Շարոն Կովակս

Շարոն Կովակս (հոլ.՝ Sharon Kovacs, ապրիլի 15, 1990(1990-04-15), Baarlo, Maasbree, Լիմբուրգ, Նիդերլանդներ), հոլանդացի երգչուհի, առավել հայտնի է «Կովակս» բեմական անվամբ։ 2014 թվականին նա թողարկել է իր առաջին սինգլը՝ «Իմ սեր» (անգլ.՝ My Love):

Շարոն Կովակս
Հիմնական տվյալներ
Բնօրինակ անուն	հոլ.՝ Sharon Kovacs
Ծնվել է	ապրիլի 15, 1990(1990-04-15) (34 տարեկան) Baarlo, Maasbree, Լիմբուրգ, Նիդերլանդներ
Երկիր	Նիդերլանդների Թագավորություն
Մասնագիտություն	երգչուհի
Գործիքներ	վոկալ
Լեյբլ	Warner Music Group
Պարգևներ	European Border Breakers Award
Կայք	kovacsmusic.com
Sharon Kovacs Վիքիպահեստում

Կենսագրություն

Ծնվել է 1990 թվականի ապրիլի 15-ին Նիդերլանդների Բարլո քաղաքում։ Սովորել է «Ռոք Սիթի համալսարանում և «Էյնդհովենի» վոկալային դպրոցում։ Ուսումը ավարտել է 2013 թվականին։ 2014 թվականին համագործակցել է պրոդյուսեր Օսկար Հոլլմանի հետ՝ «My Love» սինգլը ձայնագրելու համար։ Երգը մասամբ ձայնագրվել է Կուբայում։ 2014 թվականի հուլիսի 1-ին հոլանդական «NPO 3FM» ռադիոն նշել է նրա 3FM տաղանդը։ 2014 թվականին Կովակսը ելույթներ է ունեցել «North Sea Jazz» և «Lowlands» փառատոներում։ Նույն թվականի հոկտեմբերի 2-ին Կովակսը հաղթել է հոլանդական «NPO Radio 2 Soul & Jazz» մրցանակաբաշխությունում՝ լավագույն ջազ կատարող անվանակարգում։

Նրա առաջին ալբոմը՝ «Սևի երանգները» «Shades Of Black», լույս է տեսել 2015 թվականի ապրիլի 2-ին։ Այնուհետև նա սկսել է իր «Shades Of Black» շրջագայությունը և համերգներ ունեցել Թուրքիայում, Իսրայելում և եվրոպական այլ երկրներում։

2016 թվականի հոկտեմբերի 29-ին Կովակսը հաղթել է «European Border Breakers» մրցանակաբաշխությունում։

Սկավառակագրություն

• "My Love" EP (2014)
• "The Devil You Know" (2015)
• "Sugar Pill" (2017)
• "Cheap Smell" (2018)
• "Black Spider" (2018)
• "Its The Weekend" (2018)
• "Mama & Papa (Oct 2018)
• "Snake Charmer" (2019) (ft. Parov Stelar)
• "You Again" (2019)
• "Crazy" (2019)
• "Cozy" (2019)

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Շարոն Կովակս կատեգորիայում։

• Պաշտոնական կայք