Յուրի Օվչիննիկով
Յուրի Օվչիննիկով (ռուս.՝ Юрий Львович Овчинников, հունիսի 3, 1950, Լենինգրադ, ՌԽՖՍՀ, ԽՍՀՄ), խորհրդային գեղասահորդ (մենասահք)։ ԽՍՀՄ չեմպիոն և Եվրոպայի չեմպիոնատի բրոնզե մրցանանակիր (1975 թվական)։ Ռուսաստանի օլիմպիական կոմիտեի գործադիր տնօրենի խորհրդական[1]։
| Յուրի Օվչիննիկով | |
|---|---|
| Անձնական տեղեկություն | |
| Սեռ՝ | արական |
| Բնօրինակ անուն՝ | ռուս.՝ Юрий Львович Овчинников |
| Մասնագիտացում՝ | գեղասահորդ և գեղասահքի մարզիչ |
| Երկիր՝ |  Ռուսաստան |
| Ծննդյան ամսաթիվ՝ | հունիսի 3, 1950 (73 տարեկան) |
| Ծննդավայր՝ | Լենինգրադ, ՌԽՖՍՀ, ԽՍՀՄ |
Կենսագրություն խմբագրել
Օվչիննիկովի հայրը` Լև Կոնստանտինովիչը, 1-ին աստիճանի կապիտան էր, ինժեներ, մայրը Եվդոկիա Պետրովնան էր։ Առաջին մարզիչը Ի. Բ. Մոսկվին էր, 1974 թվականից մարզվել է Ա. Ն. Միշինի ղեկավարությամբ։ Հանդես է եկել` ներկայացնելով Լենինգրադը («Буревестник»): 1970-1978 թվականների ԽՍՀՄ չեմպիոնատում եղել է մրցանակակիր (բացի 1972 և 1974 թվականները)։ 1969 թվականին ԽՍՀՄ հավաքականի կազմում էր, իսկ դեբյուտը եղավ Եվրոպայի և աշխարհի առաջնություններում։ Ավելի հաջող դարձավ 1975 թվականը, երբ նա դարձավ ԽՍՀՄ չեմպիոն և Եվրոպայի առաջնությունում` բրոնզե մրցանանակիր։
Օվչիննիկովը համարվում էր ազատ ծրագրի վարպետ, բազմիցս տարբեր առաջնություններում զբաղեցնում էր բարձր տեղեր (այդ թվում` նաև առաջին)։ Առանձնանում էր բացառիկ երաժշտականությամբ (երաժշտության և թատրոնի գիտակ էր, հաճախ էր լինում Լենինգրադի Մարիինյան թատրոնում), ինչն էլ հանգեցրեց նրա վառ անհատական ոճին։ Տիրապետում էր գեղասահորդների համար հազվագյուտ թռիչքի ամպլիտուդային (կրկնակի ակսելով թռիչք` բարձր 6 մետրից)։ Աշխարհում առաջիններից մեկն է, ով փորձել է ազատ ծրագրում ընդգրկել չորս եռակի թռիչք, այնուհետև առաջիններից էր, ով տիրապետել է չորս տարբեր եռակի թռիչքների (տուլուպ, սալխ, ռիտտբերգեր և ֆլիպ)։ Պատմության մեջ է մտել նրա յուրահատուկ կարճ ծրագիրը Յ. Ս. Բախի երգեհոնային երաժշտությամբ` դանդաղ քայլերով, ինչի համար էլ 1975 թվականի աշխարհի առաջնությանը հիացած ու ապշած մրցավարները արտիստիզմի համար նրան գնահատեցին առավելագույնը` 6.0: Այնուամենայնիվ, պարտադիր շարժումների անհաջող կատարումը («школы») թույլ չտվեց Օվչիննիկովին բազմամարտում հասնել հաղթանակի։
1980 թվականից մարզել է Իգոր Բոբրինին, սակայն միջագգային մրցաշարերին Բոբրինին ուղեկցում էր Սերգեյ Վոլկովը, քանի որ Օվչիննիկովին արգելվում էր արտերկիր մեկնել արտասահմանում մնացած Միխայիլ Բարիշնիկովի հետ ընկերության համար։
1983 թվականին եղել է Տատյանա Տարասովայի «Բոլոր աստղերը» Սառցե թատրոնի առաջին տնօրենը, միևնույն ժամանակ նա նաև թատրոնի մենակատար էր։ Այնուհետև հանդես է եկել միջազգային սառցե շոուում, որը ղեկավարում էր Տ.Տարասովան և անգլիացի գեղասահորդներ Ջեյն Տորվիլլը և Քրիստոֆեր Դինը։
20 տարի ապրել է Սան Դիեգոյում (Կալիֆոռնիա, ԱՄՆ)։ Մարզել է սինխրոն գեղասահքի թիմը` «Team del Sol»[2]: Ամուսնացած է, ունի երկու երեխա[3]։ Այս պահին ապրում է Ռուսաստանում` Մոսկվայում։
Դերասանի գործունեություն խմբագրել
1980 թվականին նկարահանվել է «Фантазия на тему любви» լիրիկական երաժշտական կոմեդիայում (ռեժիսոր` Աիդա Մանասարովա)։
Սպորտային ձեռքբերումներ խմբագրել
| Մրցումներ | 1967—1968 | 1968—1969 | 1969—1970 | 1970—1971 | 1971—1972 | 1972—1973 | 1973—1974 | 1974—1975 | 1975—1976 | 1976—1977 | 1977—1978 |
|---|---|---|---|---|---|---|---|---|---|---|---|
| Ձմեռային օլիմպիական խաղեր | 12 | 8 | |||||||||
| Գեղասահքի աշխարհի առաջնություն | 11 | 7 | 6 | 6 | 7 | ||||||
| Գեղասահքի Եվրոպայի առաջնություն | 9 | 7 | 5 | 7 | 6 | 5 | 3 | 4 | 4 | 5 | |
| Գեղասահքի ԽՍՀՄ առաջնություն | 5 | 5 | 3 | 3 | 4 | 2 | 2 | 1 | 2 | 2 | |
| ԽՍՀՄ ժողովուրդների սպարտակիադա | 2 |
Ծանոթագրություններ խմբագրել
- ↑ Юрий Овчинников: «Чемпионат мира прошел на ура»
- ↑ Ю.Овчинников в списке тренеров команды синхронного катания «Team del Sol» (США)(անգլ.)
- ↑ Балет в трёх актах Արխիվացված 2015-08-03 Wayback Machine статья В. Мелик-Карамова о Т. Тарасовой в журнале «Огонёк» 1996 год