Նունե Մովսիսյան

Վիքիպեդիայում կան հոդվածներ Մովսիսյան ազգանունով այլ մարդկանց մասին։

Նունե Ռուբիկի Մովսիսյան (ծնվ. 17 օգոստոսի 1968 թ., ք. Աշտարակ), ՀՀ պետական գործիչ, ՀՀ Արագածոտնի մարզպետի տեղակալ։

Նունե Մովսիսյան
Ծնվել է	օգոստոսի 17, 1968(1968-08-17) (55 տարեկան)
Քաղաքացիություն	Հայաստան
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Կրթություն

• 1976-1986 թթ. - սովորել և ավարտել է Աշտարակի Պ.Պռոշյանի անվան միջնակարգ դպրոցը։
• 1988-1993 թթ. - սովորել և ավարտել է Խ. Աբովյանի անվան Հայկական պետական մանկավարժական ինստիտուտի պատմության և իրավունքի ֆակուլտետը՝ պատմաբան-իրավագետի որակավորամբ։

Աշխատանքային գործունեությունը

• 1986-1988 թթ. - աշխատել է Ագարակ գյուղի միջնակարգ դպրոցում որպես ավագ ջոկատավար։
• 1989-1993 թթ. - աշխատել է Սասունիկ գյուղի միջնակարգ դպրոցում որպես ավագ ջոկատավար։
• 1993-2010 թթ. - աշխատել է Աշտարակի Ներսես Աշտարակեցու անվան թիվ 1 դպրոցում որպես պատմության և հասարակագիտության ուսուցիչ։
• 2010-2013 թթ. - եղել է Աշտարակի Պերճ Պռոշյանի անվան թիվ 3 դպրոցի տնօրեն։
• 2013 թ. հուլիսի 18-ին ՀՀ վարչապետի որոշմամբ նշանակվել է Հայաստանի Հանրապետության Արագածոտնի մարզպետի տեղակալ։

Պարգևներ

• ՀՀ ՊՆ «Վազգեն Սարգսյան» մեդալ (2013)։
• ՀՀ տարվա լավագույն հայոց պատմության ուսուցիչ (2009)։
• ՀՀ Նախագահի շնորհակալագիր (2010)։
• ՀՀ Տարվա լավագույն դպրոցի տնօրեն (2011/2012 ուսումնական տարի)։

Ամուսնացած է, ունի երեք զավակ։ Հայաստանի հանրապետական կուսակցության անդամ է։