Նիզիա Ֆլորեստա ազգային անտառ
Նիզիա Ֆլորեստա ազգային անտառ (պորտ.՝ Floresta Nacional de Nísia Floresta), ազգային անտառ Բրազիլիայի Ռիու Գրանդի դու Նորտի նահանգում։
 Floresta Nacional de Nísia Floresta | |
|---|---|
| Տեսակ | ազգային անտառ |
| Կազմված է | Անտլանտյան անտառ |
| Երկիր |  Բրազիլիա |
| Վարչատարածք | Ռիու Գրանդի դու Նորտի |
| Հիմնվել է | սեպտեմբերի 27, 2001 |
| Մակերես | 1,69 կմ² և 169 հեկտար |
| Կառավարում | Բրազիլիայի դաշնային կառավարություն |
  | |
Տեղագրություն խմբագրել
Նիզիա Ֆլորեստա ազգային անտառը գտնվում է Ռիու Գրանդի դու Նորտի նահանգի Նիզիա Ֆլորեստա մունիցիպալիտետում[1]։ Ունի 168.84 հա տարածք[2]։ Անտառը նահանգի առափնյա հարթավայրում է՝ ծովի մակարդակից 80 մետր բարձրության վրա։ Այն Տրայիրի գետի ավազանում է։ Ներառում է երկու 0.7 և 7.1 հա սեզոնային լճեր ու 20.8 հա մշտական լճի մի մասը։ Ջերմաստիճանը տատանվում է 21-ից մինչև 30 °C, իսկ միջինը` 26 °C է։ Տարեկան տեղումների քանակը 1455 մմ է[1]։ Շրջանն ունի չորային եղանակ՝ սեպտեմբերից մինչև փետրվար, իսկ անձրևային՝ մարտից մինչև օգոստոս[3]։
Նիզիա Ֆլորեստա ազգային անտառը Ատլանտյան անտառ բիոմում է[2]։ Բնիկ Ատլանտյան անտառի բուսականությունը ընդգրկում է անտառի 60%-ը և փորձարարական տարածքը՝ տարբեր տեսակի պտղատու ծառերով, որն էլ կազմում է 40%։ Փորձարարական նպատակներով օգտագործվող տարածքը մինչև 1970-ականների վերջը գտնվել է հայրենի անտառի վերականգնման համեմատաբար առաջադեմ փուլում։ Dinoponera quadriceps մրջյունը էնդեմիկ է, աշխարհի ամենամեծ մրջյուններից մեկը՝ մոտավորապես 3 սմ։ Այս մրջյունը չի հայտնաբերվում մարդկային գործունեություններից խաթարված տարածքներում, ուստի պահպանված միջավայրի լավ ինդիկատոր է[1]։
Պահպանություն խմբագրել
Նիզիա Ֆլորեստա ազգային անտառը ստեղծվել է 2001 թվականի սեպտեմբերի 27-ի հրամանագրով և կառավարվում է Չիկո Մենդեսի Կենսաբազմազանության պահպանության ինստիտուտի կողմից[2]։ Այն դասվում է Բնության պահպանության միջազգային միության VI կատեգորիային (բնական ռեսուրսի կայուն օգտագործմամբ պահպանվող տարածք)։ Նպատակն է՝ աջակցել անտառային ռեսուրսների կայուն բազմակի օգտագործմանը և գիտական հետազոտությունների իրականացմանը՝ շեշտը դնելով հայրենի անտառների կայուն շահագործման մեթոդների վրա[1]։ Խորհրդատվական խորհուրդը նշանակվել է 2008 թվականի հոկտեմբերի 22-ին։ Անտառի կառավարման ծրագիրը հաստատվել է 2012 թվականի սեպտեմբերի 10-ին[3]։
Ծանոթագրություններ խմբագրել
Աղբյուրներ խմբագրել
- Flona de Nísia Floresta (Portuguese), Chico Mendes Institute for Biodiversity Conservation, Արխիվացված է օրիգինալից 2016-08-17-ին, Վերցված է 2016-06-02-ին
{{citation}}: CS1 սպաս․ չճանաչված լեզու (link) - FLONA de Nísia Floresta (պորտուգալերեն), ISA: Instituto Socioambiental, Վերցված է 2016-06-02-ին
- Unidade de Conservação: Floresta Nacional de Nísia Floresta (Portuguese), MMA: Ministério do Meio Ambiente, Վերցված է 2016-06-02-ին
{{citation}}: CS1 սպաս․ չճանաչված լեզու (link)