Պիտեր վան դեն Հոգենբանդ
Պիտեր Կոռնելիս Մարտեյն վան դեն Հոգենբանդ (հոլ.՝ Pieter Cornelis Martijn van den Hoogenband[ˈpitər kɔrˈneːlɪs mɑrˈtɛin vɑndɛnˈɦoːɣə(n)bɑnt]. մարտի 14, 1978[2][3], Մաստրիխտ, Նիդերլանդներ[6]), հոլանդացի լողորդ, օլիմպիական եռակի չեմպիոն, աշխարհի չեմպիոն, Եվրոպայի 18-ակի չեմպիոն։ Երկու անգամ աշխարհի ռեկորդ է սահմանել ազատ ոճով 100 մ և 200 մ լողի մրցաձևերում։ 2000 թվականին ճանաչվել է աշխարհի տարվա լավագույն լողորդ, երեք անգամ՝ 1999, 2000 եւ 2004 թվականներին, ճանաչվել է Նիդերլանդների լավագույն մարզիկ։ Մասնակցել է չորս օլիմպիական խաղերի։ Մարզական մականունները՝ «Հոլանդական դելֆին», VDH (VDH), «Հոգի» (Hoogie)[7]:
| Պիտեր վան դեն Հոգենբանդ | |
|---|---|
.jpg) | |
| Անձնական տեղեկություն | |
| Սեռ՝ | արական |
| Մականուն(ներ)՝ | VDH[1] |
| Մասնագիտացում՝ | լողորդ |
| Երկիր՝ |  Նիդերլանդների Թագավորություն |
| Ծննդյան ամսաթիվ՝ | մարտի 14, 1978[2][3] (46 տարեկան) |
| Ծննդավայր՝ | Մաստրիխտ, Նիդերլանդներ |
| Ակումբ՝ | ՊՍՎ Էյդհովեն |
| 193 սանտիմետր | |
Ծնվել է 1978 թվականի մարտի 14-ին Մաաստրիխտ քաղաքում, մարզական ընտանիքում։ Լող մարզաձևով զբաղվել է վաղ տարիքից։ 1996 թվականին 19 տարեկան Պիտերը մասնակցել է իր առաջին օլիմպիական խաղերին, որտեղ ազատ ոճով 100 և 200 մետր լողի մրցատարածություններում զբաղեցրել է չորրորդ տեղը։ 1999 թվականին դարձել է աշխարհի չեմպիոն, այդ նույն տարում Եվրոպայի առաջնությունում նվաճել է վեց ոսկե մեդալ։ 2000 թվականի օլիմպիական խաղերում նա հաղթողի հիմնական թեկնածուներից մեկն էր և իսկապես դարձել է կրկնակի օլիմպիական չեմպիոն՝ հաղթելով ազատ ոճով 100 և 200 մետր լողի մրցատարածություններում։
2000 և 2004 թվականների օլիմպիական խաղերի միջև ընկած ժամանակահատվածում վան դեն Հոգենբանդը նվաճել է 7 արծաթե մեդալ աշխարհի առաջնություններում և ևս երեք անգամ դարձել Եվրոպայի չեմպիոն։ 2004 թվականի Օլիմպիական խաղերում ոսկե մեդալ է նվաճել 100 մ ազատ ոճում։
Վան դեն Հոգենբանդը 2008 թվականի Օլիմպիական խաղերին մասնակցել է որպես վետերան և 100 մ ազատ ոճով լողի մրցումներում զբաղեցրել է հինգերորդ տեղը՝ սահմանելով Հոլանդիայի ազգային նոր ռեկորդ այդ մարզաձևում։
Ակտիվ սպորտին հրաժեշտ տալուց հետո վան դեն Հոգենբանդն աշխատել է հեռուստատեսությունում՝ որպես մարզական մեկնաբան։ Նա մեկնաբանել է նաև 2012 թվականի ամառային օլիմպիական խաղերի լողի մրցումները[8]։
Պիտեր վան դեն Հոգենբանդի անունով է կոչվել հոլանդական Էյնդհովեն քաղաքի մարզական կենտրոնի լողավազանը (Pieter van den Hoogenband Zwemstadion):
Մրցելույթները օլիմպիական խաղերում խմբագրել
| Օլիմպիադան | Մրցաձևը | Գրաված տեղը |
|---|---|---|
| Բարսելոնա 1996 | 50 մ ազատ ոճով | 9 |
| Բարսելոնա 1996 | 100 մ ազատ ոճով | 4 |
| Բարսելոնա 1996 | 200 մ ազատ ոճով | 4 |
| Բարսելոնա 1996 | 4x100 մ ազատ ոճով | 5 |
| Բարսելոնա 1996 | 4x200 մ ազատ ոճով | 8 |
| Բարսելոնա 1996 | 4x100 մ համալիր լող | 10 |
| Սիդնեյ 2000 | 50 մ ազատ ոճով | 
|
| Սիդնեյ 2000 | 100 մ ազատ ոճով | 
