Չմենի հաճելի
| Չմենի հաճելի | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| Cyme suavis
|
Չմենի հաճելի (լատին․՝ Cyme suavis), վարդազգիների ընտանիքի, չմենի ցեղի բույս։
Նկարագրություն խմբագրել
Տերևաթափ թուփ է, մինչև 1 մ բարձրությամբ, ծռմռված ճյուղերով, որոնք երիտասարդ տարիքում ծածկված են խիտ, թաղիքանման աղվամազով, ավելի ուշ մերկանում են, ստանալով բալակարմիր գունավորում։ Տերևները ներքևի կողմից սպիտակ թաղիքապատ են, վերևի կողմից կապտականաչավուն, կլորավուն կամ լայն ձվաձև, բավականին մանր, մոտ 1 սմ երկարությամբ, փոսիկավոր գագաթով կամ սրածայր։ Ծաղիկները խմբված են խիտ, ճյուղավորված վահաններում։ Հիպանթիումը սպիտակ թաղիքավոր է։ Պտուղները վառ կարմիր են, համարյա գնդաձև, մերկ, երկուական, յուրաքանչյուրը մեկ կորիզով։
Տարածվածություն խմբագրել
Տարածված է Կովկասում, Փոքր Ասիայում, Միջին Ասիայում, հյուսիսարևելյան Չինաստանում։ Հանդիպում է մեր հանրապետության հյուսիսարևելյան և կենտրոնական շրջաններում, Սևանի ավազանում, Զանգեզուրում, որտեղ աճում է ստորինից մինչև վերին լեռնային գոտիներում, քարքարոտ լեռնալանջերում։
Կիրառություն խմբագրել
Խորհուրդ է տրվում փորձարկել կանաչապատման բնագավառում[1]։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 326։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |