Ռեյ Ռիարդոն
Ռեյ Ռիարդոն (անգլ.՝ Ray Reardon, հոկտեմբերի 8, 1932[1], Տրեդեգար, Blaenau Gwent County Borough, Ուելս, Միացյալ Թագավորություն[2][1] - հուլիսի 19, 2024[3]), ուելսցի[5] նախկին պրոֆեսիոնալ սնուկերիստ։ Աշխարհի առաջնությունների և այլ մրցաշարերի վեցակի հաղթող, մինչ այժմ համարվում է ուելսցի ամենալավ սնուկերիստը։ 2011 թվականից Սնուկերի փառքի սրահի անդամ է։
| Ռեյ Ռիարդոն անգլ.՝ Ray Reardon | |
|---|---|
 | |
| Ծնվել է | հոկտեմբերի 8, 1932[1] |
| Ծննդավայր | Տրեդեգար, Blaenau Gwent County Borough, Ուելս, Միացյալ Թագավորություն[2][1] |
| Մահացել է | հուլիսի 19, 2024[3] (91 տարեկան) |
| Քաղաքացիություն | .svg){kind=small} Միացյալ Թագավորություն |
| Մայրենի լեզու | անգլերեն |
| Մասնագիտություն | սնուկերիստ |
| Պարգևներ և մրցանակներ | |
 Ray Reardon Վիքիպահեստում | |
Կենսագրություն
խմբագրելՌեյը ծնվել է 1932 թվականին Տրեդեգար փոքր հանքագործական քաղաքում[5] ։ Երբ լրացավ նրա 14-ամյակը, Ռիարդոնը հետևեց ընտանեկան ավանդույթին և դարձավ հանքագործ։ Այդ ժամանակ էլ նա սկսեց լրջորեն հետաքրքրվել սնուկերով և նա նույնիսկ ձեռնոցներ էր կրում աշխատանքի ժամանակ, որպեսզի չվնասի ձեռքերը և ի վիճակի լինի խաղալ։ Սակայն այն բանից հետո, երբ հանքում փլուզում տեղի ունեցավ և Ռեյը մի քանի ժամ անցկացրեց փլատակների տակ, նա որոշեց թողնել այդ աշխատանքը և շուտով աշխատանքի անցավ Սթոք-օն-Տրենտ քաղաքում որպես ոստիկան։
Ձեռքբերումներ
խմբագրելՌիարդոնին շատ էին սիրում նրա համար, որ խաղի մեջ զվարճություն և հումոր է ավելացնում։ Իր երկար հարվածներով հայտնի՝ նա 17 անպարտելի խաղ է ունեցել աշխարհի առաջնությունների ժամանակ և հաղթել այդ նույն մրցաշարը 4 անգամ իրար հետևից։ Ռեյն արժանացել է «Դրակուլա» մականունին իր սանրվածքի համար։ Նրա արտաքին տեսքն օգտագործվել է անգամ Billy the Kid and the Green Baize Vampire մյուզիքլում։ Ռիարդոնը դարձել է նաև անգլիական Lawnmower Deth խմբի «Spook Perv Happenings in the Snooker Hall» երգի հերոսը։
Ռեյ Ռիարդոնը պրոֆեսիոնալ խաղացող է դարձել 1967 թվականին[6] և խաղացել մինչև 1992 թվականը։ Նա 1970-ական թվականներին սնուկերի ոլորտում առաջնորդ է եղել՝ խաղալով աշխարհի առաջնությունների 7 եզրափակիչներում և դրանցից հաղթելով 6-ում։ Երկու անգամ՝ 1979 և 1980 թվականներին Ռիարդոնը Ուելսի հավաքականի կազմում է հաղթանակի հասել Աշխարհի գավաթին։ 1985 թվականին Մեծ Բրիտանիայի համար կատարած աշխատանքի համար նրան տրվել է MBE կոչումը՝ Բրիտանական Կայսրության շքանշանը։ Նույնիսկ հիմա, երբ սնուկերը շատ ավելի զարգացած է, շատերը Ռիարդոնին համարում են Ուելսի լավագույն սնուկերիստ և աշխարհի լավագույն սնուկերիստներից մեկը։
Դիրքը միջազգային վարկանշային աղյուսակում
խմբագրել| Մրցաշրջան | Դիրք |
|---|---|
| 1976/77 | 1 |
| 1977/78 | 1 |
| 1978/79 | 1 |
| 1979/80 | 1 |
| 1980/81 | 1 |
| 1981/82 | 4 |
| 1982/83 | 1 |
| 1983/84 | 2 |
| 1984/85 | 5 |
| 1985/86 | 6 |
| 1986/87 | 15 |
| 1987/88 | 38 |
| 1988/89 | 40 |
| 1989/90 | 54 |
| 1990/91 | 73 |
| 1991/92 | 126 |
Ծանոթագրություններ
խմբագրել- ↑ 1,0 1,1 1,2 1,3 1,4 Ray Reardon, six-time world snooker champion who helped to bring mass popularity to his sport – obituary / C. Evans — London: 2024. — ed. size: 622719 — ISSN 0307-1235; 1477-3805
- ↑ 2,0 2,1 2,2 http://www.funtrivia.com/en/subtopics/Cueing-for-Success-359790.html
- ↑ 3,0 3,1 3,2 All-Time Great Ray Reardon Passes Away
- ↑ The London Gazette 50154 (բրիտ․ անգլ.) — 1985. — Iss. 50154. — P. 15. — ISBN 0-11-660154-X
- ↑ 5,0 5,1 «Then and Now: Ray Reardon – Yahoo! Eurosport». uk.eurosport.yahoo.com. Վերցված է 2010 թ․ մարտի 6-ին.
- ↑ Reardon, Ray., Enjoying Snooker, St Michael Press, 1986, p15.