Մատեո Կովաչիչ

Մատեո Կովաչիչ; խորվ.՝ Mateo Kovačić
Անձնական տվյալներ
Քաղաքացիությունը	Խորվաթիա
Ծննդյան ամսաթիվ	մայիսի 6, 1994 (30 տարեկան)
Ծննդավայր	Լինց, Ավստրիա
Հասակ	177 սանտիմետր
Քաշ	75 կիլոգրամ
Դիրք	կիսապաշտպան
Ակումբային տեղեկություններ
Ներկա ակումբ	Ռեալ Մադրիդ
Համար	16
Պատանեկան կարիերա
2000 - 2007	Լասկ
2007 - 2009	Դինամո Զագրեբ
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Մատեո Կովաչիչ (խորվ.՝ Mateo Kovačić, մայիսի 6, 1994(1994-05-06)^[1]^[2]^[3], Լինց, Ավստրիա), խորվաթ ֆուտբոլիստ, ով խաղում է իսպանական «Ռեալ Մադրիդում» և Խորվաթիայի ազգային հավաքականում՝ որպես կիսապաշպան։ Կովաչիչը «Ինտերում» խաղացել է կենտրոնական կիսապաշպանի դիրքում, սակայն նա համարվում է ունիվերսալ խաղացող, ով խաղացել է տարբեր դիրքերում և նույնիսկ կարող է խաղալ ձախ եզրում, կամ որպես հարձակվողական կիսապաշպան, եթե դրա կարիքը լինի։ Կովաչիչը իր կարիերան սկսել է խորվաթական «Դինամո Զագրեբ» ակումբում 16 տարեկան հասակում, որի հետ հաղթել է երկու հաջորդական մրցաշրջաններում, մինչև 2013 թ-ին Միլանի «Ինտեր» տեղափոխվելը։ Խորվաթիայի ազգային հավաքականում իր կարիրան սկսել է 2013 թ, որը ներկայացրել է 2014 թ-ի Աշխարհի Առաջնությունում։

Ակումբային կարիերա

Երիտասարդական կարիերա

Ծնվել է Լինցում (Ավստրիա) բոսնիական խորվաթների ընտանիքում, ում ծնողները տեղափոխվել են Բոսնիա Հերցեգովինայից Խորվաթիա։ Կովաչիչը սկսել է խաղալ «Լասկ Լինցի» ակադեմիայում։ 2007 թ-ին նկատվել է եվրոպական նշանավոր ակումբների կողմից, ինչպիսիք են «Այաքսը», «Ինտերը», «Յուվենտւսը» և «Բայերն Մյունխենը»։ Սակայն նրա ընտանիքը որոշեց տեղափոխվել Զագրեբ, որտեղ նա միացավ խորվաթական «Դինամո Զագրեբ» ակումբին։ 2009 թ-ին խորվաթ ֆուտբոլիստը ստանում է վնասվածք, որի արդյունքում ջարդվում է ոտքը։ Դաշտ կարողանում է վերադառնալ երկար բուժումից հետո՝ 2010 թ-ի մայիսի 31-ին և մասնակցում Խորվաթիայի մինչև 17 տարեկանների ակադեմիական լիգայի վերջին խաղին, որում իր թիմը հաղթանակ է տանում 5-0 հաշվով։

Դինամո Զագրեբ

Ակումբում սկսում է մարզվել հիմնական կազմի հետ։ 4 ամիս անց, սակայն, միանում է երիտասարդական կազմին։ Նոյեմբերին՝ «Ցիբալիի» և «Զագրեբի» երիտասարդական կազմերի խաղի ժամանակ, նրան գալիս են դիտելու Լոնդոնի «Արսենալի» սկաուտները։ 2010 թ-ի նոյեմբերի 20-ին՝«Խռվաթսկի Դռագովոլյացի» դեմ խաղում, տաղանդավոր խորվաթը իր նորամուտն է նշում Խորվաթիայի առաջնությունում՝ խփելով իր առաջին գոլը։ Մրցակցի դարպասը գրավելով 16 տարեկան 198 օրական հասակում՝ Մատեոն դառնում է ամենաերիտասարդ խաղացողը, ով գոլ է խփում լիգայի պաշտոնական խաղերում։ Նախորդ ռեկորդը, որը ձգվեց ընդամենը մեկ շաբաթ, պատկանում էր Մատեոյի խաղընկեր Դինո Սպեխարին, որը գոլ էր հեղինակել 16 տարեկան 278 օրական հասակում։ 2011 թ-ի դեկտեմբերի 7-ին Չեմպիոնների Լիգայի մրացաշարում՝ ֆրանսիական «Լիոնի» դեմ կայացած մրցավեճում, գրավելով մրցակցի դարպասը, խորվաթը դառնում է մրցաշարի ամենաերիտասարդ խաղացողը, ով գոլ է հեղինակում։

Ինտեր

2013 թ-ի հունվարի 13-ին, տեղափոխվելով Միլանի «Ինտեր», Մատեոն վերցնում է 10 համարը, որը մինչ այդ պատկանում էր Վեսլի Սնեյդերին։ Տրանսֆերի արժեքը կազմել է 15 մլն եվրո, որի 11 մլն-ը վճարվել է միանգամից, իսկ մնացած 4 մլն-ը՝ այն պայմանով, որ «Ինտերը» հանդես կգա Չեմպիոնների Լիգայում։ Նույն տարվա փետրվարի 3-ին իր նորամուտն է նշում Սերիա Ա-ում՝ մասնակցելով «Սիենայի» դեմ մրցավեճին, փոխարինման դուրս գալով երկրորդ խաղակեսում։ Փետրվարի 15-ին իր նորամուտն է նշում նաև Եվրոպա Լիգայում՝ մասնակցելով «ՉՖՌ Կլուժի» դեմ հանդիպմանը։ Հանդիպման ընթացքում կատարում է գոլային փոխանցում՝ օգնելով թիմին հաղթանակ տոնել։

