Պյոտր Բագրատիոնի հուշարձան (Մոսկվա)
Պյոտր Բագրատիոնի հուշարձան (ռուս.՝ Памятник Петру Багратиону), իշխան, ռուսական բանակի հետևազորի գեներալ, 1812 թվականի Հայրենական պատերազմի հերոս Պյոտր Բագրատիոնի հուշարձանը։ Կոթողը ներկայացնում է զորավարի կերպարը, որն իր մարտիկներին մղում է հարձակման։
 | |
|---|---|
 Պյոտր Բագրատիոնի հուշարձան | |
 | |
 | |
| Կոորդինատներ | 55°44′43″ հս․ լ. 37°32′51″ ավ. ե.HGЯO |
| Գտնվում է |  ՌուսաստանՄոսկվա |
| Կառուցվել է | 1999 |
| Շինության ձևը | Ձիարձան |
| Կառուցել է | Մերաբ Մերաբիշվիլի |
| Ներկա վիճակը | Կանգուն |
Հուշարձանը գտնվում է Կուտուզովի պողոտայի զույգ կողմում` «Բաշնյա-2000» գործարար համալիրի առջև։
ՊատմությունԽմբագրել
Հուշարձանը բացվել է 1999 թվականի սեպտեմբերի 5-ին։ Հեղինակներն են քանդակագործ, ակադեմիկոս Մերաբ Մերաբիշվիլին և ճարտարապետ, ակադեմիկոս Բորիս Տխորը։ Սա Թբիլիսիում 1984 թվականին տեղադրված Բագրատիոնի հուշարձանի գրեթե ճշգրիտ կրկնօրինակն է։ Հիմնական տարբերությունները. Մոսկվայի հուշարձանը բարձր է և Վրաստանի հուշարձանի սուսերն իջեցված է, իսկ Մոսկվայի հուշարձանի սուսերը բարձրացված է։
Բագրատիոնի կրծքին ճշգրիտ պատկերված են կենդանության օրոք նրա ստացած շքանշանները` Սուրբ Անդրեասի շքանշանը, Սուրբ Գևորգի երկրորդ աստիճանի շքանշանը, Սուրբ Աննայի առաջին աստիճանի շքանշանը և Սուրբ Ալեքսանդր Նևսկու շքանշանը։
2011 թվականին հուշարձանը վերականգնվել է. հավաքվել ու նորից շարվել է պատնեշը և կատարվել է կցվածքների հերմետիկացում։ Աշխատանքների ավարտից հետո հուշարձանն օծել է Համայն Վրաստանի կաթողիկոս Իլյա II-ը։
ՏվյալներԽմբագրել
Քանդակի բարձրությունն ավելի քան 6 մետր է, ամբողջ հուշարձանի բարձրությունը պատվանդանով` մոտ 10 մետր։