Մուլան 2
«Մուլան 2» (անգլ.՝ Mulan 2), լիամետրաժ մուլտիպլիկացիոն ֆիլմ՝ թողարկված 2004 թվականին Walt Disney Pictures-ի կողմից։ «Մուլան» մուլտֆիլմի շարունակությունն է։ Ֆիլմը չէր նախատեսվել կինովարձույթի համար և վիդեոն միանգամից թողարկվեց։
 անգլ.՝ Mulan II | |
|---|---|
 | |
| Տեսակ | մուլտֆիլմ |
| Ժանր | մարտաֆիլմ, կինոկատակերգություն, ընտանեկան ֆիլմ, երաժշտական ֆիլմ և արկածային ֆիլմ |
| Թեմա | Պայմանավորված ամուսնություն |
| Կերպարներ | Հուա Մուլան, Մուլան[1], Fa Zhou?[1], Li Shang?[1], Fa Li?[1], Mushu?[1], Yao?[1], Chien-Po?[1], Ling?[1] և Cri-Kee?[2] |
| Գործողության վայր | Չինաստան |
| Հորինված երկիր | Disney's Mulan universe? |
| Հիմնված է | Մուլան |
| Ռեժիսոր | Դարրել Ռունի[3][4][5][…] |
| Սցենարիստ | Ռոջեր Շուլման |
| Հնչյունավորում | Մինգ-Նա Վեն, Բրեդլի Դերիլ Վոնգ, Mark Moseley?, Լյուսի Լյու, Հարվի Ֆայերշտայն, Սանդրա Օ, Գեդդե Վատանաբե, Թոմ Լորեն, Ջերի Տոնդո, Պետ Մորիտա, Ջորջ Տակեյ, Ջյուն Ֆորեյ, Ֆրեդա Ֆո Շեն, Սուն-Տեկ Օ, Ֆրենկ Ուելքեր և Քրիստոֆեր Լլոյդ |
| Երաժշտություն | Ջոել ՄակՆիլի |
| Խմբագիր | Պեմ Զիգենհագեն |
| Երկիր |  ԱՄՆ |
| Լեզու | անգլերեն |
| Ընկերություն | Walt Disney Pictures և DisneyToon Studios |
| Դիստրիբյուտոր | ներքին կապ, Նեթֆլիքս, Vudu, Դիսնեյ+ և Buena Vista Home Entertainment |
| Տևողություն | 78 րոպե |
| Պրիկվել | Մուլան |
| Թվական | նոյեմբերի 10, 2004[6] |
| movies.disney.com/mulan-2(անգլ.) | |
Սյուժե
խմբագրելԱնցավ ամիս այն բանից հետո, երբ Մուլանը հաղթանակով տուն վերադարձավ։ Գեներալ Լի Շենգը խնդրում է նրա ձեռքը և համաձայնություն ստանում։ Լսելով նրանց նշանադրության մասին՝ Մուշուն ուրախանում է այնքան, մինչև որ նախնիները, որոնց արդեն հասցրել էր ձանձրացնել վիշապի մեծամտությունը, բացատրեցին նրան, որ ամուսնությունից հետո Մուլանը դադարում է լինել նրա խնամակալը, և Մուշուն կորցնում է իր հեղինակությունը և պահապանի իր տեղը։ Ցանկանալով իր տեղը պահել՝ Մուշուն որոշում է կռվեցնել զույգին։ Այդ ժամանակ կայսրը Մուլանին և գեներալ Շենգին խնդրում է ուղեկցել իր 3 աղջիկներ՝ արքայադուստր Մեյին, Տին Տինին և Սուին Կի Հոն թագավորություն, որտեղ վերջիններս պետք է ամուսնանան և պայմանագիր կնքեն Չինաստանի հետ, որպեսզի մոնղոլները չհարձակվեն երկրի վրա։ Եթե դա չարվի 3 օրում, ապա դաշինքը չի գործի։ Որպես պահակ Մուլանը և Շենգը իրենց հետ վերցնում են Յաոյին, Լինգային ու Չյեն-Պոյին։
