Ջորջ Բառնս

Ջորջ Բառնս (անգլ.՝ George Barnes, հոկտեմբերի 16, 1892(1892-10-16), Փասադենա, Լոս Անջելես շրջան, Կալիֆոռնիա, ԱՄՆ - մայիսի 30, 1953(1953-05-30), Լոս Անջելես, Կալիֆոռնիա, ԱՄՆ), ամերիկացի կինոօպերատոր, որ իր գործունեությունը ծավալել է համր կինոյի դարաշրջանից մինչև 1950-ական թվականների սկիզբը։

Ջորջ Բառնս
Ծննդյան թիվ՝	հոկտեմբերի 16, 1892(1892-10-16)
Ծննդավայր՝	Փասադենա, Լոս Անջելես շրջան, Կալիֆոռնիա, ԱՄՆ
Վախճանի թիվ՝	մայիսի 30, 1953(1953-05-30) (60 տարեկան)
Վախճանի վայր՝	Լոս Անջելես, Կալիֆոռնիա, ԱՄՆ
Քաղաքացիություն՝	ԱՄՆ
Մասնագիտություն՝	օպերատոր-բեմադրիչ
Պարգևներ՝	Academy Award for Best Cinematography, Black-and-White? (1939)
IMDb։	ID 0055604

Կենսագրություն

Ջորջ Բառնսը ծնվել է 1892 թվականի հոկտեմբերի 15-ին ԱՄՆ Փասադենա քաղաքում։ Որպես կինոօպերատոր իր նորամուտը կատարել է 1918 թվականի «Կեցցե՛ Ֆրանսիան» ֆիլմի նկարահանումների ժամանակ, որի ռեժիսորը եղել է Ռոյ Ուիլյամ Նիլը։ Իր կարիերայի ընթացքում ութ անգամ ներկայացվել է «Օսկար» կինոմրցանակի՝ մրցանակ ստանալով միայն 1941 թվականին լավագույն օպերատորական աշխատանքի համար կինոռեժիսոր Ալֆրեդ Հիչքոքի «Ռեբեկա» ֆիլմի համար։ Անդամակցել է Ամերիկյան կինոօպերատորների միությանը։

Ջորջ Բառնսն ամուսնացած է եղել չորս անգամ՝ Ջոան Բլոնդելի (1933-1936), Հելեն Հաուելի, Էլիզաբեթ Վուդի և Մելբե Մարշալ Կրյուգերի հետ։

Ջորջ Բառնսը մահացել է 1953 թվականի մայիսի 30-ին Լոս Անջելեսում (Կալիֆոռնիա նահանգ)։

Ընտրյալ ֆիլմագրություն

• 1925 – Արծիվը / The Eagle (ռեժ.՝ Քլարենս Բրաուն)
• 1926 – Շեյխի որդին / The Son of the Sheik (ռեժ.՝ Ջորջ Ֆիցմորիս)
• 1928 – Մեր պարող դուստրերը / Our Dancing Daughters (ռեժ.՝ Գարրի Բոմոնտ)
• 1928 – Սեդի Թոմփսոն / Sadie Thompson (ռեժ.՝ Ռաուլ Ուոլշ)
• 1929 – Բուլդոգ Դրամոնդ / Bulldog Drummond (ռեժ.՝ Ֆրենկ Ջոնս)
• 1937 – Սև լեգեոն / Black Legion (ռեժ.՝ Արչի Մայո)
• 1937 – Դրոշմված կին / Marked Woman (ռեժ.՝ Լլոյդ Բեքոն)
• 1937 – Արքայազն ու աղքատը / The Prince and the Pauper (ռեժ.՝ Ուիլյամ Քայլի)
• 1940 – Ռեբեկա / Rebecca (ռեժ.՝ Ալֆրեդ Հիչքոք)
• 1941 – Ծանոթացեք Ջոն Դոուի հետ / Meet John Doe (ռեժ.՝ Ֆրենկ Կապրա)
• 1943 – Ջեյն Էյր / Jane Eyre (ռեժ.՝ Ռոբերտ Ստիվենսոն)
• 1945 – Հմայված / Spellbound (ռեժ.՝ Ալֆրեդ Հիչքոք)
• 1948 – Չարի ուժը / Force of Evil (ռեժ.՝ Աբրահամ Պոլոնսկի)
• 1948 – Կայսերական վալս / The Emperor Waltz (ռեժ.՝ Բիլլի Ուայլդեր)
• 1950 – Թելմա Ջորդոնի գործը / The File on Thelma Jordon (ռեժ.՝ Ռոբերտ Սիոդմաք)
• 1951 – Փեսացուն վերադառնում է / Here Comes the Groom (ռեժ.՝ Ֆրենկ Կապրա)
• 1952 – Աշխարհի խոշորագույն շոուն / The Greatest Show on Earth (ռեժ.՝ Սեսիլ Դեմիլ)
• 1953 – Աշխարհների պատերազմը / The War of the Worlds (ռեժ.՝ Բայրոն Հեսկին)

Մրցանակներ և անվանակարգեր

• «Օսկար» մրցանակ լավագույն օպերատորական աշխատանքի համար
  • Ներկայացվել է 1929 թվականին «Դիվական պարուհին», «Կախարդական հուր» և «Սեդի Թոմփսոն» ֆիլմերի համար,
  • Ներկայացվել է 1930 թվականին «Մեր պարող դուստրերը» ֆիլմի համար,
  • 1941 թվականին արժանացել է մրցանակի «Ռեբեկա» ֆիլմի համար,
  • Ներկայացվել է 1946 թվականին «Իսպանական ծովային տերություններ» և «Հմայված» ֆիլմերի համար,
  • Ներկայացվել է 1951 թվականին «Սամսոն և Դալիլա» ֆիլմի համար։
• «Ոսկե գլոբուս» մրցանակ օպերատորական լավագույն աշխատանքի համար.
  • Ներկայացվել է 1951 թվականին «Սամսոն և Դալիլա» ֆիլմի համար,
  • Արժանացել է մրցանակի 1953 թվականին «Աշխարհի մեծագույն շոուն» ֆիլմի համար։

Արտաքին հղումներ

• Ջորջ Բառնսը Internet Movie Database կայքում
• Կինոօպերատորների օնլայն հանրագիտարան(անգլ.)