Պոնսեի մշակույթի կենտրոն
Պոնսեի մշակույթի կենտրոն (իսպ.՝ Centro Cultural de Ponce Carmen Solá de Pereira, Կարմեն Սոլա դե Պերեյրայի անվան Պոնսեի մշակույթի կենտրոն), Պոնսե քաղաքի մշակույթի կենտրոն։ Գտնվում է Պոնսեի պատմական գոտում Կրիստինա փողոցի 70 հասցեում[1], 1870 թվականին նախագծած շենքում։ Կենտրոնն օգտագործվում է կրթական, մշակութային գործունեության համար, ինչպես նաև այստեղ ներկայացվում են արվեստի ցուցանմուշներ[2]։ Պոնսեի մշակույթի կենտրոնը հիմնադրվել է 1963 թվականին[3]։
| Պոնսեի մշակույթի կենտրոն | |
|---|---|
.jpg) | |
| Տեսակ | կազմակերպություն |
| Երկիր |  ԱՄՆ |
| Հիմնադրված | նոյեմբերի 12, 1963 |
| Գլխադասային գրասենյակ | Պոնսե, Պուերտո Ռիկո, ԱՄՆ |
Պատմություն խմբագրել
Կենտրոնը հիմնադրվել է 1963 թվականին Յուդիթ Ռոդրիգես Միրայիլի և Էլվետիա Նիկոլի կողմից և կոչվել է Մշակույթի տուն (La Casa de la Cultura)[4]: Հիմանդրումից ի վեր մշակութային կենտրոնն ակտիվորեն նպաստել է Պոնսեի կրթական և ինտելեկտուալ միջավայրի գեղարվեստական զարգացմանը[5], այդ թվում՝ «Noches de Galería», որտեղ անվանի, խոստումնալից, նկարիչները, արհեստավորները, քանդակագործները ցուցադրում են իրենց աշխատանքներն ու տաղանդը[5][6]։ Պոնսեի մշակույթի կենտրոնը Քրիստինա փողոցի 70 հասցեում է գտնվում 1996 թվականից։ Նախքան այդ շենք տեղափոխվելը կենտրոնի անդամները հանդիպել են իրենց իսկ տներում, կամ նմանատիպ վայրերում[4]։
Կառույց խմբագրել
Թանգարանի շենքը 1870 թվականին նախագծել է[7] կորսիկացի ճարտարապետ Խուան Բերտոլի Կալդերոնին։ Կառույցի ճարտարապետության մեջ ներառված են գաղութային ճարտարապետության և Պոնսեի կրեոլե ոճերը։ Կենտրոնի բակի շրջակայքում կա պատկերասրահ[1]։ Ի սկբանե շենքը կառուցվել է որպես 1880 թվականին Պոնսեի քաղաքապետ, հողատեր, վաճառական, բանկիր Էրմելինդո Սալասարի համար[1][5]։ 1959 թվականին շենքը դարձել է Պոնսեի արվեստի թանգարանի առաջին հանգրվանը[5][7]։ Պոնսեի արվեստի թանգարանը 1965 թվականին տեղափոխվել է Ավենիդա լաս Ամերիկասի Քրիստինա փողոցի թիվ 70 հասցեում գտնվող կառույց։ 1990 թվականին Պուերտոռիկյան մշակույթի ինստիտուտը վերականգնել է կառույցը և այստեղ տեղավորել Պուերտոռիկյան երաժշտության թանգարանը[8][9]։ Քաղաքում առաջին անգամ այս հաստատությունում է կիրառվել մասնավոր հեռախոսագիծ[1]։ Այն բացառապես ծառայել է սեփականատերերի ընտանիքներին։ 17 տարի անց ծառայությունը հասանելի է եղել ամբողջ քաղաքին[5]։
Կարմեն Սոլա դե Պերեյրա խմբագրել
Հաստատությունն անվանվել է պոնսեցի ակնառու մանկավարժ,իրավաբան Կարմեն Սոլա դե Պերեյրայի անունով[1]։ Մեծ է Կարմեն Սոլա դե Պերեյրայի դերն անապահով երեխաներին կրթելու գործում։ Նա Պոնսեի անապահով Լա Կանտերալ համայնքում եղել է ուսուցիչ և դպրոցի տնօրեն[5]։
Կենտրոնի ղեկավարներ խմբագրել
- Էլվետիա Նիկոլ (1963-1965)
- Արիել Կոլոն Կլավել (1965-1975)
- Էկտոր Գարսիա (1975-1981)
- Էկտոր Էնդես Լուսիլ(1981-1986)
- Անտոնիա Սանտիագո (1986-1995)
- Խուլիո Ռոգրիգես (1995-1997)
- Էկտոր Էստրադա (1997-2001)
- Լիարդա Մունյիս (2001-2003)
- Պեդրո Սանտիագո (2003-2004)
- Կարմեն Սանտիագո (2004-2007)
- Խոսե Բալայ (2007-2012)
Ծանոթագրություններ խմբագրել
- ↑ 1,0 1,1 1,2 1,3 1,4 Centro Cultural Carmen Solá Vda. de Pereira. Արխիվացված 2011-08-19 Wayback Machine Government of the Municipality of Ponce, Puerto Rico. Ponce, Ciudad Señorial: Atracciones Turisticas. Retrieved 21 September 2011.
- ↑ Centro Cultural de Ponce Carmen Solá de Pereira. in, Pa' Donde Voy PR!(չաշխատող հղում) Pa' Donde Voy, Corp. Retrieved 21 September 2011.
- ↑ De fiesta el centro cultural ponceño. Reinaldo Millán. La Perla del Sur. Ponce, Puerto Rico. Year 30. Issue 1512. 21 November 2012. Page 28. (Title in printed edition: "En la antesala al medio siglo: el Centro Cultural de Ponce.") Retrieved 21 November 2012.
- ↑ 4,0 4,1 Festeja medio siglo el Centro Cultural. Sandra Torres Guzmán. La Perla del Sur. Year 32. Issue 1565. Ponce, Puerto Rico. 27 November 2013. Page 16. Retrieved 27 November 2013.
- ↑ 5,0 5,1 5,2 5,3 5,4 5,5 Cultural Center Carmen Solá de Pereira. TravelPonce.com. Retrieved 21 September 2011.
- ↑ Artistas perpetúan a José Ayoroa Santaliz. Reinaldo Millán. La Perla del Sur. Ponce, Puerto Rico. 21 September 2011. Retrieved 21 September 2011.
- ↑ 7,0 7,1 Centro Cultural de Ponce Carmen Solá de Pereira. in, Discover Why Puerto Rico does it better. Puerto Rico Tourism Company. Government of Puerto Rico. Retrieved 21 September 2011.
- ↑ Architecture. Magaly Rivera. Welcome to Puerto Rico. Retrieved 26 February 2012.
- ↑ Neysa Rodriguez Deynes, et al. Breviario sobre la Historia de Ponce y sus Principales Lugares de Interes. 1st ed. 1991. San Juan, PR: Model Offset Printing. pp. 129-132.