Ռոստովի (Վարշավայի) համալսարանի վարչական մասնաշենք
Ռոստովի (Վարշավայի) համալսարանի վարչական մասնաշենք[1] (ռուս.՝ Административный корпус Ростовского (Варшавского) университета), շենք Դոնի Ռոստովում, որը կառուցվել է 1897 թվականին[2]։ Ի սկզբանե մտնել է Նիկոլաևյան հիվանդանոցի շինությունների համալիրի կազմի մեջ[3]։ 1915 թվականից շենքում տեղավորված է եղել Վարշավայի համալսարանի բժշկական ֆակուլտետը, որը տարհանվել էր Լեհաստանի մայրաքաղաք Վարշավայից։ Ներկայումս շենքում տեղակայված է Ռոստովի պետական բժշկական համալսարանի վարչական մասնաշենքը։ Ռոստովի (Վարշավայի) համալսարանի վարչական մասնաշենքն ունի մշակութային ժառանգության տարածաշրջանային նշանակության օբյեկտի կարգավիճակ[1]։
 | |
|---|---|
_%D1%83%D0%BD%D0%B8%D0%B2%D0%B5%D1%80%D1%81%D0%B8%D1%82%D0%B5%D1%82%D0%B0.JPG) | |
| Տեսակ | շենք |
| Երկիր |  Ռուսաստան |
| Տեղագրություն | Դոնի Ռոստով |
| Հիմնադրված է | 1897 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Ճարտարապետություն խմբագրել
Շենքի նախագծի հեղինակը ենթադրաբար եղել է ճարտարապետ Նիկոլայ Մատվեևիչ Սոկոլովը։ Աղյուսե երկհարկանի շենքն ունի մետաղական թեք տանիք։ Ճակատները սվաղած չեն։ Գլխավոր ճակատը դուրս է գալիս Նախիջևանի նրբանցք[4]։ Կողքերից առանձնանում են երկու ատտիկոսներով երկու ելունները։ Ճակատի հարկերի բաժանումն ընդգծվում է միջհարկային գոտիով։ Պատերը շարված են կոպտատաշ քարից։ Առաջին և երկրորդ հարկերի լուսամուտատեղերն ունեն տարբեր ձևեր։ Նրանք զարդարված են զարդաքիվերով, պարակալներով և կողպեքային քարերով։ Երկրորդ հարկի կողային ելունների պատուհանները ձևավորված են զույգ որմնսյուներով, որոնք ունեն կամարաղեղներ և աղեղնաձև քիվ։ Շենքն ունի հատակագծային բարդ ուրվագիծ։ Շինությունն ունի հատակագծման միջանցքային համակարգ` սենյակների երկկողմանի դասավորությամբ[2]։
_%D1%83%D0%BD%D0%B8%D0%B2%D0%B5%D1%80%D1%81%D0%B8%D1%82%D0%B5%D1%82,_%D0%BF%D0%BE%D0%B7%D0%B4%D0%BD%D0%B5%D0%B5_%D0%BC%D0%B5%D0%B4%D0%B8%D0%BD%D1%81%D1%82%D0%B8%D1%82%D1%83%D1%82_1887_%D0%B3_%D0%9D%D0%B0%D1%85%D0%B8%D1%87%D0%B5%D0%B2%D0%B0%D0%BD%D1%81%D0%BA%D0%B8%D0%B9,29%D0%B9_DSC00842.JPG)
Հուշատախտակներ խմբագրել
1984 թվականին շենքի պատին տեղադրվել է հուշատախտակ հետևյալ գրությամբ[2].
|
Ռոստովի Ժողովուրդների բարեկամության շքանշանակիր բժշկական ինստիտուտում 1916-1957 թվականներին աշխատել է բժշկական գիտությունների ակադեմիայի իսկական անդամ, ՌԽՖՍՀ գիտության վաստակավոր գործիչ, պրոֆեսոր Նիկոլայ Ապոլինարևիչ Ռոժանսկին (1884-1957 թթ.)։ | 
|
Ծանոթագրություններ խմբագրել
- ↑ 1,0 1,1 «г. Ростов-на-Дону (объекты культурного наследия регионального значения)». donland.ru. Վերցված է 2013 թ․ սեպտեմբերի 7-ին.
- ↑ 2,0 2,1 2,2 Шулепова Э. А. Материалы свода памятников истории и культуры РСФСР. Ростовская область.. — М.: Изд-во НИИ культуры, 1990. — С. 27.
- ↑ «Николаевская городская больница в Ростове-на-Дону». voopiik-don.ru. Վերցված է 2013 թ․ սեպտեմբերի 14-ին.
- ↑ Кукушин B. C. Эклектика // История архитектуры Нижнего Дона и Приазовья. — Ростов-на-Дону: ГинГО, 1995. — 275 с. — ISBN 5-88616-027-2
Գրականություն խմբագրել
- Панков Г. И Кузница медицинских кадров. Очерки истории Ростовского медицинского института. — Ростов-на-Дону, 1968. — С. 3—13, 15, 43, 71.