Յուլիսկա

Յուլիսկա
Տեսակ	ֆուտբոլային մարզադաշտ
Մարզաձև	ֆուտբոլ
Տեղագրություն	Դեյվիցե, Պրահա 6 և Պրահա
Երկիր	Չեխիա
Հիմնադրված	1960
Բացված	1960
Սեփականատեր	Չեխիայի պաշտպանության նախարարություն
Տարողություն	8150
Տնային թիմ	Դուկլա ՖԱ
	Na Julisce stadium Վիքիպահեստում

«Յուլիսկա» մարզադաշտ (չեխ․՝ Stadion Juliska), ֆուտբոլի և աթլետիկայի մարզադաշտ Պրահայում, «Դուկլա» ֆուտբոլային ակումբի տնային ասպարեզը։ Մարզադաշտը, որը բացվել է 1960 թվականին, պատկանում է չեխական բանակին։ Նախկինում մարզադաշտի տարողությունը հասնում էր 29 հազար հանդիսականի, այժմ այն 8150 հանդիսական է^[1]։

Պատմություն խմբագրել

Մարզադաշտը պաշտոնապես բացվել է 1960 թվականի ամռանը։ Շուտով ստացել է «Յուլիսկա» անվանումը՝ ելնելով այն բանից, որ մարզադաշտի գլխավոր մուտքը գտնվում է Նա Յուլիսցե փողոցում։ Մարզադաշտի բացման հանդիպումը տեղի է ունեցել 1960 թվականի հուլիսի 10-ին. «Դուկլան» հյուրընկալել է ավստրիական «Վիներ Շպորտ Կլուբին» և հաղթել 2-1 հաշվով։ Եվրագավաթային առաջին հանդիպումը տեղի է ունեցել 1961 թվականի սեպտեմբերի 13-ին, երբ Գավաթակիրների գավաթի խաղարկությունում «Դուկլան» 2-1 հաշվով հաղթել է բուլղարական ԲԿՄԱ-ին։ Հանդիպմանը ներկա է եղել 14 հազար հանդիսական, իսկ խաղում աչքի են ընկել Ռուդոլֆ Կուչերան և Ֆրանտիշեկ Շաֆրանեկը^[1]։

1975 թվականին վերակառուցվել է գլխավոր տրիբունան։ Մարզադաշտի տարողությունն ավելացել է՝ հասնելով 29000 նստատեղի։ Հաջորդ վերակառուցումը սկսվել է 2011 թվականին՝ բարձրագույն լիգայում մրցելու արտոնագիր ստանալու համար։ Փայտե նստարաններն ամբողջությամբ փոխարինվել են պլաստմասսայե աթոռներով, որից հետո մարզադաշտի տարողությունը նվազել է՝ հասնելով 4590 նստատեղի։ Հաջորդ վերակառուցումը տեղի է ունեցել 2012 թվականին, երբ նոր նստատեղերի և պլաստիկ նստարանների ավելացման շնորհիվ հնարավոր է դարձել մարզադաշտի տարողությունը հասցնել 8150 նստատեղի^[1]։

Պատկերասրահ խմբագրել

Մարզադաշտի ընդհանուր տեսքը
Մարզադաշտի արևմտյան տրիբունան
Մարզադաշտի վազքուղին և արևելյան տրիբունան
Չեխիայի բոլոր ժամանակների լավագույն ֆուտբոլիստներից մեկի՝ Ոսկե գնդակի դափնեկիր Յոզեֆ Մասոպուստի հուշարձանը մարզադաշտի տարածքում

Ծանոթագրություններ խմբագրել

↑ ^1,0 ^1,1 ^1,2 «STADION JULISKA» (չեխերեն). fkdukla.cz.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Յուլիսկա» հոդվածին։

[juliska-1] 1,0 ^1,1 ^1,2 «STADION JULISKA» (չեխերեն). fkdukla.cz.

[1]