Մեկ վայրկյան սխրանքի համար
«Մեկ վայրկյան սխրանքի համար» (կորեերեն՝ 영원한 전우, «Անմոռանալի զինակիցը»), 1985 թվականի խորհրդա-կորեական երկսերիանոց գեղարվեստական ֆիլմ[1][2]։ Ռազմապատմական ֆիլմ խորհրդային բանակի լեյտենանտ Յակով Նովիչենկոյի սխրանքի մասին, որը 1946 թվականի մարտի 1-ի Փհենյանի հանրահավաքում փրկել էր Կիմ Իր Սենին նրա վրա նետված նռնակից։
 ռուս.՝ Секунда на подвиг | |
|---|---|
 | |
| Երկիր |  ԽՍՀՄ Կորեայի Ժողովրդա-Դեմոկրատական Հանրապետություն |
| Ժանր | պատմական ֆիլմ |
| Թվական | 1985 |
| Լեզու | ռուսերեն |
| Ռեժիսոր | Eldor Urazbayev? և Gil-sen Om? |
| Սցենարի հեղինակ | Ալեքսանդր Պորոխովշիկով |
| Դերակատարներ | Անդրեյ Մարտինով |
| Օպերատոր | Էլիզբար Կարավաև |
| Երաժշտություն | Էդուարդ Արտեմև |
| Կինոընկերություն | Մոսֆիլմ |
Սյուժե խմբագրել
Կարմիր բանակի կողմից Հյուսիսային Կորեան ճապոնական տիրապետությունից 1945 թվականի օգոստոսին ազատագրվելուց հետո կրտսեր լեյտենանտ Յակով Նովիչենկոն մնում է կորեացիների հետ՝ նրանց օգնելու վերականգնել ավերված երկիրը։ Բայց երկիրը նախկինի պես անհանգիստ է. իշխանությունը և սեփականությունը կորցրած հարուստ կորեացիները ամերիկացի ռազմական խորհրդականների հետ միասին ահաբեկչական դավադրություն են նախապատրաստում Կիմ Իր Սենի դեմ՝ նրան տապալելու նպատակով։
1946 թվականի մարտի 1-ին Փհենյանում սկսվում է հանրահավաք՝ նվիրված Կորեայում մարտիմեկյան հակաճապոնական շարժման 27-ամյակին։ Հանրահավաքում ելույթ է ունենում Հյուսիսային Կորեայի ժամանակավոր ժողովրդական կոմիտեի նախագահ Կիմ Իր Սենը։ Ամբոխի միջից անսպասելիորեն դավադիրներից մեկը նռնակ է նետում նրա ուղղությամբ։ Կրտսեր լեյտենանտ Նովիչենկոն արագ մոտ է վազում, վերցնում է այն և, չիմանալով, թե ուր նետի այն, մարմնով ընկնում է դրա վրա։ Նռնակը պայթում է, սակայն այն գիրքը, որը խորհրդային սպան պատահաբար դրել էր շինելի տակ, փրկում է նրա կյանքը։ Ծանր վիրավորված Նովիչենկոյին տանում են ընկերները, իսկ Կիմ Իր Սենը շարունակում է իր ելույթը։ Հանրահավաքը շարունակվում է։ Դավադրությունը տապալվում է։
Բժիշկները փրկում են Յակով Նովիչենկոյի կյանքը, սակայն նա կորցնում է աջ ձեռքը։ Ֆիլմն ավարտվում է 1984 թվականին նրա այցելությամբ Հյուսիսային Կորեա։
Դերերում խմբագրել
- Անդրեյ Մարտինով - Յակով Նովիչենկո
- Չխվե Չհան Սու - Լի Չան Հեկ
- Օլեգ Անոֆրիև - Գուրենկո
- Չոն Յոն Հի - Չո Սուն Յոն
- Լի Սոն Գվան - Չո Գվան Սե
- Լի Են Իր - Կիմ Իր Սեն
- Նատալյա Արինբասարովա - բուժքույր
- Իրինա Շևչուկ - Մարիա Նովիչենկո
- Մարինա Լևտովա - Ռաիսա Նովիչենկո
- Լիմ Մի Յոն - Սուն Է
- Պակ Չան Յուն - Կվոն Դոկ Սուլ
- Վլադիմիր Անտոնիկ - Իվան Նովիչենկո
- Վյաչեսլավ Բարանով - Պեչկին
- Կանն Վոն Սուկ - Կվոն Հեն Տհյակ
- Լիմ Ին Գուն - Կո Դալ Մին
- Վիկտոր Ֆիլիպով - Բոբիր
- Վլադիմիր Ֆերապոնտով - Սամոխին
- Ալեքսանդր Բելյավսկի — Չիստյակով
- Յուրի Սարանցև - Ռոմանենկո
- Վադիմ Զախարչենկո - գլխավոր բժիշկ
- Վադիմ Գրաչով - Մարշալ Մերեցկով
- Խան Դին Սոպ - Օ Սեն Չխիլ
Նկարահանման խումբ խմբագրել
- Ռեժիսորներ՝ Էլդոր Ուրազբաև, Օմ Գիլլ Սոն
- Սցենարիստներ՝ Ալեքսանդր Բորոդյանսկի, Պեկ Ին Չժուն
- Օպերատորներ՝ Էլիզբար Կարավաև, Չոն Իք Խան
- Բեմադրող նկարիչներ՝ Կոնստանտին Ֆորոստենկո, Կիմ Չխոլ Հոն
- Կոմպոզիտորներ՝ Էդուարդ Արտեմիև, Կո Սու Են
- Հնչյունային օպերատորներ՝ Սեմյոն Լիտվինով, Լի Սխուն Ել
Ծանոթագրություններ խմբագրել
- ↑ «Մեծ վայրկյան սխրանքի համար» ֆիլմը kinopoisk.ru կայքում
- ↑ «Մեծ վայրկյան սխրանքի համար» ֆիլմը kino-teatr.ru կայքում
Արտաքին հղումներ խմբագրել
- «Մեկ վայրկյան սխրանքի համար»(անգլ.) ֆիլմը Internet Movie Database կայքում
- «Секунда на подвиг» на Красном ТВ (1 серия, 2 серия)