|
| Սիդնեյ 2000 | 200 մ ազատ ոճով |
|
| Սիդնեյ 2000 | 4x200 մ ազատ ոճով |
|
| Սիդնեյ 2000 | 4x100 մ համալիր լող | 4 |
| Աթենք 2004 | 50 մ ազատ ոճով | 17 |
| Աթենք 2004 | 100 մ ազատ ոճով |
|
| Աթենք 2004 | 200 մ ազատ ոճով | 
|
| Աթենք 2004 | 4x100 մ ազատ ոճով |
|
| Պեկին 2008 | 100 մ ազատ ոճով | 5 |
| Պեկին 2008 | 4x100 մ ազատ ոճով | 10 |
Անձնական կյանք խմբագրել
Վան դեն Հոգենբանդն ամուսնացել է երեք անգամ. առաջին կինը նախկին լողորդուհի Մինուչե Սմիթն էր, ումից ունեցել է մեկական դուստր և որդի, երկրորդ կինը՝ օլիմպիական բազմակի չեմպիոնուհի Ռանոմի Կրոմովիջոջոն[9], երրորդը՝ Մարի-Յոզե Կրոմանսը[10]։
Չնայած մարզական կատաղի մրցակցությանը՝ վան դեն Հոգենբանդը մտերիմ հարաբերություններ է պահպանել ավստրալացի անվանի լողորդ Յան Տորպի հետ[11][12][13][14][15][16]։
Ծանոթագրություններ խմբագրել
- ↑ Olympedia — 2006.
- ↑ 2,0 2,1 https://pantheon.world/profile/person/Pieter_van_den_Hoogenband
- ↑ 3,0 3,1 Բրոքհաուզի հանրագիտարան (գերմ.)
- ↑ 4,0 4,1 https://www.eindhoven.nl/sites/default/files/2017-11/2008%20Pieter%20van%20den%20Hoogenband.pdf
- ↑ 5,0 5,1 https://www.brabant.nl/-/media/74f528e0d35e4e768d27179fe306b517.pdf?la=nl
- ↑ «Pieter van den Hoogenband Bio, Stats, and Results». Olympics at Sports-Reference.com (անգլերեն). Արխիվացված է օրիգինալից 2020 թ․ ապրիլի 17-ին. Վերցված է 2020 թ․ փետրվարի 23-ին.
- ↑ Cite Sports-Reference |url=https://www.sports-reference.com/olympics/athletes/va/pieter-van-den-hoogenband-1.html |title=Pieter van den Hoogenband |access-date=8 September 2016 |archive-url=https://web.archive.org/web/20200417105213/https://www.sports-reference.com/olympics/athletes/va/pieter-van-den-hoogenband-1.html |archive-date=2020-04-17
- ↑ Pieter van den Hoogenband : Swimming Retrieved 2 December 2016
- ↑ Pieter van den Hoogenband wil nog niet samenwonen met Ranomi. ad.nl. 25 April 2013
- ↑ Pieter Van den Hoogenband Vandaag Nog Een Keer Getrouwd Արխիվացված 2016-12-02 Wayback Machine Retrieved 2 December 2016
- ↑ 好对手=好朋友--世界游泳传奇索普与霍根班德 Retrieved 30 August 2016
- ↑ Australian swimmer Ian Thorpe’s gay revelations earn praise, support Retrieved 30 August 2016
- ↑ Pieter van den Hoogenband says "struggling" Ian Thorpe too slow for 100m Retrieved 1 November 2016
- ↑ Swimmer Ian Thorpe reaches his race weight as he continues preparations for competitive comeback Retrieved 1 November 2016
- ↑ 游泳明星霍根班德：我会想念索普 他还是有实力 Retrieved 1 November 2016
- ↑ Hoogie wants Thorpe to win 100m gold Արխիվացված 2018-02-06 Wayback Machine Retrieved 2 December 2016
Արտաքին հղումներ խմբագրել
- Питер ван ден Хогенбанд – օլիմպիական վիճակագրությունը Sports-Reference.com կայքում (անգլ.)
- Профиль на сайте databaseolympics.com(անգլ.)
 | Վիքիպահեստն ունի նյութեր, որոնք վերաբերում են «Պիտեր վան դեն Հոգենբանդ» հոդվածին։ |