Ջղաշուշան

Ջղաշուշան
Գիտական դասակարգում
Թագավորություն Բույսեր Տիպ Ծածկասերմեր Դաս Երկշաքիլավորներ Ընտանիք Շուշանազգիներ
Լատիներեն անվանում
Funkia
Դասակարգումը Վիքիցեղերում Պատկերներ Վիքիպահեստում

Ջղաշուշան, (լատին․՝ Funkia) պատկանում է շուշանազգիների (Liliaceae) ընտանիքին։ Հայրենիքը Չինաստանը և Ճապոնիան է։

Կենսաբանական նկարագիր

Պարտեզային ամենասիրված բազմամյա բույսերից մեկն է։ Այս ցեղն ընդգրկում է մի քանի տեսակներ և այլատեսակներ։ Պարտեզային մշակության մեջ հաճախ կարելի է հանդիպել նշտարատերևավոր ջղաշուշանին (F.lancifolia Spreng.), որն աչքի է ընկնում սպիտակ կամ սպիտակ-երկնագույն ծաղիկներով։ Ծաղկում է հուլիս-օգոստոս ամիսներին։ Երևանի պայմաններում հիանալի ձմեռում է բաց գրունտում։ Այս տեսակի այլատեսակն (F.l.albo-marginata) ունի գեղեցիկ, խայտաբղետ տերևներ։ Նույնպիսի տերևներ ունեն նաև ալիքատերև տեսակի (F.undulata Otto et Diett.) մի շարք ձևեր։ Այլ տեսակներից աչքի է ընկնում Զիբոլդի ջղաշուշանը (F.Sieboldi Lindl), որն ունի գորշ կանաչագույն տերևներ, ծաղկում է մայիս-հունիս ամիսներին, բաց մանուշակագույն ծաղիկներով։

Մշակում

Բազմանում է թփիկների բաժանումով (վաղ գարնանը) և արմատային կտրոններով։ Պահանջում է սննդանյութերով հարուստ, փուխր հողեր։ Լավ է աճում կիսաստվերում։ Գեղեցիկ տերևները թարմացնում են ծաղկեփնջերի ընդհանուր տեսքը։ Ջերմատներում կարելի է ծաղկեցնել ժամկետից շուտ։ Այդ նպատակի համար տերևաթափ եղած բույսերը անհրաժեշտ է աշնանից հանել բաց գրունտից, և տնկելով թաղարներում, փոխադրել ջերմատուն։ Այստեղ բույսերը պետք է պահպանել 3-5° ջերմության պայմաններում ու հետևել, որպեսզի հողը թաղարներում միշտ խոնավ մնա։ Հունվար ամսին անհրաժեշտ է դրանք տեղափոխել կիսատաք ջերմատուն և տեղադրել դարակների վրա, լույսին մոտ։ Կոճղարմատների վրա գտնվող բողբոջները արագ թափով սկսում են զարգանալ և կարճ ժամանակամիջոցում տերևներ արձակում։ Այդ ամբողջ ժամանակամիջոցի ընթացքում պետք է բույսերը 1-2 անգամ սնուցել ամոնիում սուլֆատով։ Գարնանը բույսերը նորից տեղադրել բաց գրունտ, տնկել պարարտ հողում։ Երբ բույսերը վերականգնվում են, նորից փոխադրել ջերմատուն։

Կիրառում

Ջղաշուշանները օգտագործվում են նաև ծաղկանոցներում, միքսբորդերներում, խմբավորումներում և շրջեզրերում։

Տեսակներ

Hosta atropurpurea Hosta capitata Hosta cathayana Hosta clausa Hosta crassifolia Hosta crispula Hosta decorata Hosta fluctuans Hosta fortunei Hosta gracillima Hosta helenioides Hosta hypoleuca Hosta ibukiensis Hosta jonesii Hosta kikutii Hosta lancifolia Hosta longipes Hosta longissima Hosta minor Hosta montana Hosta nakaiana Hosta nigrescens

Hosta opipara Hosta plantaginea Hosta plantaginea var. grandiflora Hosta pulchella Hosta pycnophylla Hosta rectifolia Hosta rohdeifolia Hosta rupifraga Hosta sagae Hosta sieboldiana Hosta sieboldii Hosta tardiflora Hosta tardifolia Hosta tardiva Hosta tibai Hosta tokudama Hosta tortifrons Hosta tsushimensis Hosta undulata Hosta ventricosa Hosta venusta Hosta yingeri

Արտաքին հղումներ

• Foto de Hosta Blue Cadet (Cultivar) Արխիվացված 2003-09-26 Wayback Machine
• Foto de Hosta Mixed (Cultivar) Արխիվացված 2005-12-21 Wayback Machine
• Foto de Hosta Variegated (Cultivar) Արխիվացված 2016-03-04 Wayback Machine
• Foto de Hosta plantaginea var. grandiflora
• Foto de Hosta tardifolia
• Foto de Hosta sieboldianaԱրխիվացված 2007-09-28 Wayback Machine
• Foto de Hosta rectifolia Արխիվացված 2005-03-18 Wayback Machine
• Foto de Hosta sagae Արխիվացված 2005-12-23 Wayback Machine

Գրականություն

• Ծաղկաբուծություն և դեկորատիվ այգեգործություն, Հ. Ե. Նարինջյան