Պերճ Մինասյան
- Վիքիպեդիայում կան հոդվածներ Մինասյան ազգանունով այլ մարդկանց մասին։
Պերճ Մինասյան (Ավետիսյան), (1887,Կոստանդնուպոլիս, Օսմանյան կայսրություն - 1917), հայ բժիշկ։
 Մինասյան (Ավետիսյան) Պերճ | |
|---|---|
| Ծնվել է | 1887 |
| Ծննդավայր | Կոստանդնուպոլիս |
| Մահացել է | 1917 |
| Մահվան վայր | Երզնկա |
| Ազգություն | հայ |
| Մասնագիտություն | բժիշկ |
| Ծնողներ | Մինաս բեյ Ավետիսյան |
Կենսագրություն
խմբագրելՀայրը՝ Մինաս բեյ Ավետիսյանը եղել է Կ. Պոլսի Անասնաբուժական վարժարանի երկարամյա դասախոսը և անվանի մտավորական։ Նախնական կրթությունն ստացել է Կ. Պոլսի ազգային վարժարաններում։ 1912 թվականին ավարտել է Կ. Պոլսի Օսմանյան կայսերական բժշկական վարժարանը և բժշկի վկայական ստացել։ 1914 թվականի Առաջին համաշխարհային պատերազմն սկսվելուն պես զորակոչվել է օսմանյան բանակ, ուղարկվել Բաղեշ (Բիթլիս) և 5-րդ զորաբաժնի բուժարանի զինվորական բժիշկ նշանակվել։ 1915 թվականի հուլիսին Երզնկայի հայ բնակչության տեղահանության օրերին ձերբակալվել է և աքսորվել Երզնկա` բնակչությանը բժշկական օգնություն ցուցաբերելու համար։ Նրան ընկերակցել է իր նախկին հրամանատարի թիկնապահ բուժակը,որը նույն բուժարանի իր գործընկեր թուրք բժիշկների թելադրանքով Երզնկայի ճանապարհին սպանել է 28 տարեկան բժշկին։ Ոճիրն իրականացնելուց հետո ուղեկցորդը սպանված բժշկի մոտ եղած 30 ոսկին գրպանել է, իսկ ժամացույցն ու ատրճանակը վերադարձին տվել զորաբաժնի բուժարանի բժշկապետին։ Ըստ բժիշկ-պատմաբան Վահրամ Թորգոմյանի` սպանվել է 1917 թվականին։
Գրականություն
խմբագրել- Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
- Թորգոմեան Վահրամ, Թուրք անասնաբուժական վարժարանին հայ դասա խօսները, Տօքթ. Մինաս Պէյ անուանացանկ (1688-1940), Իսթանպուլ, 1940։
- Կարոյեան Գասպար, Մեծ Եղեռնի նահատակ հայ բժիշկները (անոնց պատգամները), Պոսթոն, 1957։
- Սահակյան Լիլիկ, Ոճրագործները չխնայեցին նույնիսկ մարդ ու կյանք ը փրկողներին, «Առողջապա հություն», Երևան, 1965, թ. 4։
- Հայրապետյան Վանիկ, Էջեր Հայաստանի դեղագոր ծության պատմությունից, Երևան, 1990։
Աղբյուրներ
խմբագրել- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։