Ռուզան Ավետիքյան

Ռուզան Ավետիքյան (հունվարի 12, 1978(1978-01-12), Երևան, Հայկական ԽՍՀ, ԽՍՀՄ), հայ երգչուհի:

Ռուզան Ավետիքյան
Ծնվել է	հունվարի 12, 1978(1978-01-12) (43 տարեկան) Երևան, Հայկական ԽՍՀ, ԽՍՀՄ
Երկիր	Հայաստան
Մասնագիտություն	երգչուհի
Գործիքներ	վոկալ
Աշխատավայր	Առնո Բաբաջանյանի անվան պետական երաժշտամանկավարժական քոլեջ և Երևանի Կոմիտասի անվան պետական կոնսերվատորիա
Կրթություն	Սայաթ-Նովայի անվան երաժշտական դպրոց և Երևանի Կոմիտասի անվան պետական կոնսերվատորիա (2001)

2001 թ-ից դասավանդում է Երևանի Ա. Բաբաջանյանի անվան երաժշտական քոլեջում, 2008 թ-ից՝ Երևանի պետական կոնսերվատորիայում:

Կենսագրություն

Ծնվել է 1978 թ. հունվարի 12-ին, Երևանում: 1995 թ. ավարտել է Երևանի Պ. Սևակի անվան թիվ 123 միջնակարգ դպրոցը: 6 տարեկան հասակից սովորել է Հայրիկ Մուրադյանի երաժշտական խմբակում, այնուհետև` Սայաթ-Նովայի անվան երաժշտական դպրոցում: 1987 թ. սովորել է ձայնի պահպանման թիվ 117 հատուկ դպրոցում: 1995-2001 թթ. ուսանել է Երևանի Կոմիտասի անվան պետական կոնսերվատորիայի ժողովրդական նվագարանների և երգի ամբիոնում: 2001 թ-ից դասավանդում է Երևանի Ա.Բաբաջանյանի անվան երաժշտական քոլեջում, 2008 թ-ից՝ Երևանի պետական կոնսերվատորիայում: Համերգներով հանդես է եկել Հայաստանում, Ռուսաստանում, ԱՄՆ-ում, Ավստրալիայում, Եվրոպայում: Երգացանկից հայտնի են՝ «Հայաստան», «Ջանա, ջանա», «Շեկ տղա» և այլ երգեր, զուգերգ Արսեն Գրիգորյանի (Ասո) հետ:

Թողարկել է «Սիրո գիշեր» (2003 թ.), «Սպասում եմ» (2006 թ.) ձայնասկավառակները: Նկարահանել է շուրջ 10 տեսահոլովակ:

Մրցանակներ

Արժանացել է Հայաստանի հանրային հեռուստաընկերության ազգային երաժշտական մրցանակաբաշխության «Լավագույն երգ» մրցանակին (2007-10թթ): Արժանացել է նաև Մոսկվայի «Տաշիր» հայկական երաժշտական մրցանակաբաշխության «Տարվա հայտնություն» (2008թ.) և «Տարվա լավագույն երգչուհի» (2009թ.) մրցանակների:

Արտաքին հղումներ

• Ո՞ւր է կորել Ռուզան Ավետիքյանը
• Ռուզան Ավետիքյան - «Ղարաբաղի գարուն»
• ՌՈՒԶԱՆ ԱՎԵՏԻՔՅԱՆ