Մաքսիմ Գորկու տուն-թանգարան (Մոսկվա)
Մաքսիմ Գորկու տուն թանգարան (ռուս.՝ Музе́й-кварти́ра Макси́ма Го́рького), հուշահամալիր թանգարան Մոսկվայում` նվիրված ռուս գրող, արձակագիր և դրամատուրգ Ալեքսեյ Մաքսիմովիչ Պեշկովի կյանքին և ստեղծագործությանը, որը հայտնի է Մաքսիմ Գորկի գրական կեղծանունով։
Մաքսիմ Գորկու տուն-թանգարան | |
|---|---|
 | |
| Տեսակ | հուշային թանգարան, տեսարժան վայր և պատմական շենք-թանգարան |
| Երկիր |  Ռուսաստան |
| Տեղագրություն | Մոսկվա |
| Վայր | Ryabushinsky House? |
| Հիմնադրվել է | 1902 |
| Կայք | museum.ru/M402 |
 | |
 | |
Պատմություն
խմբագրել.jpg)
1902 թվականին ռուս ճարտարապետ Ֆեոդոր Շեխտելի կողմից մոդեռն ոճով կառուցված շենքը սկզբում պատկանել է միլիոնատեր Սերգեյ Ռյաբուշինսկուն։ Շինարարությունը սկսվել է, երբ Ռյաբուշինսկին 26 տարեկան էր։ Այս տանը նա ընտանիքով ապրել է մինչև 1917 թվականի հեղափոխությունը, երբ ամբողջ ընտանիքը ենթարկվել է հալածանքների և փրկվել արտագաղթելով։ 1917 թվականից հետո առանձնատունն անցավ քաղաքապետարանի տիրապետության ներքո և այնտեղ հերթով տեղակայվեցին Պետական հրատարակչությունը, Արտասահմանի հետ մշակութային կապերի համամիութենական ընկերությունը, Հոգեվերլուծության ինստիտուտը և մանկապարտեզը։ 1932 թվականին Գորկին վերջնականապես տեղափոխվում է ԽՍՀՄ, որտեղ մինչ այդ լինում էր տարեկան մի քանի շաբաթ, դրանից հետո նրան այլևս արտասահման գնալ չթույլատրեցին։ Ռյաբուշինսկու նախկին առանձնատունը, ինչպես նաև Գորկայի և Ղրիմի ամառանոցները ԽՍՀՄ Կառավարության կողմից հատկացվեցին Գորկուն և նրա ընտանիքին՝ որպես կեցավայր։ Հենց այստեղ էլ նա անցկացրեց կյանքի մնացած տարիները մինչև իր մահը՝ 1936 թվականը։ 1965 թվականին շենքին պաշտոնապես տրվեց թանգարանի կարգավիճակ[1]։
Գորկու մահից հետո նրա որդու այրին՝ «Տիմոշան» (Նադեժդա Ալեքսեևնա Պեշկովա) մնաց բնակվելու առանձնատանը մինչև 1965 թվականը, որից վերջին 20 տարիներն իր նախաձեռնությամբ նա նվիրեց Գորկու թանգարանի ստեղծմանը
Ներքին և արտաքին տեսք
խմբագրելՑուցադրություն
խմբագրելԹանգարանն ունի հինգ հուշահասենյակներ` գրադարան, աշխատասենյակ, ննջարան, ճաշասենյակ և ընդունարան, պահպանվել են Գորկու անձնական իրերը, կահավորանքը։ Թանգարանը պահպանել է Գորկու եզակի հարուստ գրադարանը, որն օգտագործվում է գիտական հետազոտություններում[2]։
Մաքսիմ Գորկին բնակվում էր շենքի առաջին հարկում, երկրորդ հարկում բնակվում էր նրա ընտանիքը՝ որդին Մաքսիմ Ալեքսեյևիչը, կնոջ Նադեժդա Ալեքսեևնայի և թոռների Դարյայի ու Մարֆայի հետ։ Այն ժամանակ, երբ Ռյաբուշինսկիները լքեցին տունը և այն անցավ քաղաքապետարանի տիրապետության ներքո, այդ ժամանակվա կահույքի որոշ առարկաներ և լուսավորության սարքեր, որոնք պատրաստվել էին Շեխտելի էսքիզներով, կորել են, քանդվել է օդափոխության համակարգը և կարարական մարմարից պատրաստված եզակի բուխարին։
Ծանոթագրություններ
խմբագրել- ↑ «Дом-музей М.Горького». Արխիվացված է օրիգինալից 2019 թ․ օգոստոսի 27-ին. Վերցված է 2019 թ․ հունիսի 22-ին.
- ↑ Дом-музей Музей-квартира А. М. Горького
Արտաքին հղումներ
խմբագրել- Музей-квартира Максима Горького на сервисе Яндекс.Панорамы
- Музей-квартира А. М. Горького Արխիվացված 2019-06-22 Wayback Machine на «CityOut Москва»
- Классика московского модерна пост в Livejournal.com
- VR 360 экскурсия по особняку