Նեֆերուպտահ
Նեֆերուպտահ կամ Պտահնեֆերու (անգլ.՝ Neferuptah, «Պտահի գեղեցկություն», մ.թ.ա. 19-րդ դար - անհայտ), տասներկուերորդ արքայատոհմի եգիպտացի փարավոն Ամենեմհետ III-ի (մ․թ․ա․ 1860 - 1814 թվականներ) դուստր, Սեբեկնեֆերու փարավոնի քույրը։
Նեֆերուպտահ | |
|---|---|
 | |
| Ծնվել է՝ | մ.թ.ա. 19-րդ դար |
| Մահացել է՝ | անհայտ |
| Q1424001? | |
| Տոհմ | Տասներկուերորդ արքայատոհմ |
| Հայր | Ամենեմհետ III |
Կենսագրություն խմբագրել
| Նեֆերուպտահը հիերոգլիֆներում | |||||||||||||
|---|---|---|---|---|---|---|---|---|---|---|---|---|---|
Նեֆերուպտահ | |||||||||||||
Նեֆերուպտահն առաջին արքայական կանանցից մեկն էր, որի անունը գրվել է քարտուշի մեջ։ Թեև նա երբեք չի կրել «փարավոնի կին» տիտղոսը, պետք է որ հատուկ կարգավիճակ ունեցած լինի․ հնարավոր է նրան վերաբերած լինեն որպես ապագա ղեկավարի[1][2]։
Նրա տիտղոսների թվում էին՝ «Ընտրախավի անդամ», «գերաշնորհ», «պատվելի», «փարավոնի սիրելի դուստր» տիտղոսները[3]։
Նեֆերուպտահի համար գերեզման պատրաստվել է Հավարայի նեկրոպոլում գտնվող իր հայրիկի դամբարանի մեջ[4], սակայն նա այնտեղ չի հւղարկավորվել։ Թաղվել է Հավարայում գտնվող մի փոքրիկ բուրգի մեջ, և այդ գերեզմանը հայտնաբերվել է 1956 թվականին անեղծ վիճակում։ Այնտեղ դեռևս պահպանվում էին Նեֆերուպտահի զարդերը, գրանիտե սարկոֆագը, երեք արծաթե ծաղկամաններ և այլ առարկաներ։
Գրանիտե սարկոֆագը փորագրված էր կարճ ընծայագրով։ Դրա ներսում գտնվում էին երկու փայտե դագաղների փտած մնացորդներ, որոնցից արտաքինը զարդարված էր փորագրված ոսկե փայլաթիթեղով։ Նմանատիպ փորագրություններ հայտնաբերվել են նաև թագուհի Հատշեպսուտի սարկոֆագի վրա[5], որն ապրել էր 300 տարի հետո։ Նեֆերուպտահի գերեզմանի մասին հիշատակվել է Լահուն նեկրոպոլում հայտնաբերված մի պապիրուսի մեջ[6], որտեղ նա պատկերված է իր հայրիկի կողքին՝ Մադինեթ Մադիում գտնվող Ռենենուտետ աստվածուհու տաճարում։ Նրան պատկանող առարկաների թվում են սև գրանիտե մեկ սֆինքս և Էլեֆանտին կղզում հայտնաբերված մի արձանի բեկոր[7]։
Ծանոթագրություններ խմբագրել
- ↑ Կաղապար:Dodson, p.98
- ↑ Dodson & Hilton, p.25
- ↑ Nagib Farag, The discovery of Neferwptah, 1971, p. 20
- ↑ W. M. Flinders Petrie, Kahun, Gurob, and Hawara, London 1890, p.15, pl. V
- ↑ Wolfram Grajetzki, "The Coffin of the "King's Daughter" Neferuptah and the Sarcophagus of the "Great King's Wife" Hatshepsut", Göttinger Miszellen: Beitrage zur ägyptologischen Diskussion, 205 (2005), 55-66
- ↑ Petrie Museum UC 32212, published in: M Collier, S. Quirke: The UCL Lahun Papyri: Letters, Oxford 2002 1-84171-462-3, p.138-139
- ↑ Farag, pp. 101-103
Հետագա ընթերցանություն խմբագրել
- Pignattari, Stefania (2008). Due donne per il trono d'Egitto: Neferuptah e Sobekneferu (italian). Imola: La Mandragora.
{{cite book}}: CS1 սպաս․ չճանաչված լեզու (link)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Նեֆերուպտահ կատեգորիայում։ |