Ռեալ Մադրիդ

2015 թ-ի օգոստոսի 16-ին «Ինտերի» գլխավոր մարզիչ Ռոբերտո Մանչինին հաստատեց, որ Կովաչիչը տեղափոխվում է արքայական ակումբ ֆինանսական ֆեյր փլեյի պատճառով։ Հարցազրույցի ժամանակ՝ Մանչինին նշեց. «Կան օրենքներ, որ պետք է հարգել։ Չեմ կարծում, թե մեզնից որևէ մեկը ցանկանում էր, որ Մատեոն հեռանա, բայց մենք պարտավոր ենք հետևել ֆինանսական ֆեյր փլեյին։ Մենք բոլորս ցավում ենք, որ այսպիսի բան տեղի ունեցավ»։ «Ռեալ Մադրիդը» 2 օր անց հաստատեց լուրը՝ հայտարարելով, որ ֆուտբոլիստն ակումբի հետ կնքել է 6 տարվա պայմանագիր՝ 3 մլն եվրո տարեկան աշխատավարձով։ Օգոստոսի 19-ին Կովաչիչը ներկայացվեց որպես մադրիդյան ակումբի խաղացող Սանտիագո Բեռնաբեու մարզադաշտում։ Իր նոր թիմում խորվաթը կկրի 16 համարի մարզաշապիկը։ Ընդհանուր առմամբ մանսակցել է 170 հանդիպման՝ խփելով ընդամենը 17 գնդակ։

Միջազգային կարիերա

Կովաչիչը հանդես է եկել Խորվաթիայի տարբեր տարիքային հավաքականներում։ Հավաքականներում իր հանդիպումները սկսել է 2008 թ-ին՝ Սլովակիայի դեմ մրցավեճում։ Այնուհետև անցնելով տարբեր տարիքային խմբերով հասել է ազգային հավաքական, որի մշտական անդամն է հանդիսանում։ Խորվաթիայի ազգային հավաքական է հրավիրվել՝ մասնակցելու Շվեյցարիայի ազգային հավաքականի դեմ մրցավեճին, սակայն այն բաց է թողել վնասվածքի պատճառով։ Մասնակցել է 2014 թ-ի Աշխարհի Առաջնության որակավորման փուլի խաղերին։ Իր նորամուտը ազգային հավաքականում նշել է 2013 թ-ի մարտի 22-ին Սերբիայի ազգային հավաքականի դեմ կայացած հանդիպման ժամանակ՝ խաղալով Լուկա Մոդրիչի կողքին։ 2014 թ-ի հունիսի 2-ին ընդգրկվել է ազգային հավաքականի կազմում՝ մասնակցելու 2014 թ-ի Աշխարհի Առաջնությանը։ Մասնակցել է մրցաշարի բացման խաղին Բրազիլիայի հավաքականի դեմ խաղում, որում վերջինս հաղթել է 3-1 հաշվով սեփական երկրում անցկացվող առաջնությունում։ Մասնակցել է հանդիպման 60 րոպեներին այնուհետև փոխարինվել է։ Մասնակցել է խմբային փուլի բոլոր խաղերին։ Առաջին գնդակը ազգային հավաքականի կազմում հեղինակել է հունիսի 7-ին՝ իր ազգային հավաքականում անցկացրած 20-րդ խաղում։ Ընդհանուր առմամբ մասնակցել է 21 հանդիպման՝ խփելով ընդամենը մեկ գնդակ։

Մրցանակներ

Խորվաթիայի առաջին ֆուտբոլային լիգա 2010/11
Խորվաթիայի առաջին ֆուտբոլային լիգա 2011/12
Խորվաթիայի առաջին ֆուտբոլային լիգա 2012/13
Խորվաթիայի գավաթ 2010/11
Խորվաթիայի գավաթ 2011/12

Անհատական

Խորվաթիայի տարվա հույս 2011

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 FBref.com(բազմ․)
↑ ^3,0 ^3,1 As (իսպ.) — Madrid: PRISA, 1967. — ISSN 1888-6671
↑ https://www.chelseafc.com/en/teams/profile/mateo-kovacic

Արտաքին հղումներ

Mateo Kovačić wikipedia հանրագիտարան
Ковачич, Матео wikipedia հանրագիտարան

Վիքիպահեստն ունի նյութեր, որոնք վերաբերում են «Մատեո Կովաչիչ» հոդվածին։

[_dbfa4d9d9ff8b6cb-1] 1,0 ^1,1 Transfermarkt.com(բազմ․) — 2000.

[_5ee37733832bb6ee-2] 2,0 ^2,1 FBref.com(բազմ․)

[_2629d18f331b353b-3] 3,0 ^3,1 As (իսպ.) — Madrid: PRISA, 1967. — ISSN 1888-6671

[_310069c203f54c93-4] ttps://www.chelseafc.com/en/teams/profile/mateo-kovacic

[1]

[2]

[3]

[4]