Միքայել Տեր-Միքայելյանի անվան Ֆիզիկական հետազոտությունների ինստիտուտ

Միքայել Տեր-Միքայելյանի անվան Ֆիզիկական Հետազոտությունների Ինստիտուտ (անգլ.՝ Mikael Ter-Mikaelian Institute for Physical Research), ֆիզիկայի մի շարք ոլորտներում հետազոտություններ իրականացնող հիմնարկություն։ Գտնվում է Աշտարակ քաղաքից 1 կիլոմետր հարավ՝ Աշտարակ-Վաղարշապատ (Էջմիածին) ավտոմայրուղու առաջին կիլոմետրի վրա։

ՀՀ ԳԱԱ Միքայել Տեր-Միքայելյանի անվան Ֆիզիկական հետազոտությունների ինստիտուտ
Ֆիզիկական հետազոտությունների ինստիտուտը և Արագած լեռը, 10․01․2019
Հապավում	ՀՀ ԳԱԱ Միքայել Տեր-Միքայելյանի ՖՀԻ
Տեսակ	գիտահետազոտական ինստիտուտ
Հիմնադրված է	1967
Տիպ	Ակադեմիական հիմնարկ
Տնօրեն	Արամ Պապոյան
Երկիր	Հայաստան
Տեղագրություն	Աշտարակ
Կայք	www.ipr.sci.am
Միքայել Տեր-Միքայելյանի անվան Ֆիզիկական հետազոտությունների ինստիտուտ, Հայաստան
Mikael Ter-Mikaelian Institute for Physical Research Վիքիպահեստում

Պատմություն

ՖՀԻ-ն հիմնադրվել է 1967 թվականին, ականավոր գիտնական Միքայել Տեր-Միքայելյանի կողմից և այժմ հանդիսանում է Հայաստանի առաջատար հետազոտական հիմնարկներից մեկը։

Հետազոտությունների ոլորտները և այլ գործունեությունները

ՖՀԻ հետազոտությունների հիմնական ոլորտներն են՝

• Լազերային ֆիզիկան
• Ոչգծային օպտիկան
• Քվանտային օպտիկան
• Նյութի և ճառագայթման փոխազդեցությունը
• Բյուրեղների աճեցումը և բնութագրումը
• Պինդ մարմնի ֆիզիկան
• Բարձրջերմաստիճանային գերհաղորդականությունը
• Գիտական սարքաշինությունը

Բացի այդ, ՖՀԻ-ն կազմակերպում է Լազերային Ֆիզիկա ամենամյա հեղինակավոր միջազգային կոնֆերանսը, համագործակցում է Հայ-ռուսական (սլավոնական) համալսարանի և Հայկական Պետական Մանկավարժական Համալսարանի հետ։ Այն սերտ կապեր է հաստատել բազում երկրների հետազոտական հիմնարկների հետ, այդ թվում Ռուսաստան, ԱՄՆ, Ճապոնիա, Ֆրանսիա, Անգլիա, Ֆինլանդիա, Գերմանիա, Իտալիա, Բելառուս, Ավստրալիա, Սինգապուր։ Հանդիսանում է «ՖՀԻ ինտեգրումը եվրոպայի գիտահետազոտական տարածք» ԵՄ գրանտի շահառուն։

Արտաքին հղումներ

• Պաշտոնական կայք (հայերեն) (անգլերեն) (ռուսերեն)
• IPERA project (անգլերեն)