Չեսթեր Թըրներ
Չեսթեր Դյուեյն Թըրներ (անգլ.՝ Chester Dewayne Turner, նոյեմբերի 5, 1966, Warren, Արկանզաս), ամերիկացի սերիական մարդասպան, աֆրոամերիկացի։ Պաշտոնապես մեղադրվում է Լոս Անջելեսում 10 սպիտակամորթ կանանց սպանության, ինչպես նաև իր զոհերից մեկի չծնված երեխայի մահվան մեջ։
| Չեսթեր Դյուեյն Թըրներ | |
|---|---|
| Ծննդյան ամսաթիվ | նոյեմբերի 5, 1966 (57 տարեկան) |
| Ծննդավայր | Warren, Արկանզաս |
| Քաղաքացիություն |  ԱՄՆ |
| Պատիժ | մահապատիժ |
| Սպանություն | |
| Զոհերի թիվ | 15 (հաստատված) |
| Սպանության շրջան | 1987—1998 |
| Սպանության հիմնական տարածք | Կալիֆոռնիա |
| Ձերբակալության ամսաթիվ | 2003 թվականի սեպտեմբեր |
Վաղ տարիներ խմբագրել
Չեստեր Թըրները ծնվել է 1966 թվականի նոյեմբերի 5-ին Արկանզաս նահանգի Ուորեն քաղաքում։ 1971 թվականին նրա ծնողները ամուսնալուծվել են, և նա մոր հետ տեղափոխվել է Կալիֆոռնիա։ Ընտանիքը բնակվել է Հարավային Լոս Անջելեսում՝ քաղաքի սոցիալապես անապահով թաղամասերից մեկում՝ որդուն կերակրելու համար, Չեսթերի մայրը 1970-ական թվականներին միաժամանակ երկու աշխատանք է կատարել՝ առանց պատշաճ դաստիարակելու որդուն, ինչն ազդել է նրա վարքագծի վրա։ Քանի որ ազատ ժամանակի մեծ մասը Թըրները տրամադրել է ինքն իրեն, նա սկսել է դպրոց գնալ և ավելի շատ ժամանակ անցկացնել փողոցում՝ շփվելով նույն ձախորդ դեռահասների հետ՝ աստիճանաբար ներքաշվելով քրեական կյանքի մեջ[1]։ Թըրները հաճախել է «Locke High School» դպրոց, դպրոցական տարիներին նա հայտնի է եղել կարգապահության խախտմամբ և սոցիալական նորմերի ոտնահարմամբ, ինչի հետևանքը դարձել է Չեսթեր Թըրների՝ 1983 թվականին դպրոցից դուրս գալը։ Որոշ ժամանակ անց Թըրներն առաջին անգամ ձերբակալվել է զենքի գործադրմամբ հարձակման համար, սակայն զոհն ազատվել է միայն վախից։ Թըրները դատապարտվել է մի քանի ամսվա ազատազրկման և ազատության մեջ էր հայտնվել 1984 թվականի սկզբին։ Փորձելով հեռու մնալ քրեականից` Թըրները գտել է աշխատանք և տարիներ շարունակ աշխատել է «Dominos» պիցցայի ցանցում որպես պիցցայի առաքիչ։ Ազատ և աշխատանքային ժամանակի մեծ մասը Թըրներն անցկացրել է անցկացրել է Հարավային Լոս Անջելեսի չորս թաղամասերում՝ Ֆիգերո Սթրիթ փողոցի երկու կողմերում, որտեղ տեղակայված են բազմաթիվ հյուրանոցներ և տարածված է մարմնավաճառությունը[2]։ 1980-ական թվականների վերջին Թըրներն ամուսնացել է դպրոցական ընկերուհի Ֆելիսիա Կոլիերայի հետ, սակայն, չնայած դրան, շարունակել է երկար ժամանակ անկացնել մարմնավաճառների ու սուտենյորների հասարակության շրջանում։ Միևնույն ժամանակ, նա «Dominos» պիցերիայի վարչակազմի հովանավորությամբ սկսել է մենեջերի մասնագիտությամբ ուսուցում, բայց ուսուցման ավարտից քիչ առաջ և առաջին երեխայի ծննդին՝ 1991 թվականի վերջին, Թըրները կրկին ենթարկվել է կալանքի և նրա քրեական գործունեությունը թափ է հավաքել, որի պատճառով նա հայտնվել է ոստիկանների ուշադրության կենտրոնում[3]։
Քրեական գործունեություն խմբագրել
Դատապարտվել է մահապատժի։ ԴՆԹ-ի անալիզի արդյունքներով 1987-1998 թվականներին Լոս Անջելեսում իրականացվել է 13 կնոջ սպանություն։
Ջոնսի գործ խմբագրել
Թըրների կատարած մի քանի սպանություններ սխալմամբ վերագրվել են Դեյվիդ Ալեն Ջոնսին։ Ջոնսին դատապարտել են։ Սակայն, երբ ԴՆԹ-ի անալիզներն ապացուցել են նրա անմեղությունը, նա բանտից ազատ է արձակվել 2004 թվականի մարտին և վերականգնվել։ Որպես փոխհատուցում բանտում անցկացրած 11 տարվա ընթացքում նա ստացել է 720 000 ԱՄՆ դոլար։
Ծանոթագրություններ խմբագրել
Արտաքին հղումներ խմբագրել
- «Serial Killer Identified Through DNA Technology» (Press release). Los Angeles Police Department. 2004 թ․ հոկտեմբերի 23. Վերցված է 2007 թ․ մայիսի 22-ին.