Միկոլա Շապովալ
Միկոլա Շապովալ (ուկրաիներեն՝ Шаповал Микола Терентійович, հունիսի 15, 1919, Բոգաչկա-Պերվայա, Վելիկա Բոգաչկայի շրջան, Ուկրաինա - մարտի 22, 1982, Խարկով, Ուկրաինական ԽՍՀ, ԽՍՀՄ), ուկրաինացի գրող, բանաստեղծ, Կարմիր աստղի շքանշանակիր։
Միկոլա Շապովալ | |
---|---|
Ծնվել է | հունիսի 15, 1919 |
Ծննդավայր | Բոգաչկա-Պերվայա, Վելիկա Բոգաչկայի շրջան, Ուկրաինա |
Վախճանվել է | մարտի 22, 1982 (62 տարեկան) |
Վախճանի վայր | Խարկով, Ուկրաինական ԽՍՀ, ԽՍՀՄ |
Մասնագիտություն | գրող և բանաստեղծ |
Քաղաքացիություն | ԽՍՀՄ |
Կրթություն | Ուժգորոդի ազգային համալսարան |
Պարգևներ |
Կենսագրություն խմբագրել
Միկոլա Շապովալը ծնվել է 1919 թվականին Պոլտավայի մարզի Բոգաչկա-Պերվայա գյուղում, բատրակի ընտանիքում։ Եղել է կոբզար Ֆյոդոր Կուշներիկի ուղեկցողը, 1928-1934 թվականներին ապրել է մանկատանը[1]։ Սեմինարիան ավարտելուց հետո սովորել է Վելիկոսորոչինսկի մանկավարժական տեխնիկումում, այնուհետև աշխատել որպես ուսուցիչ։
1938 թվականին աշխատել է Վելիկա Բոգաչկայի շրջանի «Рідний край» թերթում։ 1939 թվականին ընդունվել է Ուկրաինայի կոմունիստական ինստիտուտ, զորակոչվել է Խորհրդային բանակ։ Մասնակցել է Երկրորդ համաշխարհային պատերազմին, թղթակցել է Молодь України թերթին։ Պատերազմի ավարտից հետո սովորել է Ուժգորոդի համալսարանում, աշխատել է թերթում։ Վերադարձել է Խարկով, գրել է պատմվածքներ, վեպեր, բանաստեղծություններ մեծահասակների և երեխաների համար[2][3]։
Ստեղծագործություններ խմբագրել
Բանաստեղծական ժողովածուներ
- 1948 - «Երրորդ գարունը»,
- 1950 - «Արշալույսը սարերում»,
- 1951 - «Հաղթողները»
- 1955 - «Ճամփաները երգում են»,
- 1971 - «Ջերմ անձրև»,
- 1978 - «Պոեզիա»,
Հրատարակված վիպակներ ու պատմվածքներ`
- 1960 - «Լուռ սեր»,
- 1963 - «Գարունը սկսվել է սեպտեմբերին»,
- 1963 - «Գիշերային չվերթը»,
- 1963 - «Գանձեր որոնելիս»
- 1972 - «Անհավատալի ճշմարտությոն»,
- 1966 - «Գնում եմ դեպի մարդիկ», վեպ
- «Երրորդ, որտե՞ղ ես»,
- «Վերջին կրակոց».
Ծանոթագրություններ խմբագրել
- ↑ «Ուկրաինական քնար», բանաստեղծություններ, Հայպետհրատ, Երևան, 1954։
- ↑ «Славна Великобагачанщина - Великі Великобагачанці». vb.ucoz.ua. Վերցված է 2017 թ․ մայիսի 19-ին.
- ↑ Administrator. «ШАПОВАЛ - Лексика - українські енциклопедії та словники». leksika.com.ua. Վերցված է 2017 թ․ մայիսի 19-ին.