Արքայադստրերը սիրահարվում են իրենց պահակներին։ Մի անգամ գիշերը զույգերը խախտում են գեներալի հրամանը, որն էր չթողնել ճամբարը, և գնում են գյուղ։ Եվ ամբողջ ճանապարհին դավեր նյութելով Մուշուին հաջողվում է Մուլանին կռվեցնել ամուսնու հետ։ Երբ ճամփորդներն անցնում են ավազակների տարածքով, Մուշուն զղջում է, որ կռվեցրեց զույգերին։ Մուլանը փորձում է հաշտվել Շենգի հետ, բայց ճամփորդներին խանգարում են մոնղոլները, և կռիվ է սկսվում։ Արդյունքում Մուլանը և Շենգը հայտնվում են պարանից կառուցված կամրջի վրա, որում փախչող մոնղոլները կտրում էին պարանները։
Շենգը և Մուլանը հայտնվում են պարանից կախված վիճակում՝ անդունդի գլխին։ Շենգը հասկանում է, որ պարանը նրանց երկուսին չի կարող պահել, բաց է թողնում Մուլանի ձեռքը՝ փրկելով նրա կյանքը, իսկ ինքն ընկնում անդունդը։ Որոշելով, որ իր սիրելին մահացել է, Մուլանը միայնակ գնում է Կի Հոն, որպեսզի փրկի արքայադստերը հաշվարկված ամուսնությունից և կատարելով կայսեր պլանը, ինքն է պատրաստվում ամուսնանալ արքայազններից մեկի հետ։ Շենգը, ով ողջ էր մնացել վայր ընկնելուց հետո, խառնվում է արարողությանը։ Մուշուի օգնությամբ, ով իրեն ձևացրեց Միասնության Ահեղ Ոսկե Վիշապ, Շենգը կարողացավ իրավիճակը կարգավորել։
Մուլանն ամուսնացավ իր սիրելիի հետ, իսկ արքայադստրերը մնացին մարտիկների հետ։ Ամուսնությունից հետո Շենգը միացնում է 2 ընտանիքների տաճարները և Մուշուն պահպանում է իր դիրքը։
Կերպարներ
խմբագրել- Ֆա Մուլան (անգլ.՝ Fa Mulan, մուլտֆիլմի գլխավոր հերոսուհին։ Բարի, հնարամիտ աղջիկ է, ով կարծում է, որ մարդու պարտքն է լսել իր սրտին։ Նա սիրահարված է Լի Շենգին։ Աղջիկը յուրաքանչյուր պարագայում փնտրում է լուծման նոր ճանապարհ, ի տարբերություն Շենգի, և դա հաճախ դառնում է նրանց վեճերի պատճառը։ Նա համակրում է արքայադստրերին, մարտիկներին և ամեն կերպ խրախուսում է նրանց հարաբերությունները, չնայած որ հակառակվում է գեներալ Շենգին։
- Լի Շենգ (անգլ.՝ Li Shang), 26 տարեկան գեներալ։ Շատ բարի, լուրջ, խելացի և հնարամիտ մարդ։ Հաճախ նաև մի քիչ խիստ է լինում, միայն թե այդպես էլ բարի է մնում։ Գործում է պլանի համաձայն և քարտեզներով և երբեք չի ցանկանում սպասել ներշնչման, բայց շուտով որոշվում է անել դա։ Ինչպես նաև չի սիրում, որ բոլորը գործեն իրենց ցանկությամբ և կարծում է, որ բոլորը պետք է կատարեն իրենց պարտքը։ Շատ չանցած Շենգը ևս գործում է սեփական սրտին լսելով։
- Տին Տին (անգլ.՝ Ting Ting, կայսեր առաջին աղջիկը։ Առաջին հայացքից նա ամենալուրջն է 3 արքայադստրերից։ Բայց իրականում նա ամաչում է իր ծիծաղից։ Սիրահարվում է Լինգին, ում իր ծիծաղը չի հուզում։
- Մեյ (անգլ.՝ Mei), կայսեր երկրորդ աղջիկը։ Նրան դուր է գալիս Յաոն։ Մուլանի հետ խոսելով, Մեյը հասկանում է, որ չի կարող ամուսնանալ արքայազնի հետ։ Դրա համար նա որոշում է հորը նամակ գրել և տեղեկացնել այն մասին, որ չի կարող կատարել այդ առաջադրանքը, քանզի սիրահարված է ուրիշ մարդու։
- Սու (անգլ.՝ Su), կայսեր երրորդ աղջիկը, և շատ ուրախ արքայադուստր։ Սիրահարվում է Չյեն-Պոյին։