Մարիա Կանտակուզինո
Մարիա Կանտակուզինո (ռումիներեն՝ Marie Cantacuzène, հուլիսի 20, 1820, Horodniceni, Սուչավա, Ռումինիա - օգոստոսի 29, 1898[1], avenue de Villiers, Փարիզի 17-րդ շրջան[1]), Կանտակուզենների տոհմից ռումինացի արքայադուստր, Պիեռ Պյուվի դը Շավանի կինն ու բնորդուհին[3]։
| Մարիա Կանտակուզինո ռումիներեն՝ Maria Cantacuzino | |
|---|---|
 | |
| Ծնվել է | հուլիսի 20, 1820 |
| Ծննդավայր | Horodniceni, Սուչավա, Ռումինիա |
| Մահացել է | օգոստոսի 29, 1898[1] (78 տարեկան) |
| Մահվան վայր | avenue de Villiers, Փարիզի 17-րդ շրջան[1] |
| Քաղաքացիություն |  Ռումինիա |
| Մասնագիտություն | բնորդ |
| Ամուսին | Alexandru Cantacuzino? և Պիեռ Պյուվի դը Շավան[2] |
| Ծնողներ | հայր՝ Nicolae 'Canta' Cantacuzino-Magureanu-Deleanu?, մայր՝ Pulcheria Sturdza? |
Կենսագրություն խմբագրել
Ծնվել է 1820 թվականի հուլիսի 20-ին Բուկովինա դքսության Սուչավա շրջանի Բոսանչ կոմունայում։ Մոլդովայի գանձապետ, արքայազն Նիկոլաս Կանտակուզինոյի և արքայադուստր Պուլխերիա Ստուրձայի երեք երեխաներից ավագն էր։ Ստացել է կաթոլիկ կրթություն ազատական ֆրանկոֆիլ միջավայրում և ազատ տիրապետել է ֆրանսերենի։ 1836 թվականին՝ 16 տարեկանում, ամուսնացել է մոլդովացի բոյար Գեորգ Ստրատուլատի հետ, բայց նրանք արագ բաժանվել են։ Ավելի ուշ նա ամուսնացել է իր զարմիկ Ալեքսանդր Կանտակուզինոյի հետ, որը Ռումինիայում ծառայել է որպես նախարար։ Նրանք նույնպես հեռացել են, բայց չեն բաժանվել։
Առաջադեմ գաղափարների ջատագով Մարիան հեղափոխական Նիկոլայե Բըլչեսկու, բանաստեղծ և դիվանագետ Վասիլե Ալեքսանդրիի մտերիմ ընկերն էր։ 1850 թվականից նա հոր հետ ապրել է Փարիզի և Բիարիցի միջակայքում։ 1854 թվականին Մարիայի եղբայրը՝ Վասիլեն, նրան ծանոթացրել է Թեոդոր Շասերիոյի հետ, որի հետ նա բուռն հարաբերություններ է ունեցել մինչև երկու տարի անց նկարչի մահը։ Շասերիոն լավ գիտեր Մարիայի հորը և նրա համար նկարել է մի քանի դիմանկար։
Մարիան ծանոթացել է Պիեռ Պյուվի դը Շավանի հետ Շասերիոյի արվեստանոցում։ Նրանց հարաբերությունները սկսվել են մոտ 1856 թվականին և տևել են ավելի քան 40 տարի, բայց նրանք ամուսնացել են միայն 1898 թվականի հուլիսի 21-ին՝ մահից կարճ ժամանակ առաջ։ Մարիան հաճախ էր կեցվածք ընդունում նկարչի համար, նա պատկերված է նկարչի բազմաթիվ կտավներում։ Նա մեծ ազդեցություն է ունեցել Շավանի վրա՝ դառնալով նրա ուղեկիցը, ոգեշնչողը[4]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 municipality of Paris Vital records of Paris
- ↑ municipality of Paris Vital records of Paris
- ↑ Berk Jimenez, Jill Dictionary of artists' models. — London: Fitzroy Dearborn Publishers. — С. 104—105. — ISBN 1579582338
- ↑ Clement, Russell T. Four French symbolists : a sourcebook on Pierre Puvis de Chavannes, Gustave Moreau, Odilon Redon, and Maurice Denis. — Westport, Conn.: Greenwood Press. — ISBN 0313297525