Մեղվաթուփ
բույսերի ցեղ
Մեղվաթուփ (լատին․՝ Laburnum), ոսկեանձրև, թիթեռնածաղկավորների ընտանիքի տերևաթափ ծառերի կամ թփերի (մինչև 5 մ բարձրությամբ) ցեղ։ Տերևները եռմասնյա են, հերթադիր, երկար տերևակոթունով։ Ծաղիկները երկսեռ են, վառ դեղին, կախվող ողկույզներով (այստեղից՝ «ոսկե անձրև» անվանումը)։ Պտուղը բազմասերմունդ է։ Հայտնի 3 տեսակները վայրի վիճակում աճում են Հարավային Եվրոպայում, Փոքր Ասիայում։ Առավել տարածված է անագիրատերև մեղվաթուփը (Լ․ anagyroides), որն ունի բարձր դեկորատիվ նշանակություն և լայնորեն օգտագործվում է կանաչապատման մեջ։
![](http://upload.wikimedia.org/wikipedia/commons/thumb/5/53/Laburnum_anagyroides2.jpg/220px-Laburnum_anagyroides2.jpg)
Հայաստանում մշակվում է Երևանում, Դիլիջանում, Վանաձորում, Ստեփանավանում։ Մեղրատու է, պարունակում է ցիտիգին՝ թունավոր ալկալոիդ։
![]() | Վիքիցեղերն ունի նյութեր, որոնք վերաբերում են «Մեղվաթուփ» հոդվածին։ |
![]() | Վիքիպահեստն ունի նյութեր, որոնք վերաբերում են «Մեղվաթուփ» հոդվածին։ |