Միքայել Համամջյան
Միքայել Գրիգորի Համամջյան (դեկտեմբերի 25, 1944, Երևան, Հայկական ԽՍՀ, ԽՍՀՄ), հայ ճարտարագետ-էներգետիկ։ Տեխնիկական գիտությունների դոկտոր (2003 թ.)։
| Միքայել Համամջյան | |
|---|---|
| Ի ծնե | Միքայել Գրիգորի Համամջյան |
| Ծնվել է | դեկտեմբերի 25, 1944 (79 տարեկան) |
| Ծննդավայր | Երևան |
| Ազգություն | հայ |
| Գործունեություն | Ճարտարագետ |
| Կրթություն | ՀԱՊՀ |
Կենսագրություն
խմբագրել1967 թվականին ավարտել է Երևանի պոլիտեխնիկական ինստիտուտը։ 1980-1982 թվականներին եղել է Երևանի Կերամիկայի գործարանի տնօրեն, 1982-1995 թվականներին՝ Արտաշատի ճենապակե և խեցեղեն իրերի գործարանի տնօրեն, 1995 թվականից՝ «Հայճենապակի» ԲԲԸ խորհրդի նախագահ և գլխավոր տնօրեն[1]։
Ճենապակու արտադրության մեջ ներդրել է իր մշակած մի շարք տեխնոլոգիաներ, որպես գունավորող նյութեր օգտագործել հայկական քարերի փոշին, ստեղծել է հայկական նուրբ ճենապակին։ Մշակել և կառուցել է եռախցիկ վառարան՝ Հայաստանում հիմնադրելով ոսկրային ճենապակու արտադրություն։
Նախագծել և կառուցել է Հադրութի կերամիկայի արտադրամասը, տեղական կարմիր կավի հումքով գործող «Հայճենապակի» կղմինդրի արտադրության գործարանը։
Ծանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |