Սանտալներ

Սանտալներ, ժողովուրդ Հնդկաստանում։ Բնակվում են հիմնականում Բենգալիայի հարավում, ինչպես նաև Բենգալիայի արևմտյան նահանգներում և Օրիսայում։ Ընդհանուր թիվը՝ մոտ 7,4 միլիոն։ Լեզուն լանտալին է, պատկանում է մունդա լեզուներին։ Դավանում են հնդուիզմ, տարածված է նաև զանազան ոգիների (անտառի, լեռան) պաշտամունքը։ Հասարակական կարգում պահպանվել են նախնադարյան համայնական հարաբերությունների վերապրուկներ։ Զբաղվում են հիմնականում հողագործությամբ, նաև՝ որսորդությամբ ու հավաքչությամբ։ Շատերն աշխատում են ձեռնարկություններում, պլանտացիաներում, ածխահանքերում, նավահանգիստներում։

Սանտալները Բահա պարաբի տոնակատարության ժամանակ

Սանտալի և այլ մունդա լեզուների տարածումը Հնդկաստանի քարտեզին

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 184)։

Վիքիպահեստն ունի նյութեր, որոնք վերաբերում են «Սանտալներ» հոդվածին։