Ակումբային կարիերա
խմբագրել
Մատտեո Պոլիտանոն իր հայրենի քաղաքի «Ռոմա» ակումբի սան է։ 2012 թվականի ամռանը խաղային պրակտիկա ձեռք բերելու նպատակով Մատտեո Պոլիտանոն վարձավճարով տեղափոխվել է «Պերուջա»։ Օգոստոսի 5-ին կատարել է իր դեբյուտը նոր ակումբի կազմում՝ Իտալիայի գավաթի խաղարկության շրջանակներում մասնակցելով «Բարլետա» ակումբի դեմ խաղին[2]։ Սեպտեմբերի 3-ին կայացած «Բենևիտոյի» դեմ խաղում Պոլիտանոն կատարել է իր դեբյուտը իտալական Սերիա B-ում[3]։ Սեպտեմբերի 9-ին՝ «Բարլետայի դեմ խաղում, Մատտեո Պոլիտանոն խփել է իր առաջին գոլը հօգուտ «Պերուջայի»[4]։ Վարձավճարային պայմանագրի ժամկետի ավարտից հետո Պոլիտանոն 500 հազար եվրոյով «Ռոմայից» տեղափոխվել է «Պեսկարա»։ 2013 թվականի սեպտեմբերի 8-ին նա նոր թիմի կազմում կատարել է իր դեբյուտն առաջնությունում՝ մասնակցելով «Կրոտնեո» ակումբի դեմ խաղին[5]։ Սեպտեմբերի 30-ին Պոլիտանոն խփել է իր առաջին գոլը «Պեսկարայի» կազմում՝ գրավելով «Չեզենայի» դարպասը[6]։
2015 թվականի ամռանը Մատտեո Պոլիտանին տեղափոխվել է «ՍասուոլոW. տրանսֆերի արժեքը կազմել է 3,5 մլն. եվրո[7]։ Օգոստոսի 23-ին կայացած «Նապոլիի» դեմ խաղում նա կատարել է իր դեբյուտը Իտալիայի Սերիա A-ում՝ հանդիպման երկրորդ խաղակեսում փոխարինելով Դոմենիկո Բերարդիին[8]։ Իր հարազատ «Ռոմա» ակումբի դեմ խաղում Պոլիտանոն խփել է իր առաջին գոլը հօգուտ «Սասուոլոյի»։ 2016 թվականին նա մեկական գոլ է խփել Եվրոպայի լիգայի՝ իսպանական «Ատլետիկ Բիլբաո»[9] և բելգիական «Գենկ»[10] ակումբների դեմ խաղերում։
Ծանոթագրություններ
խմբագրել
Արտաքին հղումներ
խմբագրել
Իտալիա