Միխայիլ Յակուշև
Միխայիլ Վլադիմիրովիչ Յակուշև ({ռուս.՝ Михаил Владимирович Якушев, հունվարի 1, 1967[1], Մոսկվա, ԽՍՀՄ), կիբերտարածության և տեղեկատվական անվտանգության ոլորտի իրավաբան, ICANN-ի Ռուսաստանի, ԱՊՀ և Արևելյան Եվրոպայի հարցերով փոխնախագահ (2014)[2] (այս պաշտոնում հաջորդել է Վենի Մարկովսկուն[3])։ Աշխատել է տարբեր միջազգային տեխնոլոգիական ընկերություններում, ներառյալ Մայքրոսոֆթ, SAP, PayPal, Mail.ru[3]։ ՄԱԿ-ի գլխավոր քարտուղարին կից համացանցի կառավարման աշխատանքային խմբի անդամ (2004)[4]։
| Միխայիլ Յակուշև | |
|---|---|
| Ծնվել է | հունվարի 1, 1967[1] (57 տարեկան) |
| Ծննդավայր | Մոսկվա, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Կրթություն | Մոսկվայի միջազգային հարաբերությունների պետական ինստիտուտի պատվավոր դոկտոր |
| Մասնագիտություն | իրավաբան |
| Աշխատավայր | ICANN, Մայքրոսոֆթ, ՓեյՓալ և Mail.ru |
Զբաղվում է տեղեկատվական իրավունքի, այդ թվում՝ տեղեկատվության հասանելիության հարցերով։ Տեղեկատվական տեխնոլոգիաների օգտագործման ոլորտում օրինագծերի համահեղինակ է:
Կենսագրություն
խմբագրելՄիխայիլ Վլադիմիրովիչ Յակուշևը ծնվել է 1967 թվականին Մոսկվայում։ Հայրը եղել է ինժեներ, կապի մասնագետ, մայրը՝ գինեկոլոգ, պապը՝ Միխայիլ Յակուշևը, ղեկավարել է գլխավոր փոստային վարչությունը[4]։
1989 թվականին Յակուշևն ավարտել է Մոսկվայի միջազգային հարաբերությունների պետական ինստիտուտը միջազգային իրավունք մասնագիտությամբ՝ տիեզերական իրավունքի մասնագետ դառնալու մտադրությամբ: Ուսումն ավարտելուց հետո աշխատել է որպես իրավաբան և սկսել է հետաքրքրվել ինտերնետում գործունեությամբ: Սկսել է հոդվածներ և գրքեր գրել տիեզերական իրավունքի կարգավորման, կիբերտարածության վերաբերյալ[4]:
1997 թվականին սկսել է աշխատել Global 1 օպերատոր ընկերությունում՝ միաժամանակ ղեկավարելով Ինտերնետ օպերատորների միության իրավական հարցերով աշխատանքային խումբը: 2000 թվականին նշանակվել է Ռուսաստանի Դաշնության ներկայացուցիչ Մեծ ութնյակի իրավական հարցերով աշխատանքային խմբում։ Աշխատել է Մայքրոսոֆթի ՌԴ ներկայացուցչությունում՝ որպես պետական կազմակերպությունների հետ հարաբերությունների գծով ներկայացուցիչ[4]։
2004 թվականի ամռանը նշանակվել է Ռուսաստանի Դաշնության տեղեկատվական տեխնոլոգիաների և կապի նախարարության իրավաբանական վարչության պետ։ Նույն թվականին Ռուսաստանի Դաշնության Տեղեկատվության և կապի նախարարությանը հաջողվել է «Տեղեկատվության, տեղեկատվայնացման և տեղեկատվության պաշտպանության մասին» օրենքում փոփոխություններ մտցնել կառավարության հաջորդ տարվա օրենսդրական գործունեության ծրագրում:
2004 թվականին Յակուշևը դարձել է ՄԱԿ-ի գլխավոր քարտուղարին կից համացանցի կառավարման աշխատանքային խմբի անդամ։ 2006 թվականից Ազգային հետազոտական համալսարանի Տնտեսագիտության բարձրագույն դպրոց իրավագիտության ֆակուլտետի Թվային տեխնոլոգիաների և էկոլոգիական իրավունքի ամբիոնի ավագ դասախոս է[5]։
2012-2014 թվականներին եղել է Միջազգային տեղեկատվական անվտանգության և ինտերնետի գլոբալ կառավարման փորձագիտական ՊԻՐ կենտրոնի (ռուս.՝ ПИР-Центр)[6] աշխատանքային խմբի նախագահը:
Ծանոթագրություններ
խմբագրել- ↑ 1,0 1,1 https://www.peoples.ru/state/lawyers/michail_yakushev/
- ↑ Михаил Якушев, вице-президент ICANN, о свободе в интернете и кириллических доменах — «Радио Вести»
- ↑ 3,0 3,1 ICANN Expands Global Stakeholder Engagement Team
- ↑ 4,0 4,1 4,2 4,3 Михаил Якушев․ Биография
- ↑ «Якушев Михаил Владимирович». www.hse.ru (ռուսերեն). Վերցված է 2024-09-28-ին.
- ↑ «MICHEL YAKUSHEV: "THERE IS STILL NO CONSOLIDATED OPINION ABOUT NEW CONTROL MECHANISM OF GLOBAL INTERNET GOVERNANCE"» (PDF). pircenter.org.
{{cite web}}: line feed character in|title=at position 58 (օգնություն)