Ուրալի կամավորական տանկային կորպուսի մարտիկների հուշարձան

Ուրալի կամավորական տանկային կորպուսի մարտիկների հուշարձան (ռուս.՝ Памятник воинам Уральского добровольческого танкового корпуса), հուշարձան Ռուսաստանի Դաշնության Եկատերինբուրգ քաղաքում, որը նվիրված է Ուրալի կամավորական տանկային կորպուսի մարտիկների հերոսությանը։ Տեղադրված է քաղաքի կայարանամերձ հրապարակում, բացումը տեղի է ունեցել 1962 թվականի փետրվարի 23-ին[1][2]։

Picto infobox architecture.png
Ուրալի կամավորական տանկային կորպուսի մարտիկների հուշարձան
Zheleznodorozhnyy rayon, Yekaterinburg, Sverdlovskaya oblast', Russia - panoramio (16).jpg
Ուրալի կամավորական տանկային կորպուսի մարտիկների հուշարձանը
Կոորդինատներ56°51′26″ հս․ լ. 60°36′22″ ավ. ե.HGЯO
Գտնվում էՌուսաստան Ռուսաստան
Եկատերինբուրգ
Կառուցվել է1962
Շինության ձևըԱրձանախումբ
Կառուցել էՎ. Մ. Դրուզին,
Պ. Ա. Սաժին
Ներկա վիճակըԿանգուն

ՀեղինակներԽմբագրել

Հուշարձանի քանդակագործներն են Վ. Մ. Դրուզինը և Պ. Ա. Սաժինը, իսկ ճարտարապետը՝ Գ. Ի. Բելյանկինը[1][2]։

ՆկարագրությունԽմբագրել

Ծեր բանվորի և երիտասարդ տանկիստի պատկերաքանդակներով հորինվածքը խորհրդանշում է ճակատի և թիկունքի միասնությունը։ Տանկիստ զինվորականը փոքր-ինչ առաջ է կանգնած՝ ասես ընդգծելով, որ իր կրծքով ապահով պաշտպանում է նրանց, ովքեր մնացել են թիկունքում[3]։ Երկու քանդակներն էլ տեղադրված են տանկին նմանվող պատվանդանի վրա, որը կառուցվել է ողորկված ուրալյան մոխրագույն գրանիտից[1][2][3]։

Պատվանդանի վրա ռելիեֆային բրոնզագույն տառերով գրված է[1][2].

  1941-1945 ԹՎԱԿԱՆՆԵՐԻ ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ ՀԵՐՈՍՆԵՐ ՈՒՐԱԼԻ ԿԱՄԱՎՈՐԱԿԱՆ ՏԱՆԿԱՅԻՆ ԿՈՐՊՈՒՍԻ ՄԱՐՏԻԿՆԵՐԻՆ՝  ՍՎԵՐԴԼՈՎՍԿԻ ՄԱՐԶԻ ԱՇԽԱՏԱՎՈՐՆԵՐԻՑ  


Հուշարձանի հիմքի մոտ տեղադրված է մեկ այլ տախտակ՝ հետևյալ գրությամբ[1][2].

  Այստեղ պահվում է 1943-1945 թվականներին Օրյոլ, Լվով, Պրահա և Բեռլին քաղաքների կատաղի մարտերին կամավոր մասնակցած ուրալյան տանկիստների արյունով ներկված հողը։  


Քանդակների բարձրությունը 6 մետր է, ընդհանուր հուշարձանի բարձրությունը՝ 14 մետր[1][2]։

 
Հուշարձանը մոտիկից

Հետաքրքաշարժ փաստերԽմբագրել

  • Բնորոշ մանրամասնության՝ բանվորական թաթպանով առաջ պարզած ձեռքի պատճառով հուշարձանը ժողովրդի մեջ ստացել է «Թաթպան» մականունը[1]։

ԾանոթագրություններԽմբագրել