Նովոռոսիյսկի Ամերբեկյանի անվան քաղաքային դրամատիկական թատրոն
Նովոռոսիյսկի Ամերբեկյանի անվան քաղաքային դրամատիկական թատրոն (ռուս.՝ Новороссийский муниципальный драматический театр им. Амербекяна), թատրոն Ռուսաստանի Կրասնոդարի երկրամասի Նովոռոսիյսկ քաղաքում։ Մինչև 2014 թվականը թատրոնն ունեցել է սիրողական կարգավիճակ և կոչվել է Նովոռոսիյսկի ժողովրդական դրամատիկական թատրոն։
 | |
|---|---|
| Տեսակ | թատրոն |
| Երկիր |  Ռուսաստան |
| Գտնվելու վայրը | Նովոռոսիյսկ |
| Հիմնադրման ամսաթիվ | 1959 |
| Անվանված է | Վլադիմիր Ամերբեկյան |
| Կայք | novorosteatr.ru |
Թատրոնի պատմություն խմբագրել
Թատրոնը ստեղծվել է 1959 թվականին Լենինի անվան մշակույթի և հանգստի զբոսայգու և նավահանգստի սառնարանի ակումբի սիրողական թատերական խմբակների միաձուլումով։ Այն ղեկավարել է դերասանուհի Վերա Անատոլևնա Կորչանը։ Թատրոնի առաջին բեմադրությունը եղել է «Անձնականի մասին» ներկայացումը ըստ Վ. Ի. Պիստոլենկոյի պիեսի[1]։ Մոտավորապես նույն ժամանակ Նովոռոսիյսկի կենտրոնում կառուցվել է թատերական պալատ, որը տեղավորել է մոտ 900 հանդիսատես, որում և հիմնավորվել է նոր թատերախումբը (պրոֆեսիոնալ թատերական կոլեկտիվներ քաղաքում չկային)[2][3]։ Շուտով ինքնագործ թատրոնն արժանացել է ժողովրդականի կոչման։
1960-ական թվականների կեսերին թատրոնը գլխավորել է նոր ռեժիսոր՝ Պավել Եգորովիչ Շիրշովը։ 1965 թվականին նրա բեմադրած «Հրացանով մարդը» ներկայացումը (ըստ Ն. Պոգոդինի պիեսի)[4] ՌԽՖՍՀ ժողովրդական թատրոնների երկրորդ ստուգատեսի շրջանակներում ցուցադրվել է Մոսկվայում՝ Կրեմլի թատրոնի բեմում[5]։
1967-1999 թվականներին թատրոնը ղեկավարել է պրոֆեսիոնալ ռեժիսոր Վլադիմիր Պետրովիչ Ամերբեկյանը (1929-1999)[6]։ Նրա իրավահաջորդը դարձել է դերասան և ռեժիսոր Եվգենի Կուշպելը։
2014 թվականի վերջին թատրոնը ձեռք է բերել պրոֆեսիոնալ կարգավիճակ, ինչը, ըստ թատրոնի ղեկավար Ե. Կուշպելի, հանգեցնում է համապատասխան թատերախմբի ձևավորմանը և կօգնի արագացնելու սեփական շենք ձեռք բերելու գործընթացը (ներկայիս պալատում տեղակայված է մի քանի ստեղծագործական կոլեկտիվ)[7]։
Խաղացանկ խմբագրել
- Ու. Շեքսպիր «Կամակոր կնոջ սանձահարումը» (բեմադրող ռեժիսոր՝ Եվգենի Կուշպել), առաջնախաղը՝ հոկտեմբեր, 2008 թ.
- Գ. Գորին «Քին Չորրորդ» (բեմադրող ռեժիսոր՝ Անատոլի Նիլով)
- Ռացեր և Կոնստանտինով «Հարսնացուն Իմերեթիայից» (բեմադրող ռեժիսոր՝ Եվգենի Կուշպել)
- Յ. Պոլյակով «Հոմո Էրեկտուս, կամ Կանանց փոխանակում» (բեմադրող ռեժիսոր՝ Եվգենի Կուշպել)
- Լ. Զորին «Վարշավյան մեղեդի» (բեմադրող ռեժիսոր՝ Եվգենի Կուշպել), առաջնախաղը՝ օգոստոս, 2009 թ.
- Ա. Մարկով «Խաղալիքներ» (բեմադրող ռեժիսոր՝ Սերգեյ Բլուդով)
- Ռ. Կունի «Վատ տղաները» (բեմադրող ռեժիսոր՝ Սերգեյ Բլուդով), առաջնախաղը՝ հունիս, 2009 թ.
- Գ. Գորին «Մնաս բարով, կոնֆերանսիե» (բեմադրող ռեժիսոր՝ Եվգենի Կուշպել), առաջնախաղը՝ ապրիլ, 2010 թ.
- Մ. Լադո «Շատ պարզ պատմություն» (բեմադրող ռեժիսոր՝ Սերգեյ Բլուդով), առաջնախաղը՝ ապրիլ, 2011 թ.
- «Տարօրինակ տիկին Սևիջը» (բեմադրող ռեժիսոր՝ Եվգենի Կուշպել), առաջնախաղը՝ դեկտեմբեր, 2011 թ.
- Ս. Սերգիենկո «Ապակու հետևում» (բեմադրող ռեժիսոր՝ Սերգեյ Բլուդով), 2013 թ.
- Ն. Կոլյադա «Բաբա Շանել» (բեմադրող ռեժիսոր՝ Եվգենի Կուշպել), 2014 թ.
Ծանոթագրություններ խմբագրել
- ↑ Озерский А. Зрители строят театр (О народных театрах Новороссийска и Туапсе), «Театр», 1961, № 2
- ↑ Озерский, Александр. Город, в котором я живу // Культура и жизнь, 1962, № 5, с. 6-10
- ↑ Город с рабочим характером: Очерк о Новороссийске. — Нева, 1966, No 6, с. 129—130
- ↑ Народные театры страны: Сб. ст. / Под ред. С. М. Ганцевича. — Искусство, 1968
- ↑ Город-герой Новороссийск: Страницы революционной, трудовой и боевой славы / Ю. Д. Журкин, А. К. Ерёменко, В. М. Тышенко. — М.: Мысль, 1983, стр. 295
- ↑ Амербекян // Большая Кубанская энциклопедия: в 6 т. 2-е изд., доп. — Т. 1: Биографический энциклопедический словарь / гл. ред. Т. А. Василевская. Краснодар, 2005
- ↑ Второе дыхание // Е. Чуприна, Новая газета Кубани, 29.01.2015