Չարլի Քոուլ (անգլ.՝ Charlie Cole, փետրվարի 28, 1955(1955-02-28), Bonham, Տեխաս, ԱՄՆ - սեպտեմբերի 5, 2019(2019-09-05)[1], Բալի, Բալի, Ինդոնեզիա), ամերիկացի ֆոտոլրագրող, այն լրագրողներից մեկը, որն արել է 1989 թվականին Պեկինի Տյանանմենի հրապարակի հրասայլերով հայտնի լուսանկարը[2]։

Չարլի Քոուլ
անգլ.՝ Charlie Cole
Ծնվել էփետրվարի 28, 1955(1955-02-28)
ԾննդավայրBonham, Տեխաս, ԱՄՆ
Մահացել էսեպտեմբերի 5, 2019(2019-09-05)[1] (64 տարեկան)
Մահվան վայրԲալի, Բալի, Ինդոնեզիա
Քաղաքացիություն ԱՄՆ
ԵրկերԱնհայտ խռովարարը
Մասնագիտությունլուսանկարիչ, ֆոտոլրագրող և լրագրող

Կենսագրություն խմբագրել

Ծնվել է 1955 թվականին, Տեխասում, ԱՄՆ։ Համալսարանն ավարտել է լրագրողի մասնագիտությամբ։ Չարլի Քոուլը եղել է Ասիայի մի քանի երկրներում, որտեղ լուսանկարել է ավտորիտար համակարգերի դեմ բողոքի ակցիաները։

1986 թվականին Քոուլն աշխատել է Ֆիլիպիններում, որտեղ այդ ժամանակ պայթել է այսպես կոչված Դեղին հեղափոխությունը` ապստամբությունը երկրի այդ ժամանակվա նախագահ Ֆերդինանդ Մարկոսի դեմ։ 1987 թվականին Հարավային Կորեայում Քոուլը լուսանկարել է երկրի ավտորիտար նախագահ Չոն Դու Խվանի դեմ անցկացվող բողոքի ակցիաները։

1989 թվականին Չարլի Քոուլը եղել է Չինաստանում, որտեղ արել է մի լուսանկար, որն ամբողջ աշխարհում հայտնի է դարձել «Անհայտ խռովարարը» անունով[3]։ Քոուլը նկարել է հրասայլերի անցնող շարքը Պեկինի հյուրանոցի պատշգամբից։ Լուսանկարչի խոսքով` ինքն սպասում էր, որ հրասայլերի ճանապարհը փակած տղամարդը շուտով կզոհվի, և այդ պատճառով ցանկանում էր անմահացնել այդ տեսարանը։ Սակայն զինվորականները հեռացրել են խռովարարին, և նրա ճակատագիրն անհայտ է մնացել։

Այդ լուսանկարի համար Չարլի Քոուլը 1990 թվականին արժանացել է World Press Photo կազմակերպության մրցանակի։ Նա մեկն է եղել այն չորս լուսանկարիչներից, որ կարողացել են ֆիքսել այդ դրվագը լուսանկարի վրա[4]։

Չարլի Քոուլը մահացել է 2019 թվականի սեպտեմբերի 13-ին, Բալի կղզում, 64 տարեկան հասակում[3]։

Ծանոթագրություններ խմբագրել

  1. 1,0 1,1 1,2 https://twitter.com/franckriester/status/1169728851972448256
  2. «Скончался автор знаменитого снимка с танками на площади Тяньаньмэнь». Արխիվացված է օրիգինալից 2019 թ․ սեպտեմբերի 14-ին. Վերցված է 2019 թ․ սեպտեմբերի 14-ին.
  3. 3,0 3,1 Умер автор знаменитого снимка с человеком и танками на площади Тяньаньмэнь
  4. Умер фотограф Чарли Коул - автор снимка с танками на площади Тяньаньмэнь