Մարտուն Կոստանդյան
Մարտուն Ալեքսանդրի Կոստանդյան (հունվարի 21, 1980, Երևան, Հայկական ԽՍՀ, ԽՍՀՄ), հայ ջութակահար, արվեստագիտության թեկնածու (2015)[1]։ Նիկոլայ Կոստանդյանի եղբայրը։
| Մարտուն Կոստանդյան | |
|---|---|
| Ծնվել է | հունվարի 21, 1980 (44 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան |
| Մասնագիտություն | ջութակահար |
| Կրթություն | Երևանի Կոմիտասի անվան պետական կոնսերվատորիա |
Կենսագրություն խմբագրել
Մարտուն Կոստանդյանը ծնվել է 1980 թվականի հունվարի 21-ին Երևանում։ 1999 թվականին ավարտել է Երևանի պետական կոնսերվատորիայի լարային ֆակուլտետը (Ս. Հախնազարյանի դասարան), 2000 թվականին՝ ասպիրանտուրան (ղեկ.՝ Է. Թադևոսյան)։ 2000 թվականին ավարտել է նաև Լովրանի (Խորվաթիա) կոնսերվատորիան (ասպիրանտասիստենտ)։
1994-1998 թվականներին հանդես է եկել «Սերենադ» կամերային նվագախմբի կազմում։ 2000 թվականին սկսել է դասավանդել Երևանի Պ. Ի. Չայկովսկու անվան երաժշտական դպրոցում (2005 թվականին դարձել է փոխտնօրեն, 2010 թվականին՝ տնօրեն), 2010 թվականին՝ Երևանի պետական կոնսերվատորիայում։
Հիմնադրել է Հայ-ֆրանսիական մանկական նվագախումբը (2015)։
Հեղինակել է միջազգային մի շարք նախագծեր, գիտական հոդվածներ, որոնք վերաբերում են Տ. Չուխաճյանի սիմֆոնիկ ստեղծագործությանը։
Որպես մենակատար՝ Մարտուն Կոստանդյանը հանդես է եկել համերգներով։
Պարգևներ խմբագրել
- 2014 – Հայաստանի Հանրապետության մշակույթի նախարարության ոսկե մեդալ,
- 2017 – Ռոման քաղաքի «Պատվո նշան» շքանշան (Ֆրանսիա)։
Ծանոթագրություններ խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|