Վիքիպեդիա

Շերի Շեփերդ

(Վերահղված է Շերի Շեպերդից)

Շերի Էվոն Շեփերդ (անգլ.՝ Sherri Evonne Shepherd ապրիլի 22, 1967(1967-04-22)[1], Չիկագո, Իլինոյս, ԱՄՆ), ամերիկացի հեռուստահաղորդավարուհի, կատակերգակ, դերասանուհի, բանաստեղծուհի և հեռուստատեսային անձ[2]։

Շերի Շեփերդ
անգլ.՝ Sherri Shepherd
Դիմանկար
Ծնվել էապրիլի 22, 1967(1967-04-22)[1] (56 տարեկան)
ԾննդավայրՉիկագո, Իլինոյս, ԱՄՆ
Քաղաքացիություն ԱՄՆ
Կրոնքրիստոնեություն
ԿրթությունHoffman Estates High School?
Երկեր30 Rock?, The Jamie Foxx Show?, Less Than Perfect?, The View?, The Sex Lives of College Girls? և Sherri?
Մասնագիտությունկատակերգու, հեռուստահաղորդավարուհի, կինոդերասանուհի, հեռուստատեսային դերասանուհի և հեռուստատեսային պրոդյուսեր
Պարգևներ և
մրցանակներ
Կայքsherrishepherd.com
 Sherri Shepherd Վիքիպահեստում

Վաղ տարիներ խմբագրել

Շերի Շեփերդը առավել հայտնի է որպես «The View» շոուի հաղորդավար, որի համար 2009 թվականին ստացել է «Էմմի» մրցանակ՝ «Թոք-շոուի լավագույն հաղորդավար» անվանակարգում։ 2010 թվականից «The Newlywed Game» խաղարկային շոուի հաղորդավարն է։ Որպես դերասանուհի հայտնի է «Կլավա, արի» (2002-2006 թվականներ), «30 ցնցում» (2007-2011 թվականներ) սերիալներում խաղացած դերերով և իր սեփական կարճաժամկետ «Շերի» (2009 թվական) կատակերգությունով։

Բնահատուկ դերեր է ունեցել «Բջջային» (2004 թվական), «Գեղեցկության սրահ» (2005 թվական), «Գուշակիր ով է» (2005 թվական), «Մադագասկար 2» (2008 թվական), «Մեդեան բանտում» (2009 թվական), «Գանձը» (2009), «Մեծ մայրիկներ։ Որդին որպես հայր» (2011 թվական) և «Շատ վտանգավոր բան» (2012 թվական) ֆիլմերում։

Տարբեր տարիներին հրավիրված աստղ է եղել այնպիսի հեռուստասերիալների էպիզոդներում, ինչպիսիք են «Ընկերներ», «Բոլորը սիրում են Ռեյմոնդին», «Անտուրաժ», «Գեղեցկուհիները Քլիվլենդում», «Ինչպես հանդիպեցի ձեր մայրիկին» և այլն։

Անձնական կյանք խմբագրել

2001-2010 թվականներին Շերին ամուսնացած է եղել կատակերգակ Ջեֆ Թարպլի հետ, որից ունեցել է որդուն՝ Ջեֆրի Չարլզ Կրտսերին։ Ի սկզբանե Շեփերդը սպասում էր երկվորյակների, սակայն աղջիկը մահացել է արգանդում, արդյունքում նա ծննդաբերել է միայն տղային՝ սահմանված ժամկետից 3 ամիս շուտ։

2011 թվականի օգոստոսի 13-ին Շերին երկրորդ անգամ ամուսնացել է հեռուստատեսային սցենարիստ Լամար Սալիի հետ, որից էլ ունեցել է որդուն՝ Լամար Սալի Կրտսերին[3]։ 2014 թվականի մայիսի 12-ին Շեփերդը դիմել է ամուսնալուծության[4]։ 2014 թվականի հուլիսին Սալին Լոս Անջելեսի դատարանին դիմում է ներկայացրել՝ երեխային լիարժեք իրավական և ֆիզիկական խնամակալության տակ առնելու համար։ 2015 թվականի ապրիլի 21-ին Փենսիլվանիա նահանգի դատարանն որոշում է կայացրել, որ Շեփերդը փոխնակ մորից ծնված երեխայի օրինական ծնողն է։

Շեփերդը երկարամյա հիվադության հետևանքով ձեռք է բերե շաքարային դիաբետ հիվանդությունը։ Նա բազմիցս խոստովանել է, որ տարել է բազմաթիվ աբորտներ[5]։

Ֆիլմագրություն խմբագրել

Տարի Անվանում Բնօրինակ անվանում Դեր
2003 ֆ Մահացած Փոլի Շորը Pauly Shore Is Dead
2004 ֆ Բջջային Cellular
2005 ֆ Գեղեցկության սրահ Beauty Shop Աիդա
2005 ֆ Գուշակիր ո՞վ է Guess Who
2007 մֆ Մադագասկար 2 Madagascar: Escape 2 Africa Ֆլորի (Ալեքսի մայրը)
2009 ֆ Մեդեան բանտում Madea Goes to Jail
2009 ֆ Գանձը Precious Կորնրոուզ
2011 ֆ Մեծ մայրիկներ։ Որդին որպես հայր Big Mommas: Like Father, Like Son Բևեռլի Թաունսենդ
2012 ֆ Շատ վտանգավոր բան One for the Money Լուլա
2012 ֆ Առևանգում։ Կարլինի Ուայի պատմությունը Abducted: The Carlina White Story Ջոյ
2012 ֆ Մտածել ինչպես մարդ Think Like a Man Վիկա
2014 ֆ Լիդերների հնգյակը Top Five Վանեսա
2015 ֆ Վուդլոն Woodlawn
2016 ֆ Առաքելությունը Մայամիում Ride Along 2 Քորի

Ծանոթագրություն խմբագրել

  1. ↑ 1,0 1,1 Internet Broadway Database — 2000.
  2. ↑ «Sherri Shepherd- Biography». Yahoo!. Վերցված է 2012 թ․ հոկտեմբերի 10-ին.
  3. ↑ Sherri Shepherd’s Surrogate Reportedly Gives Birth as Divorce Battle Continues
  4. ↑ Sherri Shepherd’s Husband Files for Separation, Seeks Custody of Their Unborn Child
  5. ↑ 23 Celebrities Who Have Shared Their Abortion Stories to Help End the Stigma

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Շերի Շեփերդ» հոդվածին։
Ստացված է «https://hy.wikipedia.org/w/index.php?title=Շերի_Շեփերդ&oldid=9810273» էջից