ։

Սարգոն
Sargon of Akkad.jpg
Ծնվել էմ. թ. ա. 2300
ԾննդավայրAzupiranus, Իրաք
Մահացել էմ. թ. ա. 2215
Մահվան վայրԱքքադ
ՔաղաքացիությունԱքքադ
ԿրոնՇումերական կրոն
Մասնագիտությունգերիշխան և cup-bearer
ԱմուսինTashlultum?
Ծնողներհայր՝ La'ibum?, մայր՝ Enítum?
Զբաղեցրած պաշտոններԱսորեստանի թագավոր
ԵրեխաներRimush?, Մանիշտուշու, Enheduanna?, Shu-Enlil? և Ilaba'is-takal?
Sargon of Akkad Վիքիպահեստում
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 219 CC-BY-SA-icon-80x15.png